Conduce rápido

Na Galipedia, a Wikipedia en galego.
Saltar ata a navegación Saltar á procura

Conduce rápido
Autor/aDiego Ameixeiras
CubertaPaula Gómez del Valle
OrixeGaliza
Linguagalego
ColecciónNarrativa
Xénero(s)Novela negra
EditorialEdicións Xerais
Data de pub.Novembro de 2014
Formato14,5 x 22 cm.
edición rústica cosida a fío
Páxinas148
ISBNISBN 9788499147819

Conduce Rápido é unha novela negra de Diego Ameixeiras editada en 2014 por Edicións Xerais de Galicia. Conta a historia de dous irmáns de Santiago de Compostela despois de que un deles atope un saco de lona con cocaína nunha praia. No ano 2015 acadou o Premios Losada Diéguez de creación literaria[1]. O título do libro é unha chiscadela ao disco Conducir despacio, do grupo ourensán Cosecha Roja.

Trama[editar | editar a fonte]

Os feitos ocorren arredor da cidade de Santiago de Compostela, onde vive Erika, unha rapaza nova, co seu irmán Samuel. Ambos os dous móvense nun ambiente marxinal no que vai aumentando a violencia segundo transcorre a historia. Unha das causas desta situación é abandono da súa nai para fuxir co home do cal está namorada. A falta de diñeiro para sobrevivir fai que os irmáns cheguen a roubar e mesmo a prostituírse. Un saco de lona envolto cunhas cordas aparece nunha praia galega con 10 quilos de cocaína. Bruno, un traficante de pouca monta, pídelle axuda a Samuel para distribuíla. Os irmáns ven unha oportunidade para saíren do ambiente marxinal. O azar do destino fará que Ventura, un narcotraficante con problemas co xogo, entre na vida dos irmáns para axudalos.

Crítica[editar | editar a fonte]

Ameixeiras manexa os tópicos do mesmo (xénero negro) como a el lle parece, con claras referencias á novela negra norteamericana de comezos do século XX e á literatura pulp.
Laura Blanco Casás en Faro de Vigo, 22 de xaneiro de 2015[2]
O autor non só persegue facer ficción con aquilo que aflora nas páxinas de sucesos senón que afonda no perfil das persoas que a propia sociedade desterra a diferentes submundos. (...) Daquel Balbino de Neira Vilas que se definía como un “ninguén” a outro personaxe de Ameixeiras que adopta nesta novela idéntica categorización dista un mundo mais ambos os dous son tripulación dun barco que segue unha singradura, malia todo, que avanza.

Traducións[editar | editar a fonte]

  • Ao castelán polo propio autor co título de Conduce rápido publicado en 2017 por Editorial Akal, Serie negra[4].

Notas[editar | editar a fonte]