Santa Fe é a capital do estado de Novo México no suroeste dos Estados Unidos. Está situada no centro norte do estado, a uns 90km de Albuquerque, a cidade máis grande de Novo México. En 2006 tiña 72.056 habitantes. É tamén a capital do Condado de Santa Fe. Está situada a 2130 msnm.
Santa Fe foi designada capital de Novo México, unha provincia da Nova España instituída en 1598 polo explorador españolCoronado. A primeira toma de posesión foi no lugar no que posteriormente crecería a cidade, a partir de 1607, por obra do colono español Juan Martinez de Montoya.
A cidade foi fundada formalmente en 1610 por Don Pedro de Peralta, terceiro gobernador de Novo México; déuselle o nome de A Vila Real da Santa Fe de San Francisco de Asís. É a máis antiga entre todas as cidades capitais dos Estados Unidos, e a segunda máis antiga entre todas as cidades aínda habitadas da época colonial (logo de San Agustín, en Florida, que foi fundada en 1565).
Santa Fe foi sede provincial española ata o comezo da Guerra de Independencia de México en 1810. En 1824 formalizouse o seu status de capital do territorio mexicano de Santa Fe de Novo México.
A Misión de San Miguel (ao redor de 1610), posiblemente a igrexa máis antiga nos Estados Unidos.Palacio dos Gobernadores, 1609-10.
