Galván en Saor

Na Galipedia, a Wikipedia en galego.
Galván en Saor
Autor/a Darío Xohán Cabana
Orixe Galiza
Lingua galego
Tema(s) Materia de Bretaña
Xénero(s) Novela
Editorial Edicións Xerais
Data de pub. 1989
Formato 14,5 x 22 cm
Rústica cosido a fío
Páxinas 184
ISBN 978-84-9782-328-9

Galván en Saor é unha novela en lingua galega escrita por Darío Xohán Cabana e publicada en 1989, ano en que gañou o Premio Xerais. A novela foi traducida ao castelán por Vicente Araguas, sendo publicada por Huerga y Fierro en 1996.

Trama[editar | editar a fonte]

Galván é un viaxeiro que chega a unha pousada, onde lle dan acollida. Esta pousada está ambientada nun mundo real e contemporáneo, mais desde ela vai a un mundo fantástico, no que a súa motocicleta se converte en cabalo, e onde existen elementos medievais como castelos e batallas, e elementos mitolóxicos como unha vila asolagada baixo unha lagoa e ananos. Alí coñece a Silvania, unha princesa coa que vive unha intensa historia de amor e unha aventura contra sete cabaleiros.

A trama entronca coa Materia de Bretaña. Galván é o sobriño do rei Artur, e chega a Saor logo de que ao seu tío lle dese por buscar o santo Graal. En Saor coincide co mago Merlín.

Narración[editar | editar a fonte]

A novela está narrada en terceira persoa cun narrador omnisciente. Son frecuentes as descricións dos personaxes e os espazos, e inclúense varias escenas eróticas entre Galván e Silvania.

Véxase tamén[editar | editar a fonte]

Ligazóns externas[editar | editar a fonte]

  • Ficha na web de Edicións Xerais.