Irina Aleksandrovna de Rusia
  | |
| Nome orixinal | (ru) Княжна Ирина Александровна Романова |
|---|---|
| Biografía | |
| Nacemento | 3 de xullo de 1895 (Xuliano) Peterhof, Rusia (pt)  |
| Morte | 26 de febreiro de 1970 (74 anos) 16º distrito de París (Francia) |
| Lugar de sepultura | Cemitério Russo de Sainte-Geneviève-des-Bois (pt) |
| Outro | |
| Título | Princesa |
| Familia | Casa de Holstein-Gottorp-Romanov |
| Cónxuxe | Félix Yussupov (1914–1967), morte do cónxuxe |
| Fillos | Princess Irina Felixovna Yusupova, 9th Princess Yusupov |
| Pais | Alexandre Mikhailovich de Rusia e Xenia Alexandrovna de Rusia |
| Irmáns | Vassili Aleksandrovitch Rostislav Alexandrovich Nikita Alexandrovich Dmitri Alexandrovich André Alexandrovich Feodor Alexandrovich da Rússia |
  | |
Irina Alexandrovna de Rusia (15 de xullo de 1895 - 26 de febreiro de 1970) foi unha princesa rusa, filla do gran duque Alexandre Mikhailovich de Rusia e da gran duquesa Xenia Aleksandrovna de Rusia, e sobriña do tsar Nicolao II de Rusia.
Naceu no palacio de Peterhof e pasou dende a infancia temporadas no sur de Francia. O 22 de febreiro de 1914 casou co príncipe Félix Iussupov, un dos homes das ricos de Rusia. Pasou a lúa de mel en Oriente Medio e Europa, o comezo da primeira guerra mundial colleunos en Alemaña e permaneceron un tempo retidos en Berlín, porén por mor das xestións do embaixador español obtiveron o permiso para regresar a a Rusia. Establecéronse no Palacio Moka e habilitaron unha parte para hospital. O 5 de marzo de 1915 naceu a súa filla, Irina Felixovna Iussupova.
Tanto Félix como Irina eran contrarios á influencia que exercía Rasputín sobre os tsares e Irina estivo ao corrente dos plans que seu home xunto a outros nobres tiñan para facelo desaparecer. Así, Félix, coñecedor do interese que tiña Rasputín en coñecer á súa dona convidouno o 16 de decembro de 1916 ao seu palacio, aínda que Irina estaba en Crimea. Esa noite Rasputín morría e o tsar exiliou a Iussupov a unha das súas posesións máis remotas, Rakitnoe na provincia de Kursk. Irina acompañou ao seu marido. Despois da Revolución Rusa Irina, Félix e a súa filla estableceron a súa residencia en Ai Todor, en Crimea. O 7 de abril de 1919 saíron de Rusia no navío, o HMS Marlborough que enviara Xurxo V do Reino Unido para levar ao exilio á emperatriz viúva e o resto dos Romanov superviventes.
En 1920 Irina estableceuse co seu home en Boulogne-Billancourt, un suburbio de París. En 1934 Irina gañou un xuízo contra a Metro-Goldwyn-Mayer por presentala no filme Rasputin and the Empress (1928) como a amante de Rasputín.
