Santiago Sanz Méndez: Diferenzas entre revisións
Nova páxina: "{{En uso}} {{Futbolista |nome_xogador = Quecho |imaxe = |pé = |nome_completo = Santiago Sanz Méndez |altura = 1,70 m. |posición = Centrocampista |club_actual = |club_número = |youthyears1 = –1980 |youthclubs1 = Celta de Vigo |years1 = 1980–1981 |clubs1 = Gran Peña |caps1..." Etiqueta: edición de código 2017 |
(Sen diferenzas.)
|
Revisión como estaba o 4 de decembro de 2021 ás 10:19
 | Esta páxina ou sección está a editarse nestes intres. Para evitar posibles conflitos de edición, non edites esta páxina ou sección mentres vexas esta mensaxe. Revisa o historial de edicións para saber quen traballa nela. O usuario Xanetas (conversa · contribucións) realizou a última edición na páxina hai 2 anos. O tempo máximo de presenza deste marcador é dun mes dende a última edición do usuario que o puxo; pasado ese tempo debe retirarse. |
| Quecho | |||
|---|---|---|---|
| Información persoal | |||
| Nome | Santiago Sanz Méndez | ||
| Nacemento | 1 de marzo de 1962 | ||
| Lugar de nacemento | Vigo | ||
| Altura | 1,70 m. | ||
| Posición | Centrocampista | ||
| Carreira xuvenil | |||
| –1980 | Celta de Vigo | ||
| Carreira sénior | |||
| Anos | Equipos | Aprs | (Gls) |
| 1980–1981 | Gran Peña | ||
| 1981–1984 | Celta de Vigo | 32 | (1) |
| 1984–1986 | Ourense | 26 | (9) |
| 1986–1988 | Arenteiro | 33 | (14) |
| 1988–1996 | Ourense | 223 | (64) |
|
Partidos e goles só en liga doméstica. [ editar datos en Wikidata ] | |||
Santiago Sanz Méndez, máis coñecido como Quecho, nado en Vigo o 1 de marzo de 1962, é un exfutbolista galego, que xogaba de centrocampista. Fillo do futbolista e adestrador do Celta de Vigo, Yayo, formouse no equipo celeste, pero destacou especialmente no desaparecido Ourense, sendo un dos xogadores máis importantes da historia do club.
Traxectoria
Formouse na canteira do Celta de Vigo, pasando a xogar co Gran Peña na campaña 1980/81. Na tempada seguinte debutou co primeiro equipo na Segunda División, nun partido contra o Real Murcia. Disputou 17 partidos esa tempada, na que o equipo adestrado por Milorad Pavić logrou o ascenso á Primeira División, e contribuíu con un gol contra o Levante. Na 1982/83 debutou na Primeira División, xogando 22 partidos, pero volvendo descender ao remate da competición. Continuou un ano máis no club vigués, pero sen poder xogar debido a unha grave lesión de xeonllo.[1]
Na tempada 1984/85 fichou polo Ourense, co que logrou ese ano o ascenso á Segunda División B. Tras unha segunda campaña co equipo, fichou en 1986 polo Arenteiro, co que tamén conseguiu o ascenso á Segunda B na súa primeira tempada. Ao ano seguinte marcou 14 goles co club do Carballiño, sendo un dos máximos goleadores do seu grupo, e ao remate da tempada regresou ao Ourense.
A súa segunda etapa no Ourense comprendeu oito tempadas, nas que se converteu nun dos futbolistas máis importantes da historia do club, con preto de 300 partidos e máis de 80 goles. Foi o máximo goleador do grupo I da Segunda B na tempada 1991/92 con 19 tantos, e na 1993/94 contribuíu ao regreso do club á Segunda División 20 anos despois.
Notas
- ↑ "Quecho, dispuesto a triunfar". La Voz de Galicia (en castelán). 2 de agosto de 1984. p. 39.
Véxase tamén
Ligazóns externas
- Datos do xogador en BDFutbol (en castelán).
| Control de autoridades |
|
|---|
