Death Note (filme de 2017)

Death Note
Título     Death Note (en)
Instancia de filme
Características  Cor en cor  Xénero artístico filme de suspense cinema de terror  Formato de distribución vídeo baixo demanda  Baseado en Death Note  Ambientado en Washington  Universo ficticio Death Note universe (en)  Franquía de medios Death Note  Lingua orixinal lingua inglesa
Implicados  Produtor/a Roy Lee  Director/a Adam Wingard  Compositor/a Atticus Ross  Guionista Jeremy Slater  Director/a fotografía David Tattersall  Elenco Nat Wolff Lakeith Stanfield Shea Whigham Willem Dafoe Margaret Qualley Paul Nakauchi  Distribuidor/a Netflix
Datas  Data de publicación 2017
Cifras e dimensións  Custo    40.000.000 $  Duración    101 min
Localización  País de orixe Estados Unidos de América
Fontes e ligazóns  Puntuación da crítica 43/100 Metacritic (2 de decembro de 2025) 4.9/10 Rotten Tomatoes (10 de outubro de 2021) 38% Rotten Tomatoes (10 de outubro de 2021)
Wikidata C:Commons

Death Note é un filme estadounidense de suspense de fantasía negra baseado no manga xaponés homónimo creado por Tsugumi Ohba e Takeshi Obata. Foi dirixido por Adam Wingard, producido por Roy Lee, Dan Lin e Masi Oka e escrito por Charles Parlapanides, Vlas Parlapanides e Jeremy Slater. Está protagonizado por Nat Wolff, Lakeith Stanfield, Margaret Qualley, Shea Whigham, Paul Nakauchi, Jason Liles e Willem Dafoe. O filme conta a historia dun mozo de instituto de Seattle chamado Light Turner, que atopa un misterioso caderno co nome "Death Note". Con el, descobre a existencia dun terrorífico deus da morte chamado Ryuk que lle ensina como empregar o caderno, xa que é quen de causar a morte de calquera cuxo nome estea escrito nel. Light decide usar o caderno con boas intencións, pero é perseguido por un espelido detective simplemente coñecido como L, que quere capturar a Light polas súas accións.

Foi estreado en Netflix o 25 de agosto de 2017. Recibiu críticas dispares e unha acollida negativa por parte da audiencia. Foi eloxiado pola escolla dos actores, particularmente pola interpretación de Dafoe, alén do seu director, estilo visual e atmosfera. Porén, o guión do filme foi especialmente criticado así como a escolla de actores brancos en papeis xaponeses.

Personaxes

• Nat Wolff como Light Turner / "Kira"
• Lakeith Stanfield como L
• Margaret Qualley como Mia Sutton / "Kira"
• Shea Whigham como James Turner
• Paul Nakauchi como Watari
• Willem Dafoe e Jason Liles como Ryuk

Véxase tamén

Outros artigos

• Death Note

Ligazóns externas

• Death Note na IMDb (en inglés).