Conversa usuario:Vivaelcelta/Arquivo 2012

Os Tonechos

Ola Vivaelcelta. Por desgraza a imaxe dos Tonechos que tentas cargar ten copyright, e este tipo de imaxes non poden participar do proxecto Wikipedia. Para saber máis sobre imaxes podes ler: Wikipedia:Política de uso de imaxes e Wikipedia:Copyrights. Un saúdo. Alberte ^{Si, dígame?} 21:50, 5 novembro 2008 (UTC)

Categorías

Ola, Vivaelcelta. Engadícheslle a categoría Televisión a Tele5. A norma é empregar só a categoría máis pequena posible. Como xa está na categoría Cadeas de televisión, e esta á súa vez está dentro de Televisión, non é necesario volvela poñer. :) Un saudiño. --Xabier Cid ^Conversa 15:03, 26 novembro 2008 (UTC)

Traducións

Ola Vivaelcelta! Revertín a túa tradución do artigo Telecinco da wikipedia hispanófona por varias razóns:

• Eliminaches o artigo de telecinco de noso, que mal ou ben foi o que creou a nosa comunidade.
• A tradución era bastante mala, con cantidade de erros probablemente provocados por un tradutor automático. Había ademais partes en castelán.
• A información collida do artigo da wiki española estaba sen peneirar: información irrelevante ou de actualidade, unha lista exhaustiva de programa, que é innecesaria nun artigo enciclopédico xa que, por unha banda é complicado manter actualizada a información cada vez que se retira ou emite un programa, e ademais para iso xa está a propia web de Telecinco, que se lista nas ligazóns externas.
• O artigo mantiña unha estrutura da wikipedia española, que non corresponde coa nosa, xa que son wikis diferentes e non é unha a tradución da outra. Dese xeito, había modelos inexistentes aquí, ou ligazóns internas a Anexos, que tampouco non existen, etc. Iso foi o que me levou a reverte-la túa edición. É mellor seleccionar ben a información que se engade, a ser posible referenciándoa, e que sexa enciclopédica. Ah, e claro, en galego. Para tódala axuda que precises non dubides en preguntarme, estou para axudar. Un saúdo. Alberte ^{Si, dígame?} 22:13, 26 novembro 2008 (UTC)

Telecinco

Ei, revisa o artigo Telecinco antes de seguires con outros artigos. Tes bastantes erros.--Hugo22 00:31, 29 novembro 2008 (UTC)

Ola, Vivaelcelta, que tal? Aínda que facer traducións é moi necesario, non é a única forma de facer un artigo. Non son iguais a wikipedia galega,a española e a inglesa, non teñen os mesmos modelos, nin as mesmas estruturas, e sobre todo os lectores non son os mesmos, polo que os contidos deben nalgúns casos ser distintos. O usuario Alberte eliminou uns cambios que fixeches no artigo de Telecinco e explicouche as razóns. Ti volviches facelos xa por dúas veces, e en ningún caso lle explicaches por que. A wikipedia é unha enciclopedia colaborativa, onde todo o mundo edita todo o mundo. Falando e debatendo conséguense artigos mellores. Un saudiño. --Xabier Cid ^Conversa 06:51, 29 novembro 2008 (UTC)

Fotos

A que fotos te refires? Saúdos. --Xas (conversa) 20:15, 10 de xaneiro de 2011 (UTC)

Xustamente por iso te preguntaba, porque me estañou o que me dicías: Se miras ben, verás que esas imaxes e as outras que vou cargando na Galipedia proceden de Commons, a onde as subín previamente desde Flickr. Fíxate que todas poñen: Este ficheiro é de Wikimedia Commons e pode ser usado por outros proxectos. A descrición da páxina de descrición do ficheiro móstrase a continuación. Por exemplo: [1] Saúdos. --Xas (conversa) 17:26, 11 de xaneiro de 2011 (UTC)

