Eid al-Fitr

Mesquita do Sultán Ahmed en Istambul, Turquía.

O Eid al-Fitr (en árabe: عيد الفطر, en persa: عید فطر, que significan Festa da ruptura do xaxún^[1]) é unha festividade relixiosa da tradición islámica. Significa a celebración do fin do Ramadán e abarca os tres primeiros días do Shawwal. A noite anterior ao primeiro día desta festa tamén se considera particularmente auspiciosa. Pola mañá pronto, a comunidade en conxunto realiza diferentes oracións e celebra un almorzo que marca o fin do xaxún do mes máis importante para o mundo musulmán.

Os musulmáns celebran esta festa estreando roupa nova. Os homes usan vestimenta branca, simbolizando pureza. O día enteiro é celebrado polos crentes visitando os fogares e comendo os pratos especiais cociñados nesta ocasión. Todos se sentan xuntos. Por tradición os nenos reciben regalos, as gratificacións e os dulces entregados polos seus seres queridos como símbolo de amor. A forma de desexar unha feliz festa é pronunciando as palabras: Eid Mubarak! (bendito Eid!; santa festa!).

Sunna[editar | editar a fonte]

Denomínase sunna aos requirimentos recomendados (formaban parte do costume do profeta Mahoma) que os musulmáns deben cumprir durante esta celebración, son 13 e enuméranse a continuación:

Vestirse segundo a Xaria.
Bañarse.
Usar miswaak para a hixiene dental e oral.
Vestir co mellor que se teña.
Perfumarse o mellor posible.
Espertar á madrugada.
Ir o máis pronto posible ao sitio onde se realice a plegaria do Eid.
Antes de ir, débese comer algo dulce, como dátiles.
Dar o sadaqatul fitr antes de ir.
Rezar a plegaria do Eid onde todos o fan. É dicir, non se pode rezar en casa salvo causas extremas comprobadas.
Logo de rezar, débese volver a casa por un camiño diferente ao que se volve sempre.
Para ir, hai que facelo camiñando.
Recitar suavemente o Takbir mentres se dirixen ao lugar.