Jean-Paul Rappeneau

Jean-Paul Rappeneau
Rappeneau en 2009
Nome completo	Jean-Paul Rappeneau
Nacemento	8 de abril de 1932
Lugar	Auxerre, Francia
Nacionalidade	Francia
Fillos	Martin Rappeneau e Julien Rappeneau
Profesión	Director, guionista
Premios Premios César Mellor director 1990 - Cyrano de Bergerac
Na rede
[ editar datos en Wikidata ]

Jean-Paul Rappeneau, nado en Auxerre (Yonne) o 8 de abril de 1932 é un director de cinema e guionista francés.

Traxectoria

Rappeneau comezou no cinema como axudante e guionista colaborando Louis Malle en Zazie dans le metro en 1960 e en Vie privee en 1961. En 1964, coescribiu L' Homme de Rio, protagonizado por Jean-Paul Belmondo.

O primeiro filme que escribiu e dirixiu foi La vie de château en 1965. A pesar de ser un éxito de crítica e de público non volveu facer outro filme ata 1971, cando dirixiu Les Mariés de l'an II, de novo con Belmondo e con Marlène Jobert.

Desde 1975 Rappeneau escribiu só para os seus propios filmes, incluíndo O salvaxe, protagonizado por Yves Montand e Tout feu, tout flamme (1981), tamén con Montand e ademais con Isabelle Adjani. En 1990 dirixiu o luxoso filme Cyrano de Bergerac, adaptado do clásico de Edmond Rostand, e protagonizado por Gérard Depardieu no que se converteu no seu maior papel. Esta versión é a máis elaborada das realizada e unha das producións francesas máis caras da historia.

En 2003 dirixiu a comedia Bon Voyage, coescrita con Patrick Modiano, na que volveu contar con Depardieu e Adjani.

Filmografía

• Guionista - Signé Arsène Lupin (1959), con Robert Lamoureux e Alida Valli
• Guionista - Zazie dans le métro (1960), con Catherine Demongeot e Philippe Noiret
• Guionista - Vie privée (1962), con Brigitte Bardot e Marcello Mastroianni
• Guionista - Le Combat dans l'île (1962), con Romy Schneider e Jean-Louis Trintignant
• Guionista - L'homme de Rio (1964), con Jean-Paul Belmondo e Françoise Dorléac
• Guionista - La fabuleuse aventure de Marco Polo (1965), con Horst Buchholz e Anthony Quinn
• Guionista - Les survivants (televisión) (1965), con Frédéric de Pasquale e Catherine Diamant
• Director e guionista - La vie de château (1965), con Catherine Deneuve e Pierre Brasseur
• Director e guionista - Les mariés de l'an II (1971), con Jean-Paul Belmondo e Marlène Jobert
• Guionista - Le Magnifique (1973), con Jean-Paul Belmondo e Jacqueline Bisset
• Director e guionista - O salvaxe (1975), con Yves Montand e Catherine Deneuve
• Director e guionista - Tout feu, tout flamme (1982), con Yves Montand e Isabelle Adjani
• Director e guionista - Cyrano de Bergerac (1990), con Gérard Depardieu
• Director e guionista - Le hussard sur le toit (1995), con Juliette Binoche e Olivier Martinez
• Director e guionista - Bon Voyage (2003), con Isabelle Adjani e Gérard Depardieu, guión co-escrito con Patrick Modiano.

Véxase tamén

Ligazóns externas

• Jean-Paul Rappeneau na IMDb (en inglés).