European Molecular Biology Laboratory

European Molecular Biology Laboratory
Nome curto	LEBM
Tipo	instituto de investigación, organización internacional e organización intergobernamental
Entidades
	Membro de Verein zur Förderung eines Deutschen Forschungsnetzes (en) ; European Open Science Cloud Association (en) ; ELIXIR Germany; Coalición para o Avance da Avaliación da Investigación; ORCID; German National Research Data Infrastructure (NFDI) e.V. (en) ; Eiroforum (en) ; ;
	Entidades subsidiarias Instituto Europeo de Bioinformática; European Molecular Biology Laboratory Hamburg (en) ; European Molecular Biology Laboratory, Barcelona (en) ; European Molecular Biology Laboratory - Italy (en) ; European Molecular Biology Laboratory - France (en) ; European Molecular Biology Laboratory, Barcelona (en) ; ;
Data
Fundación	1974
Localización
	49°23′05″N 8°42′37″L / 49.3848, 8.710319
Estado	Alemaña
Estado federado	Baden-Württemberg
Rexión administrativa	Rexión de Karlsruhe
Cidade grande	Heidelberg
País	Alemaña
Enderezo	Meyerhofstraße 1, DE-69117 Heidelberg
Sede	Heidelberg
Premios
	Prêmio Deutscher KI (pt) ;
Composto por
	Composto por Archive of the European Molecular Biology Laboratory (en) ; ;
Contacto
Páxina WEB	embl.org
Redes
	[ Wikidata ]

O European Molecular Biology Laboratory (EMBL, Laboratorio Europeo de Bioloxía Molecular) é un instituto de investigación de bioloxía molecular do que son membros 21 estados,^[1] xunto con tres candidatos e dous estados membros asociados. España forma parte del desde 1986. O EMBL é unha organización intergobernamental creada en 1974 financiada con diñeiro público dos seus estados membros destinado á investigación. A investigación no EMBL realízana aproximadamente 85 grupos independentes que abranguen todos os campos da bioloxía molecular. O laboratorio funciona desde cinco sedes: o principal laboratorio está en Heidelberg, e as subsedes están en Hinxton (o European Bioinformatics Institute, EBI), en Inglaterra), Grenoble (Francia), Hamburgo (Alemaña), e Monterotondo (preto de Roma, Italia). Os grupos e laboratorios de EMBL realizan investigación básica en bioloxía molecular e medicina molecular e adestran a científicos, estudantes e visitantes. A organización axuda ao desenvolvemento de servizos, novos instrumentos e métodos, e tecnoloxía nos seus estados membros.

Investigacións

Todos as sedes de EMBL teñen un campo de investigación específico. O EMBL-EBI é un centro para a investigación bioinformática e servizos, que desenvolve e mantén un grn número de bases de datos científicas, que son gratuítas. En Grenoble e Hamburgo, a investigación céntrase na bioloxía estrutural. A Unidade de Bioloxía do Rato de EMBL está localizada en Monterotondo, Italia. Na sede central de Heidelberg, hai unidades de bioloxía celular e biofísica, bioloxía do desenvolvemento, xenómica e bioloxía computacional e estrutural, xunto con grupos de servizo que complementan os mencionados campos de investigación.

No EMBL fixéronse moitos avances científicos importantes, principalmente a primeira análise xenética sistemática do desenvolvemento embrional da mosca do vinagre feita por Christiane Nüsslein-Volhard e Eric Wieschaus,^[2] polo cal foron galardoados co Premio Nobel de Medicina de 1995.

Países membros

Velaquí unha lista dos países membros do EMBL ordenados alfabeticamente:

Estados membros^[1]	Ano de incorporación
Alemaña	1974
Austria	1974
Bélxica	1990
Croacia	2006
República Checa	2014
Dinamarca	1974
Eslovaquia	2018
España	1986
Estonia	2023
Finlandia	1984
Francia	1974
Grecia	1984
Hungría	2017
Irlanda	2003
Islandia	2005
Israel	1974
Italia	1974
Letonia	2024
Lituania	2019
Luxemburgo	2007
Malta	2016
Montenegro	2018
Noruega	1985
Países Baixos	1974
Polonia	2019
Portugal	1998
Reino Unido	1974
Suecia	1974
Suíza	1974
Incorporacións previstas
Bulgaria	2024
Serbia	2023
Estados membros asociados
Australia	2008
Anterior estado membro asociado
Arxentina	2014–2020

Adestramento

O adestramento avanzado é unha das catro misións principais do EMBL. Ao longo dos anos o Laboratorio estableceu varias actividades de adestramento, das cales o EMBL International PhD Programme (EIPP) é a estrela: ten uns 200 estudantes e desde 1997 ten o dereito de conceder unha titulación propia. Outras actividades son o programa de posdoutorado, que inclúe o EMBL Interdisciplinary Postdoctoral Programme (EIPOD); o European Learning Laboratory for the Life Sciences (ELLS) para adestramento de profesores; e o Visitor Programme.^[3]

Centro de Adestramento Avanzado de EMBL

En marzo de 2010, inaugurouse o EMBL Advanced Training Centre (ATC) no campus principal de Heidelberg. O seu edificio, inspirado na forma da dobre hélice,^[4] alberga conferencias e proporciona locais para o adestramento.^[5]

