Conseller Primer

Conseller Primer
Nome oficial Conseller Primer (ca) dende 2005 ata 2006 Conseller en Cap (ca) dende 2001 ata 2005 Conseller Primer (ca) dende 1933 ata 1934 Conseller Delegat (ca) dende 1933 ata 1933 Cap del Consell Executiu (ca) dende 1932 ata 1933
Instancia de cargo público  Subclase de Conselleiro da Generalitat de Cataluña  Parte de Goberno de Cataluña  Lista do elemento list of prime ministers of Catalonia (en)
Tratamento Honorábel
Implicados  Nomeado por Presidente da Generalitat de Cataluña
Datas  Fundación / creación 29 de decembro de 1931
Localización  Xurisdición Cataluña  País España
Wikidata

O Conseller primer del govern (en galego: Conselleiro primeiro do goberno) é un membro do Govern de Catalunya con competencias propias, nomeado e separado do cargo polo President da Generalitat de Catalunya.

É considerado o análogo catalán do cargo que desenvolve o primeiro ministro noutros países europeos e o seu status descríbese no Estatuto de Autonomía de Cataluña de 2006 como unha figura que pode, opcionalmente, existir no goberno; e regúlase por lei do Parlament de Catalunya. O cargo de Conseller Primer ten o tratamento de Honorable Senyor ou Honorable Senyora.

O conseller primer do Govern ten despacho de seu no Palau de la Generalitat de Catalunya, na parte edificada no século XVI por Pere Blai, coñecida como Cos renaixentista.

Historia

Coa restitución da Generalitat republicana foise definindo esta figura de xefe de goberno aínda que con diferentes terminoloxías:

• Cap del Consell Executiu, ocupado por Joan Lluhí i Vallescà no segundo goberno estatutario en 1933.
• Conseller Delegat, ocupado por Carles Pi i Sunyer no segundo goberno estatutario en 1933.
• Conseller Primer, ocupado por Miquel Santaló i Parvorell, no segundo goberno estatutario en 1933; e Joan Casanovas e Josep Tarradellas, no terceiro goberno estatutario en 1933.

En 2001 o sexto goberno de Jordi Pujol restituíu esta figura co nome de Conseller en Cap e ocupouno Artur Mas, quen, nas seguintes eleccións, sería o seu successor encabezando a lista de CiU. A restitución do cargo foi interpretada per moitos sectores da oposición e a sociedade como unha manobra propagandística do partit gobernante (CiU) para destacar a figura de Artur Mas e presentalo como sucesor político de Pujol, xa que nas seguintes eleccións presentaríase como cabeza de lista de CiU.

Na seguinte lexislatura, o goberno de Pasqual Maragall mantivo esta figura, que ocuparon Josep-Lluís Carod-Rovira e Josep Bargalló i Valls; aínda que o nome foi substituído o 17 de marzo de 2005 polo de Conseller Primer, tras considerar que o nome Conseller en Cap designaba historicamente un cargo do Concello de Barcelona e non da Generalitat de Catalunya.

Despois das eleccións de 2006, o goberno de José Montilla non designou Conseller Primer e as súas competencias foron asumidas polo mesmo president e o conseller da Vicepresidencia, Josep Lluís Carod-Rovira.

Lista de consellers primers

N.º	Nome	Inicio	Fin	Partido
1.	Joan Lluhí	1932	1933	ERC
2.	Carles Pi i Sunyer	1933	1933	ERC
3.	Miquel Santaló i Parvorell	4 de outubro de 1933	1 de xaneiro de 1934	ERC
4.	Joan Casanovas	31 de xullo de 1936	1936	ERC
5.	Josep Tarradellas i Joan	26 de setembro de 1936	5 de maio de 1937	ERC
–.	Josep Tarradellas i Joan	1954	1954	ERC
6.	Artur Mas i Gavarró	17 de xaneiro de 2001	20 de decembro de 2003	CDC
7.	Josep Lluís Carod-Rovira	20 de decembro de 2003	27 de xaneiro de 2004	ERC
8.	Josep Bargalló i Valls	20 de febreiro de 2004	11 de maio de 2006	ERC