James Clark Ross

James Clark Ross
Nome completo	James Clark Ross
Nacemento	15 de abril de 1800
Lugar de nacemento	Londres e Finsbury Square
Falecemento	3 de abril de 1862
Lugar de falecemento	Aylesbury
Soterrado	Aston Abbotts
Nacionalidade	Reino Unido de Gran Bretaña e Irlanda e Reino de Gran Bretaña
Ocupación	explorador, naturalista, oficial da armada e botánico
Pai	George Ross
Nai	Christian Clark
Cónxuxe	Anne Coulman
Fillos	James Coulman Ross
Coñecido por	The zoology of the voyage of the H.M.S. Erebus & Terror
Premios	Cabaleiro da Lexión de Honra, membro da Royal Society, Founder’s Medal e Grande Médaille d'Or des Explorations
Na rede
[ editar datos en Wikidata ]

James Clark Ross, nado en Londres o 15 de abril de 1800 e finado en Aylesbury o 3 de abril de 1862, foi un oficial naval e explorador británico. Explorou o Ártico xunto co seu tío John Ross e William Parry, e máis tarde dirixiu as súas propias expedicións á Antártida.

Traxectoria

Naceu en Londres e en 1812 entrou na mariña real británica, coa que participou nas guerras napoleónicas. Integrou a expedición do seu tío, John Ross, na procura do Paso do Noroeste en 1818. Entre 1819 e 1827 participou en catro expedicións árticas con William Parry, e entre 1829 e 1833 serviu de novo co seu tío na expedición na que se localizou a posición do Polo Norte Magnético o 1 de xuño de 1831.

Capitán dende 1834, entre 1835 e 1838 participou nas investigacións magnéticas en Gran Bretaña. Entre 1839 e 1843 dirixiu a expedición antártica do HMS Erebus e do HMS Terror que cartografaron boa parte da liña de costa do continente. En 1841 descubriu o Mar de Ross, Terra Vitoria e os volcáns Monte Erebus e Monte Terror.

En 1847 publicou as experiencias da súa expedición co título de A Voyage of Discovery and Research to Southern and Antarctic Regions.