Ciencia e sociedade

O EMBL tamén leva a cabo un activo Programa de Ciencia e Sociedade, que ofrece actividades e eventos sobre cuestións sobre investigacións nas ciencias da vida para o público xeral e para a comunidade científica.^[6]

Historia

O EMBL foi ideado por Leó Szilárd,^[7] James Watson e John Kendrew.^[8] Os seus obxectivos eran crear un centro de investigación internacional, similar ao CERN, para poder rivalizar no campo fortemente dominado polos Estados Unidos da bioloxía molecular.^[9] Kendrew exerceu como primeiro Director xeral do EMBL ata 1982, e sucedeuno Lennart Philipson.^[10]^[11]^[12] Desde 1993 a 2005 o Director xeral foi Fotis Kafatos,^[13]^[14] e a este sucedeuno Iain Mattaj, que é o cuarto e actual (ano 2015) Director xeral do EMBL.

Notas

↑ ^1,0 ^1,1 "EMBL member states". European Molecular Biology Laboratory. Consultado o 28 de xaneiro de 2024.
↑ Nüsslein-Volhard, C.; Wieschaus, E. (1980). "Mutations affecting segment number and polarity in Drosophila". Nature 287 (5785): 795. doi:10.1038/287795a0.
↑ Training at EMBL Arquivado 19 de xullo de 2011 en Wayback Machine., EMBL website
↑ "University of Heidelberg - Press Releases". Arquivado dende o orixinal o 04 de marzo de 2016. Consultado o 09 de outubro de 2015.
↑ EMBL ATC
↑ Science and Society Programme, EMBL website
↑ Maas, W; Crow, J. F. (2004). "Leo Szilard: A personal remembrance". Genetics 167 (2): 555–8. PMC 1470899. PMID 15238510. doi:10.1534/genetics.104.030320.
↑ Holmes, K. C. (2001). "Sir John Cowdery Kendrew. 24 March 1917 - 23 August 1997: Elected F.R.S. 1960". Biographical Memoirs of Fellows of the Royal Society 47: 311–332. PMID 15124647. doi:10.1098/rsbm.2001.0018.
↑ "EMBL History". 2015. Arquivado dende o orixinal o 2014-04-13.
↑ Pettersson, U (2011). "Lennart Philipson: A fighter is gone". Proceedings of the National Academy of Sciences 108 (47): 18875. PMC 3223467. PMID 22106290. doi:10.1073/pnas.1116859108.
↑ Simons, K.; Mattaj, I. W. (2011). "Lennart Philipson (1929-2011)". Science 333 (6043): 711. PMID 21817041. doi:10.1126/science.1210990.
↑ Baltimore, D. (2011). "Lennart Philipson (1929–2011): A Warrior Has Passed". PLoS Biology 9 (9): e1001153. doi:10.1371/journal.pbio.1001153.
↑ Gilbert, N. (2010). "The labours of Fotis Kafatos". Nature 464 (7285): 20. PMID 20203577. doi:10.1038/464020a.
↑ Kafatos, F. (2008). "Straight talk with...Fotis Kafatos". Nature Medicine 14 (9): 902–903. PMID 18776875. doi:10.1038/nm0908-902.

[memberstates-1] 1,0 ^1,1 "EMBL member states". European Molecular Biology Laboratory. Consultado o 28 de xaneiro de 2024.

[2] Nüsslein-Volhard, C.; Wieschaus, E. (1980). "Mutations affecting segment number and polarity in Drosophila". Nature 287 (5785): 795. doi:10.1038/287795a0.

[3] Training at EMBL Arquivado 19 de xullo de 2011 en Wayback Machine., EMBL website

[4] "University of Heidelberg - Press Releases". Arquivado dende o orixinal o 04 de marzo de 2016. Consultado o 09 de outubro de 2015.

[5] EMBL ATC

[6] Science and Society Programme, EMBL website

[7] Maas, W; Crow, J. F. (2004). "Leo Szilard: A personal remembrance". Genetics 167 (2): 555–8. PMC 1470899. PMID 15238510. doi:10.1534/genetics.104.030320.

[8] Holmes, K. C. (2001). "Sir John Cowdery Kendrew. 24 March 1917 - 23 August 1997: Elected F.R.S. 1960". Biographical Memoirs of Fellows of the Royal Society 47: 311–332. PMID 15124647. doi:10.1098/rsbm.2001.0018.

[web-9] "EMBL History". 2015. Arquivado dende o orixinal o 2014-04-13.

[10] Pettersson, U (2011). "Lennart Philipson: A fighter is gone". Proceedings of the National Academy of Sciences 108 (47): 18875. PMC 3223467. PMID 22106290. doi:10.1073/pnas.1116859108.

[11] Simons, K.; Mattaj, I. W. (2011). "Lennart Philipson (1929-2011)". Science 333 (6043): 711. PMID 21817041. doi:10.1126/science.1210990.

[12] Baltimore, D. (2011). "Lennart Philipson (1929–2011): A Warrior Has Passed". PLoS Biology 9 (9): e1001153. doi:10.1371/journal.pbio.1001153.

[13] Gilbert, N. (2010). "The labours of Fotis Kafatos". Nature 464 (7285): 20. PMID 20203577. doi:10.1038/464020a.

[14] Kafatos, F. (2008). "Straight talk with...Fotis Kafatos". Nature Medicine 14 (9): 902–903. PMID 18776875. doi:10.1038/nm0908-902.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]