Río Dniéper

Dniepr
e O Dniepr en Kiev
País	Rusia, Bielorrusia, Ucraína
Nacemento	Altiplano de Valdai
Lonxitude	2.290 km
Conca	516.000 km2
Caudal medio	1.670 m3/s
Desembocadura	Mar Negro

Mapa da conca do Dniepr

O Dniepr ou Dniéper (en ruso: Днепр/Dnepr; en bielorruso: Дняпро/Dnyapro, en ucraíno: Дніпро/Dnipro) é un río con 2.290 km de percurso (o cuarto en Europa logo do Volga, o Danubio e o Ural).

Percorrido

O Dniepr nace no altiplano de Valdai (Rusia occidental), para entrar despois en Bielorrusia; foi logo, durante 115 km, de fronteira natural entre Bielorrusia e Ucraína, para por fin facer o resto do seu curso a través da Ucraina, na cal baña a capital, Kiev. Ao longo dos tres países mantén esencialmente o mesmo nome, aínda que con pequenas variantes gráficas e de pronunciación.

O Dniepr desauga no Mar Negro cun longo estuario, non lonxe da cidade de Odessa, a occidente da península de Crimea. O seu caudal medio na foz é de 1.670 m³/s.

A conca hidrográfica do Dniepr abranxe unha área de 516.000 km², unha superficie maior que a de España, o que a torna na terceira en Europa, despois das do Volga e do Danubio.

Explotación económica

Nos últimos 800 km do río está regulado por unha serie de grandes encoros. Estes encoros son: o de Kiev (Kyivs'ke) (922 km²), o de Kaniv (582 km²), o de Kremenchuk (2252 km²), o encoro de Dniprodzerzhin (567 km²), o de Zaporiz (410 km²) e o de Kakhov (2155 km²). As presas destes encoros son utilizados para producir enerxía hidroeléctrica, que representa sobre do 10% electricidade xerada en Ucraína.

Nome e historia

O río Dniepr é mencionado polo grego Herodoto no Século V a.C. como Borysthenes. Os historiadores romanos denominárono Danaper. O vello nome usado na época medieval, cando do Rus' de Kiev, era Slavutich.

O Dniepr foi de sempre a principal vía de comunicación nesta zona, facilitando as comunicacións entre o Mar Negro e o mar Báltico. A través desta ruta fluvial, viquingos e polacos, se moveron cara o sur.

O Dniepr foi, durante a última guerra mundial, o eixo da "liña Stalin", escenario de duros combates entre os exércitos alemáns e soviéticos.

Cidades ás beiras do Dniepr

Desde o seu nacemento até a desembocadura temos entre as cidades principais erguidas as súas orelas:

• Dorogobuzh, Rusia
• Smolensk, Rusia
• Orša, Bielorrusia
• Sklou, Bielorrusia
• Mahilëu, Bielorrusia
• Byhau, Bielorrusia
• Rahacou, Bielorusia
• Zlobin, Bielorrusia
• Rècyca, Bielorrusia
• Kiev, Ucraína
• Kaniv, Ucraína
• Čerkasi, Ucraína
• Kremenchuk, Ucraína
• Dniprodzerzhyns'k, Ucraína
• Dnipropetrovs'k, Ucraína
• Zaporizhzhia, Ucraína
• Marhanets', Ucraína
• Nikopol', Ucraína
• Nova Kakhovka, Ucraína
• Kherson, Ucraína

Afluentes do Dniepr

Destacan entre os tributarios máis importantes do Dniepr en orde desde a fonte:

• Drut (D)
• Sozh (E)
• Berezina (D)
• Pripyat (D)
• Irpen (D)
• Sula (E)
• Vorskla (E)
• Samara (E)
• Ros (D)
• Bazavluk (D)
• Ingulec (D)
• Konka(D)
• Desna (E)

Recoñecementos

Este artigo é unha versión do correspondente da Wikipedia en italiano.