Erías, Ḷḷena

Coordenadas: 43°05′45″N 5°48′27″O / 43.09583, -5.80750

Vista da vila de Erías.

Erías^[1] é unha parroquia do concello asturiano de Ḷḷena. A parroquia ten unha extensión de 6,66 km² e unha poboación de 54 habitantes (segundo datos de 2009). A vila está situada a 7,3 quilómetros de La Pola e atópase a 560 metros de altitude.

Lugares[editar | editar a fonte]

Segundo o nomenclátor de 2009, a parroquia abrangue as poboacións de:

Bendueños (aldea): 1 habitante;
La Frecha (lugar): 21 habitantes;
Erías (lugar): 14 habitantes;
Eros (aldea): 6 habitantes;
Renueva (casaría): 12 habitantes.

Tamén forman parte da parroquia as casarías de La Barraca, El Cabanón, El Quentu e Samiguel d'Eros.

Historia[editar | editar a fonte]

O seu poboamente remóntase polo menos á Idade Media, xa que se atoparon restos dun mosteiro do século X, o mosteiro de Santolaya,^[2] xunto ao que se encontraban unhas viñas, as chamadas leiras de Viñamayor, cuxa posesión pola Orde de San Bieito está documentada.^[3] Pola súa parte, a igrexa parroquial, adicada a San Claudio, conserva a data de 1175 nunha das súas pedras.