Oriente

Oriente é unha noción europea de orixe ilustrada e romántica. Describe os territorios que nos séculos XVII e XVIII se escapaban ao coñecemento e control directo das potencias europeas e se situaban a leste dos montes Urais e ao sul do Mar Negro. Eran, basicamente, Asia e o norte de África.

Porén, Oriente non existe como tal entidade xeográfica nen cultural. Inclúe desertos como o deserto do Gobi, estepas cultivábeis, como Siria, cordilleiras e bacías fluvíais (Nilo, Éufrates e Tigris, Indo, Ganxes, Yang-Tse...), a xungla,...

Culturalmente dividiuse en tres áreas:

• O Lonxano Oriente, con centro cultural na China
• O Oriente Medio, con centro cultural na India
• O Próximo Oriente, con centro cultural en Mesopotamia

En historiografía, fálase da Historia Antiga de Oriente ou da Historia do Oriente Antigo por mero paralelismo coa historia occidental.