Cores

Hola Vivaelcelta pidemes axuda para o codigo de cores, supoño que sera en HTML si é asi mira aqui es:Colores HTML --Alfonso (fálame sempre e pitame nas curvas) 14:01, 20 de maio de 2011 (UTC)

De O Rosal

Respóndocho eu ao que lle preguntas a Estevo. Na galipedia, por norma, non redireccionamos sobre erros. Non se di nin se escribe de A Coruña, en O Rosal etc, e polo tanto Elección en O Rosal está mal e non pode ir como redirección. Municipais no Grove, no Rosal, na Rúa, na Coruña é a única forma correcta. Malia que os políticos teñn o nivel que teñen e a ousadía ou o deslexio de poñer concello de O Pino e outras lindezas, a única forma válida e galega sería do Pino, da Braña e similares. Un saúdo e a seguir traballando. --Atobar ^{(conversa comigo)} 18:52, 25 de maio de 2011 (UTC)

Cometín un erro

Perdón, penso que interpretei mal a páxina Modelo:Contribucións usuario e movina indebidamente cara a Usuario:Vivaelcelta/Modelo:Contribucións usuario.

Xa solicitei ós administradores que desfixeran as miñas accións e o deixaran coma estaba?

Desculpa as molestias--. HombreDHojalata.^conversa 19:51, 25 de maio de 2011 (UTC)

Xa arranxei o erro de HombreDHojalata. Iso si: modifiquei o nome orixinal e agora o modelo é {{Contribucións de usuario}}. Lembra corrixir as inclusións do modelo. --Toliño ^{Fala aquí comigo} 14:37, 26 de maio de 2011 (UTC)

RE:Eleccións municipais de 1979

Pois aquí tes unha: lainformacion.com. Espero que te sexa útil. Saúdos. --Xas (conversa) 21:25, 22 de outubro de 2011 (UTC)

Desculpa, pero acabo de caer en que nesta páxina non hai resultados das eleccións de 1979. A verdade é que non sei de ningunha que teña eses datos. Saúdos de novo. --Xas (conversa) 21:28, 22 de outubro de 2011 (UTC)

Modelos

O noso equivalente de es:Plantilla:Usuario é Modelo:Datahora. Do outro non temos.

Un saúdo --. HombreDHojalata.^conversa 16:41, 1 de novembro de 2011 (UTC)

Boeno, parece que xa está todo, ¿non?. Así da gusto :). Saúdos, --Elisardojm (conversa) 08:39, 3 de novembro de 2011 (UTC)

Caché

É cousa de refrescar a caché, non te preocupes. --. HombreDHojalata.^conversa 18:19, 1 de novembro de 2011 (UTC)

Despois de gardar, cómpre limpar a memoria caché do navegador para ver os cambios:

Firefox / Safari: preme Maiúsculas á vez que en Recargar, ou preme en Ctrl-F5 ou Ctrl-R (Command-R nos Mac)

Google Chrome: preme en Ctrl-Shift-R (Command-Shift-R nos Mac)

Internet Explorer: preme Ctrl ao tempo que fas clic en Refrescar, ou preme en Ctrl-F5

Konqueror: preme en Recargar ou preme en F5

Opera: limpa a túa memoria caché en Ferramentas → Preferencias

--. HombreDHojalata.^conversa 18:22, 1 de novembro de 2011 (UTC)

Corrector ortográfico

Non o sei moi ben. No artigo en castelán ven explicado un chisco diferente, non sei se o viches. Eu non prestei moita atención a este corrector porque prefiro o corrector de galego do Proxecto Trasno.

Iso do que falas ven nas opción avanzadas. Coido que non é preciso para que funcione.

