Comisión Juncker
A Comisión Juncker é a Comisión Europea formada en 2014 e presidida polo ex-primeiro ministro luxemburgués Jean-Claude Juncker.
A composición da comisión Juncker foi anunciada nos primeiros días de setembro de 2014.
Membros da Comisión[editar | editar a fonte]
- Jean-Claude Juncker. Presidente da Comisión Europea. (PPE, Luxemburgo).
- Frans Timmermans. Primeiro vicepresidente e comisario de Mellor regulamentación, Relacións Interinstitucionais, Gobernanza e Carta de Dereitos Fundamentais. (S&D, Países Baixos).
- Kristalina Georgieva. Vicepresidenta de Facenda e Recursos humanos. (PPE, Bulgaria).
- Maroš Šefčovič. Vicepresidente para a Unión Enerxética. (S&D, Eslovaquia).
- Jyrki Katainen. Vicepresidente de Emprego, Crecemento, Investimento e Competitividade. (PPE, Finlandia).
- Valdis Dombrovskis. Vicepresidente para o Euro e o Diálogo social. (PPE, Letonia).
- Andrus Ansip. Vicepresidente para o Mercado Único Dixital. (ALDE, Estonia).
- Federica Mogherini. Vicepresidenta e Alta Representante para Asuntos Exteriores e Política de Seguridade. (S&D, Italia).
- Věra Jourová. Comisaria de Xustiza, Consumo e Transportes (ALDE, República Checa).
- Günther Oettinger. Comisario de Economía e sociedade dixital. (PPE, Alemaña).
- Pierre Moscovici. Comisario de Asuntos Económicos e Financeiros, Impostos e Alfándegas. (S&D, Francia).
- Marianne Thyssen. Comisaria de Emprego, Asuntos Sociais, Formación profesional e Mobilidade laboral. (PPE, Bélxica).
- Corina Crețu. Comisaria de Política rexional. (S&D, Romanía).
- Johannes Hahn. Comisario de Veciñanza e Ampliación. (PPE, Austria).
- Dimitris Avramopoulos. Comisario de Migración, Interior, e Cidadanía europea. (PPE, Grecia).
- Vytenis Andriukaitis. Comisario de Saúde e Seguridade Alimentaria. (S&D, Lituania).
- Jonathan Hill. Comisario de Estabilidade financeira e a Unión dos mercados e servizos financeiros. (ECR, Reino Unido).
- Elżbieta Bieńkowska. Comisaria de Mercado Interno, Industria, Emprendedorismo e Pemes (PPE, Polonia).
- Miguel Arias Cañete. Comisario de Enerxía e Cambio climático. (PPE, España).
- Neven Mimica. Comisario de Cooperación internacional e Desenvolvemento. (S&D, Croacia).
- Magrethe Verstager. Comisaria de Competitividade. (ALDE, Dinamarca).
- Violeta Bulc. Comisaria de Transporte. (ALDE, Eslovenia).
- Cecilia Malmström. Comisaria de Comercio. (ALDE, Suecia)
- Karmenu Vella. Comisario de Medio Ambiente, Asuntos Marítimos e Pesca. (S&D, Malta).
- Tibor Navracsics. Comisario de Educación, Cultura, Mocidade e Deporte. (PPE, Hungría).
- Carlos Moedas. Comisario de Investigación, Ciencia e Innovación. (PPE, Portugal).
- Phil Hogan. Comisario de Agricultura e Desenvolvemento rural. (PPE, Irlanda).
- Christos Stylianides. Comisario de Axuda Humanitaria e Xestión das crises. (PPE, Chipre).
A Comisión está formada por 14 comisarios conservadores, 8 socialdemócratas, 5 liberais e 1 pertencente ao grupo dos Reformistas europeos que procede do Partido Conservador británico. Deles, 19 son homes, e 9 mulleres.