Djuna Barnes

Djuna Barnes
	;
Biografía
Nacemento	12 de xuño de 1892 ; Cornwall-on-Hudson, Estados Unidos de América (pt)
Morte	18 de xuño de 1982 (90 anos); Greenwich Village, Estados Unidos de América
Lugar de sepultura	Greenwich Village
Educación	Instituto Pratt ; Art Students League of New York (pt)
Actividade
Campo de traballo	Poesía
Lugar de traballo	París
Ocupación	poetisa, dramaturga, xornalista, escritora, novelista, pintora
Membro de	Academia Estadounidense das Artes e as Letras
Pseudónimo literario	Lydia Steptoe
Obra
	Obras destacables The Book of Repulsive Women (en) ; (1928) Ladies Almanack (en) ; (1936) Nightwood (en) ;
Arquivos en	Universidade de Maryland ; University of Maryland Libraries (en) ; University of Delaware Library Special Collections (en) ;
Familia
Parella	Thelma Wood
Pai	Henry Budington
Irmáns	Saxon Barnes
Parentes	Zadel Barnes Gustafson, avoa
Descrito pola fonte	Obálky knih, ; American Women Writers; Metzler Autorinnen Lexikon, (p.41–42) >>>:Barnes, Djuna

Djuna Barnes, nada en Cornwall-on-Hudson (Nova York) o 12 de xuño de 1892 e finada en Nova York o 18 de xuño de 1982, foi unha escritora estadounidense.

Traxectoria

Naceu en Cornwall-on-Hudson, unha colonia de artistas de Nova York. Os seus pais, Henry Budington Barnes e Elizabeth Chappel, estudaran violín en Inglaterra antes de casar e divorciáronse en 1913. O seu pai e a súa avoa transmitíronlle un grande aprecio pola arte (o fogar dos Barnes era constantemente frecuentado por grandes artistas como Jack London e Franz Liszt). Non tivo unha educación formal porque o seu pai cría que o sistema público era inadecuado, e por tanto sentía que o ensino no fogar era moito máis beneficiosa. Con 20 anos e mentres estudaba no instituto, comezou a súa carreira como reporteira e ilustradora para o Brooklyn Eagle. A súa nai e a súa avoa encargáronse da súa educación.

Aos 16 anos foi violada, parece ser que por un veciño e co consentimento do seu pai, ou posiblemente polo seu pai mesmo. Mencionou este feito de forma lateral na súa primeira novela Ryder, e máis directamente na súa obra Antiphon. As referencias sexuais explícitas na correspondencia coa súa avoa, coa cal compartiu cama durante anos, suxiren o incesto, pero a avoa Zelda que facía corenta anos que morrera cando se escribiu a obra, quedou fóra das súas acusacións.

Pasou unha longa tempada en París onde levou unha vida bohemia en plena eclosión das vangardas; e percorreu Europa. Os seus últimos 40 anos recluíuse en Nova York. Entre as súas amizades, destacan nomes como Ezra Pound, James Joyce, Gertrude Stein, Robert McAlmon, Natalie Barney, Peggy Guggenheim, Kay Boyle, Eugenio Montale, Elsa von Freytag-Loringhoven ou Janet Flanner en París e E. E. Cummings nos Estados Unidos.

Muller rebelde, desexosa de probar calquera experiencia nova e transgresora da moral burguesa, da política e das convencións artísticas, plasmou a súa vida nas súas obras, nas que aparecen o inconsciente, o onirismo, o lesbianismo, a transgresión e a fascinación.

Obra

The Book of Repulsive Women: 8 Rhythms and 5 Drawings (1915)
Three from the Earth (teatro, 1919)
Kurzy from the Sexa (teatro, 1920)
An Irish Triangle (teatro, 1921)
She Tells Her Daughter (teatro, 1923)
A Book (1923)
Ladies Almanack showing their Signs and their Tides; their Moons and their Changes; the Seasons as it is with them; their Eclipses and Equinoxes; as well as a full Record of diurnal and nocturnal Distempers, written & illustrated by a lady of fashion (1928)
Ryder (1928)
A Night Among the Horses (1929)
Nightwood (1936)
The Antiphon (teatro, 1958)
Spillway (1962)
Selected Works (1962)
Vagaries Malicieux (1974)
Creatures in an Alphabet (1982)
Smoke and Other Early Stories (1982)
I Could Never Be Lonely without a Husband: Interviews by Djuna Barnes (1987)
Djuna Barnes's New York (1989)
At the Roots of the Stars: The Short Plays (1995)
Poe's Mother: Selected Drawings (1996)
Collected Stories of Djuna Barnes (1996)