De todas formas creo que o que di é que tes que meter na páxina Usuario:Vivaelcelta/monobook.js ou Usuario:Vivaelcelta/vector.js, segundo a aparencia que empregues, o texto var DontAutorunRP = true;

É mellor que expoñas a dúbida (esta e outras que poidas ter) na Taberna, así varios usuarios colaboraremos en darche unha mellor resposta. --. HombreDHojalata.^conversa 17:54, 3 de novembro de 2011 (UTC)

RE: Detector de homónimos

Feito! Xa tes creado o script para o detector de homónimos: MediaWiki:Gadget-DetectorHomonimos.js. Saúdos! --Toliño ^{Fala aquí comigo} 18:28, 3 de novembro de 2011 (UTC)

Modelo:Usuario Firefox2

Vexo que fixeches outro modelo cando xa esistia un Modelo:Usuario Firefox, penso que, si non che cumpria as espectativas, podias editar as modificacións pertinentes e ter un soo modelo. Non che parece?. Un saudo e nora boa polo traballo que estas a facer. Eu estou usando o modelo antigo na miña páxina.--Alfonso ^mande 16:12, 6 de novembro de 2011 (UTC)

Penso que se hai algo que mellorar é mellor facelo sobre o que xa hai que facer un novo. Saúdos --. HombreDHojalata.^conversa 17:14, 6 de novembro de 2011 (UTC)

RE: translatewiki.net

Non é unha ciencia exacta, depende de cando cadre que actualizan as mensaxes. Pode ser que vexas os cambios efectivos no mesmo día ou que haxa que agardar varios días. Normalmente non han tardar máis dunha semana. Saúdos! --Toliño ^{Fala aquí comigo} 19:41, 14 de novembro de 2011 (UTC)

Revisor ortográfico

Boas Vivaelcelta!. Non sei se te decataches do aviso da taberna, cambiamos o nome á ferramenta do corrector ortográfico a revisor ortográfico que é máis axeitado, e por ese cambio agora hai que voltar a activala nas preferencias. Que non se che pase! ;), e un saúdo, --Elisardojm (conversa) 10:34, 24 de febreiro de 2012 (UTC)

He, he, iso terás que dicirllo ó técnico que eu non chego a tanto! :). Saúdos, --Elisardojm (conversa) 22:35, 25 de febreiro de 2012 (UTC)

Agora xa aparecen en "Navegación". Saúdos! --Toliño ^{Fala aquí comigo} 14:05, 27 de febreiro de 2012 (UTC)

Casas de concellos

Boas!, mira, que temos por aquí unha páxina coas fotos de tódalas casas de concellos e ó mellor podías facer ti algunhas que che queden perto e que faltan (ou non as atopamos) por exemplo Oia, A Guarda e Tomiño son limítrofes co Rosal..., aínda que non sei se estarán a man ou non. Boeno, se che cadra de dar unha volta por alí coa cámara, e che apetece, completaríamos un pouco máis esa galería. A lista de tódolos concellos que faltan está na conversa desa páxina por se tes algunha foto deles de casualidade. Boeno, un saúdo e a ver se nos vemos nalgún galencontro :), --Elisardojm (conversa) 10:53, 24 de febreiro de 2012 (UTC)

Moi ben, cando che cadre de pasar por alí. Saúdos, --Elisardojm (conversa) 22:35, 25 de febreiro de 2012 (UTC)

Os galencontros son nas cidades que vaian indo mellor á xente, os últimos caeron en Pontevedra, Lugo, e Santiago, o próximo xa veremos onde cadra :). Saúdos, --Elisardojm (conversa) 01:02, 26 de febreiro de 2012 (UTC)

Boas, mira as imaxes destes concellos xa están feitas así que xa podes esquecerte desta petición :). Saúdos, --Elisardojm (conversa) 08:03, 2 de abril de 2012 (UTC)

Pero se tes xa algunha imaxe súbea igual que sempre está ben ter varios puntos de vista. Saúdos, --Elisardojm (conversa) 21:02, 2 de abril de 2012 (UTC)

Erros!?

Ola.

De onde tiras esta lista?

