Galván en Saor

Galván en Saor
Título Galván en Saor
Instancia de obra literaria
Forma artística novela
Lingua lingua galega
Autoría
Autor/a Darío Xohán Cabana
Temática
Tema principal Materia de Bretaña
Publicación
Editorial Edicións Xerais de Galicia
Datas  Data de publicación 1989
Localización  País de orixe España
Recoñecemento  Premios Premio Xerais (1989)
Wikidata

Galván en Saor é unha novela en lingua galega escrita por Darío Xohán Cabana e publicada en 1989, ano en que gañou o Premio Xerais. A novela foi traducida ao castelán por Vicente Araguas, sendo publicada por Huerga y Fierro en 1996. Foi reeditada máis dunha ducia de veces e incluída, co número 73, na Biblioteca Galega 120.

Xerais publicou en 2023 unha nova edición, 184 páxs. ISBN 978-84-1110-441-8

Trama

Galván é un viaxeiro que chega a unha pousada, onde lle dan acollida. Esta pousada está ambientada nun mundo real e contemporáneo, mais desde ela vai a un mundo fantástico, no que a súa motocicleta se converte en cabalo, e onde existen elementos medievais como castelos e batallas, e elementos mitolóxicos como unha vila asolagada baixo unha lagoa e ananos. Alí coñece a Silvania, unha princesa coa que vive unha intensa historia de amor e unha aventura contra sete cabaleiros.

“	A taberna da Inés estaba escura e sen xente na parte que para taberna fora prevista, pero oíase un ruxe-ruxe de conversa e víase luz polo cristal esmerilado da porta da cociña adxacente. Anoitecía fóra, e venteaba e chovía fío.	”

A trama entronca coa Materia de Bretaña. Galván é o sobriño do rei Artur, e chega a Saor logo de que ao seu tío lle dese por buscar o santo Graal. En Saor coincide co mago Merlín.

Narración

A novela está narrada en terceira persoa cun narrador omnisciente. Son frecuentes as descricións dos personaxes e os espazos, e inclúense varias escenas eróticas entre Galván e Silvania.

Véxase tamén

Bibliografía

• Araúxo García, María Teresa (2002). "Personaxes artúricos". Crítica e autores. BG120 II. La Voz de Galicia. pp. 393–394. ISBN 84-9757-098-7. 
• Carro, Xavier (abril-maio-xuño 1990). "Benvido, señor Galván" (PDF). Grial (Galaxia) (106): 240–242. ISSN 0017-4181. Arquivado dende o orixinal (PDF) o 03 de febreiro de 2021. Consultado o 18 de novembro de 2021. 
• Fraga, Xesús (2002). "«O Galván fala das aventuras artúricas pero tamén fala de nós»". Crítica e autores. BG120 II. La Voz de Galicia. pp. 395–398. ISBN 84-9757-098-7. 
• González Millán, Xoán (xullo, agosto, setembro 1992). "Galván en Saor. Un exercicio de esquizofrenia narrativa" (PDF). Grial (Galaxia) (115): 386–402. ISSN 0017-4181. Arquivado dende o orixinal (PDF) o 19 de novembro de 2021. Consultado o 19 de novembro de 2021. 
• Loureiro, Ramón (2002). "Os prodixios e as palabras". Crítica e autores. BG120 II. La Voz de Galicia. pp. 394–395. ISBN 84-9757-098-7. 
• Mejía Ruiz, Carmen; García Piqueras, Isabel (xullo, agosto, setembro 1999). "Aproximación á obra narrativa de Darío Xohán Cabana" (PDF). Grial (Galaxia) (127). ISSN 0017-4181. Arquivado dende o orixinal (PDF) o 19 de novembro de 2021. Consultado o 19 de novembro de 2021. 
• ——— (1999). "Recreación medieval en la obra de Darío Xohán Cabana" (PDF). Actes del VII Congrés de l'Associació Hispànica de Literatura Medieval (en castelán) 2. UJI. pp. 471–480. ISBN 84-8021-280-2. 
• Salas, M. (2010). Pasado y futuro de Galicia en la obra de Darío Xohán Cabana: La manipulación política a través de la ficción (PDF). El Camino de Santiago: Encrucijada de lenguas y culturas (en castelán) (AEPE). pp. 333–346. ISBN 8497473167. 
• Vilavedra, Dolores, ed. (2000). Diccionario da literatura galega. Obras III. Vigo: Editorial Galaxia. p. 229. ISBN 84-8288-365-8. 

Ligazóns externas

• Ficha Arquivado 19 de novembro de 2021 en Wayback Machine. na web de Edicións Xerais.