Diego Anido
 (2023)  | |
| Biografía | |
|---|---|
| Nacemento | 8 de maio de 1976 (49 anos) Santiago de Compostela, España |
| Actividade | |
| Ocupación | dramaturgo, actor de cinema |
| Obra | |
Obras destacables
| |
| Premios | |
| |
  | |
Diego Anido Alonso, nado en Santiago de Compostela o 8 de maio de 1976, é un actor e autor teatral galego. Como actor de cine, gañou o Premio Mestre Mateo ao mellor actor secundario polo seu papel en Malencolía, e foi nomeado aos Premios Goya polo seu traballo na premiada As bestas.
Traxectoria
[editar | editar a fonte]Comezou a facer teatro na súa Compostela natal e estudou interpretación na escola Espazo Aberto.[1] Durante a súa xuventude tamén se dedicou á música, formando parte das bandas Hemisferio Izquierdo e Taxi Driver.[1] En 2004 presentou a primeira obra teatral da súa autoría, titulada Paperboy. que interpretaba el mesmo.[2][1] A continuación trasladouse a Barcelona, onde residiu durante varios anos. Alí estreou o seu segundo traballo persoal, El Alemán, e foi un dos creadores da Agrupación Señor Serrano.[3] Formou parte da plataforma de creación Àrea Tangent, de onde saíu a súa terceira obra: Cascuda.[2] Colaborou co Centro Dramático Galego e en 2017 regresou definitivamente a Galicia, instalándose no Pino, xunto á súa familia.[4][3]
Aínda que na década de 2000 xa fixera breves incursións no audiovisual, aparecendo brevemente na serie de televisión Pepe o inglés e protagonizando xunto a Miguel de Lira,o filme Pedro e o capitán, o seu primeiro traballo de importancia no cine chegou en 2018, cando interpretou un dos papeis protagonistas do filme de Xacio Baño Trote.[5] En 2020 interpretou o papel de Couto no filme Ons, de Alfonso Zarauza, e ao ano seguinte estreouse Malencolía, do mesmo director e cuxo traballo lle valeu o Premio Mestre Mateo ao mellor actor secundario na gala celebrada en 2022.[6]
En 2022 chegoulle a súa grande oportunidade no cine, cando lle ofreceron un dos papeis protagonistas de As bestas, filme de Rodrigo Sorogoyen baseado na historia real dun crime acontecido en Santoalla, no concello de Petín.[7] Aínda que inicialmente ía ter só un pequeno papel na película, a marcha de Pedro Alonso posibilitou que ocupase o lugar deste interpretando a Lorenzo Antas,[1] traballo polo que foi nomeado ao Premio Goya á mellor interpretación masculina secundaria na edición de 2022, un galardón que foi parar ao seu compañeiro no filme, Luis Zahera.[8] As bestas foi a gran triunfadora de dita edición dos Goya, con 9 premios, e obtivo tamén o galardón a mellor película estranxeira nos Premios César de Francia.[9]
Obras
[editar | editar a fonte]Teatro
[editar | editar a fonte]- Paperboy (2003)
- O alemán (2008)
- Cascuda (Centro Dramático Galego, 2008)
- Symon Pédícrí (2013)
Actor
[editar | editar a fonte]Danza contemporánea
[editar | editar a fonte]Longametraxes
[editar | editar a fonte]- Pedro e o capitán (2008), de Pablo Iglesias Rendo, 2008). Como Pedro.
- Setembro (2008), de Xosé Manuel Bazarra Maneiro "Sepi".
- Trote (2018), de Xacio Baño. Como Luis.
- Ons (2020), de Alfonso Zarauza. Como Couto.
- Malencolía (2021), de Alfonso Zarauza.
- As bestas (2022), de Rodrigo Sorogoyen, como Lorenzo.
Televisión
[editar | editar a fonte]- Pepe o inglés (2006).
Curtametraxes
[editar | editar a fonte]- Katiuska (Os corpos agrícolas) (Antón Coucheiro Filde, 2006).
- Sebastián (Alfonso Vilas Zarauza, 2001).
- Os días do caos (Xosé Manuel Bazarra Maneiro "Sepi", 2001).
Galardóns e nomeamentos
[editar | editar a fonte]Premios Goya
[editar | editar a fonte]| Ano | Categoría | Filme | Resultado |
|---|---|---|---|
| 2022 | Mellor actor secundario | As bestas | Nomeado |
Premios Mestre Mateo
[editar | editar a fonte]| Ano | Categoría | Título | Resultado |
|---|---|---|---|
| 2021 | Mellor actor secundario | Malencolía | Gañador |
| 2024 | Mellor actor secundario | Rapa | Gañador |
Notas
[editar | editar a fonte]- ↑ 1,0 1,1 1,2 1,3 Becerra, Javier (19 de febreiro de 2023). "Diego Anido, la gran revelación de «As bestas»". La Voz de Galicia (en castelán). Consultado o 27 de febreiro de 2023.
- ↑ 2,0 2,1 "Diego Anido". teatroensalle.com (en castelán). Consultado o 27 de febreiro de 2023.
- ↑ 3,0 3,1 Sánchez, Olalla (28 de xuño de 2022). "Diego Anido: «Fue tanta sorpresa pasar de ser secundario a protagonista en 'As Bestas' como ir a Cannes»". La Voz de Galicia (en castelán). Consultado o 27 de febreiro de 2023.
- ↑ "Diego Anido inicia unha residencia artística no Centro Dramático Galego co apoio da Consellería de Cultura e Educación". 18 de febreiro de 2013. Consultado o 13 de xuño de 2020.
- ↑ "‘Trote’, de Xacio Baño, el cineasta que cabalgará más rápido" (en castelán). 25 de setembro de 2018. Consultado o 13 de xuño de 2020.
- ↑ "LA PELÍCULA “MALENCOLÍA”, DE ALFONSO ZARAUZA, SE ESTRENA ESTE VIERNES SOLO EN CINES DE GALICIA" (en castelán). 22 de marzo de 2022. Consultado o 27 de febreiro de 2023.
- ↑ "La historia real del crimen de 'As bestas': veneno en la huerta, amenazas y un tiro de escopeta" (en castelán). 11 de febreiro de 2023. Consultado o 27 de febreiro de 2023.
- ↑ Sánchez, Olalla (16 de febreiro de 2023). "Diego Anido: «Esta noite, volvendo trala festa con Zahera, preguntáronnos: 'Pero que facedes aquí?' É que os dous somos de Santiago!»". La Voz de Galicia (en castelán). Consultado o 27 de febreiro de 2023.
- ↑ "'As Bestas' leva o premio César 2023 a Mellor Película Estranxeira". Nós Diario. 25 de febreiro de 2023. Consultado o 27 de febreiro de 2023.