Engadiches como erros cousas que non o son, por exemplo "estes" que propós substituír por "estés", ou "equipamento" que propós substituír por "equipamiento". --. HombreDHojalata.^conversa 19:02, 31 de marzo de 2012 (UTC)

Eleccións municipais no Rosal

Ola Vivaelcelta. Retirei dos modelos {{O Rosal 2003}}, {{O Rosal 2007}} e {{O Rosal 2011}} as táboas cos datos dos votos de cada partido, debido ao deseño do sistema de gráficos eses datos non teñen que estar aí. Paseinos á propia páxina Eleccións municipais no Rosal. Tamén retirei as cores de fondo de cada unha das celas porque dificultaban a lectura e mudei o ancho para poder aproveitar mellor o espazo dispoñible na páxina. Un cordial saúdo. --Prevert^gl 16:08, 4 de abril de 2012 (UTC)

Wikipedia:Caixas de usuario

Ola Vivaelcelta. Antes de continuar facendo caixas de usuario é mellor que leas Wikipedia:Caixas de usuario para coñecer as directrices na Galipedia en canto á creación e uso das caixas de usuario. Un cordial saúdo.--Prevert^gl 21:29, 4 de abril de 2012 (UTC)

No seu momento o tema das caixas de usuario foi debatido para atopar unha solución que evítase os problemas que provocaron noutros wikis. Neste proxecto prefírese en todos os aspectos procurar elementos de unión e evitar todo aquilo que supoña potenciar as crenzas, gustos, ideoloxía,... propias. Todo iso faise para beneficiar o traballo colectivo fronte ás diferenzas individuais, somos poucos e necesitamos o esforzo de cada un dos usuarios para mellorar. Outras cuestións a evitar coa proliferación de caixas de usuario teñen que ver con aspectos que están máis relacionados coas redes sociais doutro tipo que cunha enciclopedia. As caixas de usuario tamén poden supoñer un conflito de intereses e unha incompatibilidade na edición de determinados artigos (evidentemente se a incompatibilidade existe non desaparece porque exista ou non a caixa de usuario, o problema é que se fai bandeira da incompatibilidade sen asumir as limitacións que supón). Tamén cómpre pensar sobre o que significa a unha enciclopedia e o esforzo por tentar crear coñecemento. Por poñer un exemplo con algunha das caixas que créaches, nunha situación como a descrita antes e nun contexto no que as cores teñen unhas connotacións determinados habería que pensar se teñen sentido as caixas {{Usuario home}} e {{Usuaria muller}}, se están transmitindo estereotipos e se iso é compatible cos obxectivos deste proxecto. Noutros wikis non teñen esas prevencións respecto ás caixas de usuario pero iso non é aplicable aquí, neses proxectos algúns colaboradores usan as caixas de usuario como elemento de reafirmación de si mesmos, aquí preferiuse ir por outra vía. Por iso aproubouse a política recollida en Wikipedia:Caixas de usuario, de acordo co exposto nesa política marquei {{Usuario problemas do mundo}} para a súa eliminación rápida porque independentmente do que pensemos cada un de nós sobre o tema a Galipedia non é un lugar axeitado para promocionar o noso xeito de ver o mundo. Un cordial saúdo. --Prevert^gl 11:33, 5 de abril de 2012 (UTC)

Varón

Ola! Eliminei a redirección que creaches desde 'varón' a 'home', posto que en galego non ten ese significado. Un 'varón' é unha 'vara grande'. Saúdos! --Estevo(aei)^{pa o que queiras...} 10:18, 6 de abril de 2012 (UTC)

Perdón, trabuqueime; volvín crear a redirección; saúdos! --Estevo(aei)^{pa o que queiras...} 10:21, 6 de abril de 2012 (UTC)

CompacTOC

Rebaixeille a protección. Xa lle podes atacar. --. HombreDHojalata.^conversa 08:02, 4 de setembro de 2012 (UTC)

Mar e Martes

Xa me din conta. Sinto o erro. Pedro --Lameiro ^(conversa) 17:03, 23 de setembro de 2012 (UTC)

• Non, non hai que baleirar nada. Simplemente hai que inserir na primeira liña o modelo lixo. Así xa nos aparece na "categoría: Limpar". Convén, por se acaso, que engadas os motivos da solicitude de borrado. Saúdos, Pedro --Lameiro ^(conversa) 18:47, 23 de setembro de 2012 (UTC)

