Folosa grande

Folosa grande
Acrocephalus arundinaceus Carl von Linné 1758
Instancia de taxon  Nome curto A. arundinaceus  Categoría taxonómica especie
Características  Ciclo diurno diurnalidade
Conservación Especie pouco preocupante
Clasificación taxonómica
Superreino Holozoa Reino Animalia Filo Chordata Clase Aves Orde Passeriformes Familia Acrocephalidae Xénero Acrocephalus Especie Acrocephalus arundinaceus Linnaeus, 1758 Acrocephalus arundinaceus
Cifras e dimensións Masa 3,15 g peso de nacemento Tamaño da niñada 4,2
Localización  Área de distribución Montañas Nanling África  Mapas
Códigos e identificadores Freebase /m/01ywzd ITIS 558408 OTT 800677 UICN 104317670
Fontes e ligazóns  Descrito pola fonte Enciclopedia da natureza de Armenia
Wikidata G:Commons C:Commons

A folosa grande, ou fulepa grande, (Acrocephalus arundinaceus) é unha ave paseriforme da familia dos acrocefálidos (Acrocephalidae), pertencente ao xénero Acrocephalus.

Descrición

O corpo mide uns 19 cm e ten unha envergadura de ás é de 28 cm, o que a converte na meirande das folosas europeas. Pesa entre 25 e 36 gramos. A parte superior do seu corpo é castaña, a inferior de cor branca tirando a amarela. A gorxa é branca e ten unha banda branca característica sobre dos ollos. O peteiro é forte. Machos e femias comparten a mesma coloración.

Distribución xeográfica e hábitat

Vive en case toda Europa entre abril e setembro, en Asia ten unha distribución ampla, chegando a China e Corea. Os exemplares europeos pasan o inverno en África tropical e do sur. Fan a emigración en grandes etapas, interrompidas por pausas longas, que poden durar semanas, nas que procura recupera-las súas reservas de graxa para poder segui-lo seu camiño.

Vive nos canavais e entre as plantas das ribeiras de lagos, estanques, ríos e pantanos.

Alimentación e reprodución

Niño da Folosa grande

Cuculus canorus canorus + Acrocephalus arundinaceus

Chouta e agatuña con axilidade entre as canas para alimentarse de arañas, insectos e larvas, cágados e bagas. Maduran sexualmente ó ano de vida. A época reprodutora en Europa ten o seu cumio entre maio e xullo. Fai un niño de herbas e xuncos con xeito de cunca que agochado entre as plantas acuáticas suxeito a tres ou catro canas e pendurando sobre da auga. A femia pon de 4 a 6 ovos que son chocados entre 12 e 14 días. Os seus niños son paras con frecuencia polos cucos.

Sistemática

Recoñécense dúas subespecies:

• Acrocephalus arundinaceus arundinaceus de Europa, o noroeste de África do norte, Turquía e o Oriente Próximo ata a cunca do río Volga.
• Acrocephalus arundinaceus zarudnyi do norte de Iraq, Irán, Afganistán, Uzbekistán, Tadjiikistán, Mongolia e oeste da China (Sinkiang).

As vellas subespecies A. a. griseldis de Iraq, e A. a. orientalis de Sinkiang e leste de Mongolia, conca inferior do río Amur e do Xapón son consideradas agora dúas especies separadas: Acrocephalus griseldis e Acrocephalus orientalis.