Coxía (arquitectura)
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. |
En arquitectura denomínase coxía ao espazo arquitectónico comprendido entre dous muros de carga, dous aliñamentos de piares (pórticos), ou entre un muro e os piares aliñados contiguos.
Características
[editar | editar a fonte]Este espazo fai referencia tamén ás naves ou corredores de certos edificios, que dan acceso a dependencias laterais, como é o caso de cada unha das galerías dun claustro.
Construtivamente é cada unha das partes principais en que se divide a planta dun edificio. Denomínase primeira coxía á situada máis próxima á fachada, numerándose correlativamente cara ao interior da edificación.
A composición arquitectónica máis simple é a tipoloxía conformada por xustaposición de coxías. Nesta forma de composición establécese a comunicación dos recintos mediante a apertura de ocos nos muros; tamén se utilizan ocos para ventilar e iluminar as estancias. A compartimentación das coxías adoita realizarse mediante tabicaría.