Graciñas

Por correxir a miña páxina de usuario :). Saúdos, --Elisardojm (conversa) 22:25, 24 de setembro de 2012 (UTC)

Cambios de nome en Commons

Penso que non podo atender ao que me solicitas. En concordancia co especificado en Commons:File renaming. --. HombreDHojalata.^conversa 08:04, 26 de setembro de 2012 (UTC)

Políticas

Deixei un comentario na taberna sobre o tema, bótalle un ollo. Saúdos, --Elisardojm (conversa) 22:03, 2 de outubro de 2012 (UTC)

RE:Ferramentas

Si, si coñezo esas ferramentas e xa as teño activadas. Por certo que o revisor funciona (a min, polo menos) de forma moi irregular: resalta erros unhas veces pero non outras (habendo erros, claro), e logo abres outra vez ese artigo e agora si que os marca. Quero crer que se debe ó meu ordenador ou a que sigo empeñado en traballar con Explorer. Ben, supoño que me dis isto porque a miña lista de erros poida semellar que estou inventando algo que xa existe, e non foi esa a miña intención. A raíz da discusión sobre se valía ou non a palabra xacemento para os restos fósiles ou arqueolóxicos, púxenme a buscar tódalas aparicións desta palabra e corrixir as acepcións que non valían. para ese traballo non abonda con buscar logo no artigo a palabra errónea, corrixir e pasar ó seguinte, senón que hai que ler toooodo o artigo e corrixir esa e outras que van aparecendo. Neste chollo atopei que hai erros comúns, que aparecen en máis páxinas, e esa foi a razón de crear a miña lista, na que aproveito para ir marcando a data na que termino de corrixir ese erro. Non substitúe á listaxe do revisor e de feito agora introduzo tamén nesta listaxe aqueles erros que atopo e que non estaban incluídos. Desde logo, se chego a adiviñar que con iso estaba entrando no lado escuro da Forza, non o tería feito, pero agora xa estou entrampado e non podo saír desa espiral de correccións e novos erros detectados. Hai casos nos que o número de erros dun artigo é tan alto que estou tentado de borrar o artigo e santaspascuas, pero controlo e reprimo esa tentación. Saúdos, Pedro --Lameiro ^(conversa) 11:35, 7 de outubro de 2012 (UTC)

wgNamespaceNumber

É unha cousa moi técnica e teño medo de metela zoca. Mellor agardamos a que Toliño lle bote un ollo. --. HombreDHojalata.^conversa 21:53, 9 de outubro de 2012 (UTC)

RE: Tratamento de vostede e pseudónimos

Os dous primeiros niveis dos avisos de usuario son mensaxes informativas para que as persoas sen coñecementos de como funciona isto saiban as bases do funcionamento da enciclopedia. Por iso levan un tratamento máis amigable. A partir do nivel 3, as mensaxes son advertencias para que o usuario pare de facer mal. Se queremos respecto, nós debemos tratalos con respecto.

O feito de que as conversas das (escasas) páxinas que hai no espazo de nomes "Portal" aparezan como Portal talk: é simplemente porque non se pediu a súa tradución. En calquera caso, ese espazo de nomes non se usa para nada. Saúdos! --Toliño ^{Fala aquí comigo} 21:10, 10 de outubro de 2012 (UTC)

Votar

Claro que podes votar! E por que non ías poder? (Wikipedia:Votacións#Quen pode votar?, Contador de Edicións de X!).

