Jacques von Bedriaga
 | |
| Nome orixinal | (ru) Яков Владимирович Бедряга  |
|---|---|
| Biografía | |
| Nacemento | Яков Владимирович Бедряга 1854 Kriniz, Imperio ruso |
| Morte | 1906 Florencia, Reino de Italia |
| Datos persoais | |
| País de nacionalidade | rusa |
| Formación profesional | Doutor en Ciencias |
| Educación | Universidade Imperial de Moscova Universidade de Jena |
| Actividade | |
| Ocupación | Zoólogo |
| Empregador | Universidade Imperial de Moscova |
| Obra | |
| Abreviatura do autor en zooloxía | Bedriaga |
Jacques von Bedriaga, ou Jacques Vladimírovich Bedriaga, co apelido ás veces grafado Bedryagha, (en ruso Яков Владимирович Бедряга Yákov Vladimírovich Bedryaga), nado en 1854 en Kriniz, Gobernación de Vorónezh, Imperio ruso, e finado en 1906 en Florencia, Reino de Italia, foi un zoólogo ruso especializado en herpetoloxía.
Traxectoria[editar | editar a fonte]
Bedriaga estudou Ciencias na Universidade Imperial de Moscova baixo a dirección de Anatoli Bogdánov. Despois trasladouse a Alemaña, onde estudou na Universidade de Jena, con Ernst Haeckel e Karl Gegenbaur, na que, en 1875, obtivo o seu doutoramento cunha tese sobre os órganos uroxeniatais ds réptiles.
Despois de doutorarse, Bedriaga continuou a súa buca de réptiles con Gegenbaur, e realizou frecuentes viaxes científicas a rexións ao redor do Mediterráneo. En 1880 publicou un importante traballo sobre herpetoloxía grega, Die Amphibien und Reptilien Griechenlands. Tamén visitou ocasionalmente Rusia, onde estudou as coleccións formadas de expedicións a Asia Central, incluíndo os de Nikolai Przewalski. En 1881 trasladouse a Niza por razóns de saúde e, máis tarde, a Florencia, onde morreu en 1906.
Nas súas publicacións científicas, Bedriaga ás veces alteraba o seu nome para estar de acordo coa lingua do país onde publicaba. Como resultado, poden verse as seguintes variacións: Jacob Vladimírovich Bedriaga, Johann von Bedriaga e Jean de Bedriaga.[1]
Algunhas publicacións[editar | editar a fonte]
- Ueber Dado Entstehung der Farben bei den Eidechsen (Sobre a aparición de cor en lagartos) 1874.[2]
- "Die Amphibien und Reptilien Griechenlands" (Os anfibios e réptiles de Grecia). Bulletin de la Société impériale des naturalistes de Moscou, 56 (1): 242–310 (Ver texto íontegro) e (2): 278-344 (Ver texto íntegro) 1881.
- Beiträge zur Kenntnis der Amphibien und Reptilien der Fauna von Corsika (Contribucións ao coñecemento dos anfibios e réptiles de Córsega) 1883.[2]
- Beiträge zur Kenntnis der Lacertiden-Familie. (Contribucións ao coñecemento da familia dos lacértidos) 1886.[2]
- Wissenschaftliche Resultate der von N. M. Przewalski nach Central-Asien untemammenen Reisen (Resultados científicos das viaxes a Asia Central de N. M. Przewalski) 1898.
Epónimos[editar | editar a fonte]
Moitas especies herpetolóxicas levan o seu nome, entre elas Archeolacerta bedriagae, Acanthodactylus bedriagai, Chalcides bedriagai, Teratoscincus bedriagai e Rana bedriagae.
Galería[editar | editar a fonte]
-
Hyla arborea var. molleri Bedriaga, 1890
.jpg)
Abreviatura[editar | editar a fonte]
A abreviatura Bedriaga emprégase para recoñecer a Jacques von Bedriaga como autoridade na descrición e taxonomía en zooloxía.
Notas[editar | editar a fonte]
- ↑ Bo Beolens et al. (2011): The Eponym Dictionary of Reptiles. Baltimore, Maryland, USA: The Johns Hopkins University Press. ISBN 978-1-4214-0135-5.
- ↑ 2,0 2,1 2,2 Obras de Bedriaga en lacerta.de.
Véxase tamén[editar | editar a fonte]
 |
Wikispecies posúe unha páxina sobre: Jacques von Bedriaga |
