Emilio Amavisca Albo
| Amavisca | |||
|---|---|---|---|
| Información persoal | |||
| Nome | Emilio Amavisca Albo | ||
| Nacemento | 6 de xuño de 1946 | ||
| Lugar de nacemento | Laredo | ||
| Posición | Defensa | ||
| Carreira sénior | |||
| Anos | Equipos | Aprs | (Gls) |
| 1964–1965 | Laredo | ||
| 1965–1966 | Gimnástica de Torrelavega | ||
| 1966–1969 | Burgos CF | 86 | (2) |
| 1969–1975 | Pontevedra | 165 | (0) |
| 1975–1977 | Laredo | 65 | (9) |
| 1977–1979 | Santoña | ||
|
Partidos e goles só en liga doméstica. [ editar datos en Wikidata ] | |||
Emilio Amavisca Albo, nado en Laredo o 6 de xuño de 1946, é un exfutbolista español que xogaba de lateral. Destacou especialmente no Pontevedra, co que xogou 183 partidos oficias en tres categorías diferentes (Primeira, Segunda e Terceira).
É pai do tamén futbolista, e internacional coa selección española, José Emilio Amavisca.
Traxectoria[editar | editar a fonte]
Debutou co Laredo en Terceira División na tempada 1964/65, e despois de militar na Gimnástica de Torrelavega e conseguir con esta un histórico ascenso a Segunda División en 1966,[1] fichou polo Burgos CF tamén da categoría de prata.[2] Xunto a Rafael Zamora, foi un fixo na defensa burgalesa durante os seguintes tres anos.
No verán de 1969 fichou polo Pontevedra.[3][4] Debutou na Primeira División na xornada 6 da tempada 1969/70, contra o Deportivo da Coruña en Riazor. Foi titular durante o resto da tempada, formando na defensa xunto a Calleja, Irulegui e Batalla, na que foi a derradeira campaña do Pontevedra na máxima categoría. Tralo descenso a Segunda, continuou cinco anos máis no club galego, os dous últimos na Terceira División, disputando 183 partidos oficiais, algúns deles como capitán.
En 1975 regresou ao Laredo, que viña de ascender a Terceira. Militou dúas tempadas no club cántabro e outras dúas no Santoña, onde se retirou en 1979.
Notas[editar | editar a fonte]
- ↑ "Se cumplen 50 años del último ascenso de la R.S.Gimnástica a 2ª división." (en castelán). 12 de xuño de 2016. Arquivado dende o orixinal o 02 de agosto de 2021. Consultado o 2 de agosto de 2021.
- ↑ "Ante el Rácing-Burgos". La Noche (en castelán) (13994). 1 de setembro de 1966. p. 5. Consultado o 2 de agosto de 2021.
- ↑ "Amavisca, nuevo defensa del Pontevedra". La Voz de Galicia (en castelán). 1 de xullo de 1969. p. 18.
- ↑ "Amavisca, defensa del Burgos, fichó por el Pontevedra". El Pueblo Gallego. 1 de xullo de 1969. p. 15. Consultado o 2 de agosto de 2021.
Véxase tamén[editar | editar a fonte]
Ligazóns externas[editar | editar a fonte]
- Datos do xogador en BDFutbol (en castelán).