Co tema das ferramentas. En caso de dúbida en cuestións técnicas, para min persoalmente, o que diga Toliño é o que vale. --. HombreDHojalata.^conversa 21:15, 12 de outubro de 2012 (UTC)

Nova sección

O caso é que teño a mesma visión ca Toliño, e vexo innecesario ese engadido. De feito, pensando no conxunto dos usuario, prefiro non complicalo. Síntoo, pero as modificacións que afectan á estrutura, por pequena que sexa, das ferramentas de edición, só se fan cando hai un acordo moi grande senón unánime. Este non é o caso. Un saúdo. --Atobar ^{(conversa comigo)} 16:11, 15 de outubro de 2012 (UTC)

RE: Nova ferramenta

Boas noites. Non sabería facer tal cousa, nunca me metín nesas profundidades estruturais e creo que non debo meterme a iso, porque o máis probable sería meter a zoca. Por otro lado, agora que o mirei, é que non vexo necesario cambiar [editar] por [Nova sección | editar], se ó final tes que ir ó comezo da páxina para escoller unha das dúas opcións; cando eu necesitei facer unha ou outra cousa nunca botei en falta nada que mo facilitase. Nin me resulta para nada engorroso se todo o traballo é pulsar "inicio", que me leva á cabeceira. Non é que moleste, é que non lle acabo de ver sentido. Non sei se será custoso ou traballoso (para min si, pero por puro descoñecemento técnico) e prefiro non meterme en camisas de once varas. Saúdos, Pedro --Lameiro ^(conversa) 20:29, 15 de outubro de 2012 (UTC)

Teño a mesma opinión; non sabería nin por onde comezar para agregar a lapela que dis. De todos xeitos, concordo con Pedro en que é tan fácil como darlle ao botón 'inicio', de moita utilidade tamén (ao igual que o de 'fin') para navegar á hora de editar artigos. Un saúdo. --Estevo(aei)^{pa o que queiras...} 22:35, 15 de outubro de 2012 (UTC)

Re: Opinar

Feito! Podes opinar ti tamén aquí? Saúdos, --Elisardojm (conversa) 11:21, 18 de outubro de 2012 (UTC)

RE: Solicitudes rexeitadas

Expliquei a miña postura na Taberna. Podes discrepar comigo, pero é a miña opinión. Respecto o que ti pensas e agardo que respectes a miña opinión. Se queres falar máis do tema, xa sabes onde estou. Saúdos! --Toliño ^{Fala aquí comigo} 14:28, 21 de outubro de 2012 (UTC)

O criterio que sigo é pensar na utilidade que poidan ter ao resto de usuarios da Galipedia. Hai moitos cambios na aparencia do sitio que deciden facer algúns usuarios individualmente nas súas propias follas de estilo (.js e .css) que non considero que sexan de interese para o resto da comunidade. --Toliño ^{Fala aquí comigo} 10:13, 23 de outubro de 2012 (UTC)

Fotos de Mariana Expósito

Ola Roi.

Borrei as fotos a raíz da solicitude doutro usuario (gracias Xoacas polo aviso). O motivo foi que non foron licenciadas de forma compatible con este proxecto. Basicamente polo seguinte:

1. A usuaria que as cargou, María de los Ángeles García, tomounas da internet, tal como ela mesma declara [2]. E nas paxinas das que as copiou non consta licenza compatible.
2. Di que Mariana Expósito deulle permiso:
   1. A cesión de dereitos ten que facerse directamente. Non cabe facelo a través de terceiros.
   2. "Dar permiso" non é unha licencia que admitamos. Hai que escoller unha licenza recoñecida legalmente (GFDL, CC-BY-SA, Dominio público, etc)
   3. A lei atribúe os dereitos de autor ao autor, non a persoa fotografada. Os dereitos de autor os teñen os fotógrafos, non a actriz (Mariana Expósito non pode ceder uns dereitos que non posúe).
3. Redundando no anterior, María de los Ángeles García en absoluto aporta base ningunha para licenciar esas imaxes no Dominio Público.

No tema do MediaWiki:Common.js, síntocho, remítote de novo a Toliño. Os meus coñecementos niso son máis limitados e preferiría que o fixera el.

Un saúdo. E aproveito para agradecerche e felicitarte polo traballo que estás a facer e o interese que pos na mellora e crecemento deste proxecto. --. HombreDHojalata.^conversa 17:59, 23 de outubro de 2012 (UTC)