Efraím Basílio Krevey
| Efraím Basílio Krevey | |
|---|---|
| Bispo da Igrexa Católica Bizantina Ucraína | |
| Ordes | |
| Ordenación sacerdotal | 12 de novembro de 1951, por Ivan Buchko |
| Consagración episcopal | 13 de febreiro de 1972, por Paulo VI |
| Bispo de San Xoán Bautista en Curitiba | |
| 1978 - 2006 | |
| Predecesor | José Romão Martenetz |
| Sucesor | Valdomiro Koubetch |
| Outros | |
| A Caridade jamais acabará | |
| Ficha en catholic-hierarchy.org | |
Efraím Basílio Krevey, nado o 12 de decembro de 1928 en Ivaí (Paraná, Brasil) e finado o 3 de abril de 2012 en Curitiba, é un eclesiástico católico ucraíno brasileiro, 2º bispo de San Xoán Bautista en Curitiba entre 1978 e 2006.
Traxectoria[editar | editar a fonte]
Naceu o 12 de decembro de 1928 na colonia Saltinho, en Ivaí (Paraná, Brasil).[1][2] En 1940 ingresou no seminario dos basilianos en Prudentópolis, facéndose novizo en 1941.[1] Estudou na Pontificia Universidade Gregoriana entre 1948 e 1952,[2] e foi ordenado sacerdote da Orde Basiliana de San Xosafat o 12 de novembro de 1951 por Ivan Buchko na igrexa dos Santos Serxio e Baco de Roma.[1][2] Posteriormente foi reitor e profesor no seminario San Xosé de Gravataí e superior do mosteiro de San Xosafat en Prudentópolis.
O 29 de novembro de 1971 foi nomeado bispo coadxutor de San Xoán Bautista en Curitiba e bispo titular de Caffa, recibindo a consagración episcopal o 13 de febreiro de 1972 de mans do papa Paulo VI na basílica de San Pedro.[1][2]
O 10 de marzo de 1978 sucedeu a José Romão Martenetz, quen presentou a renuncia por idade como bispo de Curitiba.[1][2] Durante o seu pontificado organizou con éxito a atención pastoral aos ucraínos do Brasil,[2] e en outubro de 1998 aprobou a tradución á lingua portuguesa da liturxia ucraína, co propósito de facela máis accesible ás novas xeracións de ucraínos xa nados no Brasil.[3] Realizou tamén unha importante actividade social e cultural, como a fundación dun fogar para anciáns en Marcelino Ramos, ou a construción do Centro Relixioso-Cultural Ucraíno "Poltava", en Curitiba.
En 1993 abriu o proceso de beatificación de Anatólia Tecla Bodnar, relixiosa das Servas de María Inmaculada e iniciadora da súa congregación no Brasil.[4]
Retirouse o 13 de decembro de 2006, con 78 anos de idade.[1] Finou en Curitiba o 3 de abril de 2012, por complicacións derivadas dun cancro de fígado,[5] e foi enterrado na catedral de San Xoán Bautista.[1]
Premios e distincións[editar | editar a fonte]
Foi cidadán honorario de Campo Mourão.[6] O 19 de novembro de 2008 o presidente ucraíno Viktor Yushchenko condecorou a Krevey coa Orde ao Mérito, terceira clase, por «unha contribución persoal significativa na información á comunidade mundial sobre a verdad do xenocidio do pobo ucraíno durante o Holodomor de 1932-1933».[7]
Notas[editar | editar a fonte]
- ↑ 1,0 1,1 1,2 1,3 1,4 1,5 1,6 Arquidiocese de Olinda e Recife, ed. (3 de abril de 2012). "Falece dom Efraim Basílio Krevey". Arquivado dende o orixinal o 19 de outubro de 2018. Consultado o 12 de maio de 2015.
- ↑ 2,0 2,1 2,2 2,3 2,4 2,5 Kubiiovych, Volodymyr; Huzar-Struk, Danylo, eds. (1984). Encyclopedia of Ukraine (en inglés) 2. University of Toronto Press. p. 684. ISBN 9780802034441.
- ↑ Jung, Neiva Maria; Semechechem, Jakeline Aparecida (2009). "Eventos religiosos e suas práticas de letramento em comunidades multilíngues e multiculturais". Fórum Lingüístico (Florianópolis) 6 (2): 33. ISSN 1984-8412.
- ↑ de Melo Camapanharo, Rosângela (12 de xuño de 2018). "Irmã Anatólia, rogai por nós!". Imaculada Rede de Educação. Arquivado dende o orixinal o 30/12/2018. Consultado o 19/10/2018.
- ↑ "Morre, aos 83 anos, bispo dom Efraim Basílio Krevey". Gazeta do Povo (en portugués). 3 de abril de 2012. Consultado o 19/10/2018.
- ↑ Bonete, Clodoaldo (4 de abril de 2012). "Morre dom Efraim, Cidadão Honorário de CM". Tribuna do Interior (en portugués). Consultado o 19/10/2018.
- ↑ "УКАЗ ПРЕЗИДЕНТА УКРАЇНИ № 1057/2008". president.gov.ua (en ucraíno). 19 de novembro de 2008. Arquivado dende o orixinal o 11/07/2014. Consultado o 30/03/2019.
За вагомий особистий внесок у донесення до світової спільноти правди про геноцид Українського народу під час Голодомору 1932-1933 років [...] Нагородити орденом «За заслуги» III ступеня [...] КРИВОГО Єфрема Василя - єпископа-емерита Курітібського Української католицької церкви Бразилії.
