George Bellows

George Bellows

Biografía
Nacemento	12 de agosto de 1882 Columbus
Morte	8 de xaneiro de 1925 (42 anos) Nova York
Causa da morte	cancro
Lugar de sepultura	cemiterio de Green-Wood 40°39′02″N 73°59′44″O
Outros nomes	Bellows, George Wesley
Residencia	George W. Bellows House (en)
Educación	Universidade Estatal de Ohio Central High School (en)
Actividade
Campo de traballo	Pintura
Lugar de traballo	Nova York Maine California Santa Fe
Ocupación	pintor, debuxante, mestre, litógrafo, profesor universitario, gravador
Empregador	Liga de Estudantes de Arte de Nova York
Membro de	Academia Estadounidense das Artes e as Letras
Xénero artístico	Retrato, pintura paisaxística e pintura de xénero
Movemento	Escola Ashcan (pt) e realismo americano
Profesores	Robert Henri
Alumnos	William Gropper
Participou en
17 de febreiro de 1913	Show de Arsenal (pt)
Obra
Obras destacables (1914) Florence Davey (en) (1918) The Barricade (en)
Arquivos en	Amherst College
Familia
Cónxuxe	Emma S. Bellows
Fillos	Anne Bellows Kearney, Jean Bellows
Premios
Hallgarten Prize (en)

George Wesley Bellows, nado en Columbus (Ohio) o 12 de agosto de 1882 e finado en Nova York o 8 de xaneiro de 1925, foi un pintor e litógrafo estadounidense, coñecido polas súas intrépidas representacións da vida urbana en Nova York.

Traxectoria

Mocidade

Estudou na Universidade Estatal de Ohio entre 1901 e 1904, xogou nos equipos universitarios de béisbol e baloncesto e realizou ilustracións para Makio, o anuario dos estudantes. rexeitou unirse ós Cincinnati Reds como xogador profesional de béisbol e traballou como ilustrador comercial mentres estudaba. En 1904 marchou a Nova York para estudar arte. Bellows foi alumno de Robert Henri na Escola de Arte de Nova York e integrou o grupo coñecido como The Eight da Ashcan School, un grupo de artistas que pretendían pintar a sociedade norteamericana en todas as súas formas. En 1906 Bellows alugou o seu propio estudo.

Nova York

Bellows participou por primeira vez nunha exhibición en 1908 organizárona os alumnos de Henri e os críticos recibírona con disparidade de criterios. En 1909 comezou a dar clases na Art Students League of New York.

New York (1911)

As escenas urbanas do Nova York de Bellows reflicten a crueza e o caos da clase traballadora e dos barrios, as clases altas aparecen satirizadas frecuentemente nos seus traballos. Entre 1907 e 1915 realizou unha serie de pinturas amosando Nova York cuberta de neve. Esas pinturas foron un campo de probas no que Bellows xoga coa cor e a textura visual que despois serán centrais nas súas pinturas. Elas exhiben un contraste total entre o azul e branco da neve e as superficies, esgrevias e cotrosas, da cidade e creando unha imaxe esteticamente irónica dos igualmente esgrevios e costrosos homes loitando por limpar as impurezas da neve pura. Con todo foi a serie de pinturas retratando boxeadores afeccionados a súa contribución máis salientable á historia da arte Esas pinturas caracterízanse pola súa atmosfera escrura, nas que as pinceladas brillantes das figuras humanas vividamente dan un forte sentido de movemento e dirección.

Temas sociais e políticos

O aumento do seu prestixio como pintor dan cun cambio a súa vida e obra, aínda que continuou os seus temas anteriores, Bellows comezou a recibir peticións para retratos e convites da elite de Nova York e comezou a pasar os veráns en Maine, pintando paisaxes mariñas en Monhegan e na illa de Matinicus.

Ó tempo, o sempres socialmente consciente Bellows asociouse cun grupo de artistas e activistas radicais, chamados The Lyrical Left, que tendía ó anarquismo na súa procura dos dereitos individuais. Bellows ensinou na Escola Moderna de Nova York (que seguía as ideas de Francesc Ferrer e foi membro do consello editorial do xornal socialista, The Masses ó que tamén contribuía con debuxos e litografías a comezos de 1911. Bellows que cría que a liberdade artística do autor tiña que estar por riba de calquera política ideolóxica editorial tivo problemas mantivo un apoio público á intervención dos Estados Unidos na primeira guerra mundial e realizou unha serie de litografías e pinturas coas atrocidades cometidas polos alemáns durante a invasión de Bélxica, a máis famosa foi The Germans Arrive, baseada nun relato real e que amosaba un soldado alemán contendo un mozo belga coas mans cortadas. A súa posición non lle impediu criticar a censura interior e a persecución que a Lei de espionaxe permitía contra os disientes antibelicistas.

Últimos anos

Os lenzos dos últimos anos de Bellows céntranse na súa vida doméstica, coa súa muller e fillas como obxectos centrais das súas obras, que amosan tamén un incremento programado e teórico cara a cor e o deseño, unha marcada diferenza coas súas obras anteriores.

Litografías

Bellows fixo contribucións significativas, axudando a divulgar o seu uso como medio artístico nos Estados Unidos. En 1916 instalou unha prensa litográfica no seu estudio e entre 1921 e 1924 colaborou con Bolton Brown na realización de máis dun cento de imaxes. Bellows tamén ilustrou numerosos libros durante a súa carreira, incluíndo varios de H. G. Wells.

Galería de imaxes

• 
  Pennsylvania Station Excavation (1907)
• 
  Blue Snow the Battery (1910)
• 
  A Morning Snow Hudson River (1910)
• 
  New York (1911)
• 
  Edith Cavell (1918)
• 
  Emma at the Window (1920)
• 
  Self-portrait, (1921), Lithograph
• 
  Summer Fantasy (1924)
• 
  Dempsey and Firpo (1924)

Véxase tamén

Ligazóns externas

• Artcyclopedia (en inglés)
• An American Pulse: The Lithographs of George Bellows, San Diego Museum of Art (en inglés)
• The Powerful Hand of George Bellows: Drawings from the Boston Public Library (en inglés)
• George Bellows Gallery no MuseumSyndicate Arquivado 04 de xuño de 2016 en Wayback Machine. (en inglés)