Clifford Geertz

Clifford Geertz
Nome orixinal	(en) Clifford James Geertz
Biografía
Nacemento	23 de agosto de 1926 ; San Francisco (Estados Unidos de América)
Morte	30 de outubro de 2006 (80 anos); Filadelfia (Estados Unidos de América)
Causa da morte	Morte natural (Infarto agudo de miocardio )
Datos persoais
País de nacionalidade	Estados Unidos de América
Educación	Universidade Harvard ; Antioch University (en) ; Antioch College (en)
Director de tese	Talcott Parsons
Actividade
Campo de traballo	Antropoloxía, Antropoloxía cultural e Antropoloxía social
Ocupación	antropólogo , profesor universitario , sociólogo
Empregador	Institute for Advanced Study (1970–2000) ; Universidade de Chicago (1960–1970)
Membro de	Academia Naciona de Ciencias dos Estados Unidos ; Academia das Artes e das Ciencias dos Estados Unidos
Influencias	Talcott Parsons
Lingua	Lingua inglesa
Carreira militar
Rama militar	Armada dos Estados Unidos de América
Conflito	Segunda guerra mundial
Obra
	Obras destacables (1963) Agricultural Involution (en) ;
Doutorando	Paul Rabinow (pt) e Lawrence Rosen (pt)
Familia
Cónxuxe	Hildred Geertz , divorcio
	Premios (1992) Fukuoka Asian Culture Prize (en) ; (1983) Huxley Memorial Medal (en) ; (1974) Talcott Parsons Prize (en) ;

Clifford James Geertz, nado en San Francisco, California, o 23 de agosto de 1926 e finado o 30 de outubro de 2006, foi un antropólogo estadounidense. Ocupou o posto de profesor emérito no Institute for Advanced Study, da Universidade de Princeton, Nova Jersey.

Vida[editar | editar a fonte]

Logo de servir na Mariña dos Estados Unidos durante a segunda guerra mundial, (1943-45), Geertz estudou no Antioch College, onde obtivo o grao de bacharel en 1950, e logo doutorouse en Harvard como doutor en Filosofía en 1956. Pasou por varias escolas antes de formares parte do equipo de antropólogos da Universidade de Chicago (1960-70); posteriormente converteuse en profesor de ciencias sociais do Institute for Advanced Study en Princeton de 1970-2000, onde foi emérito ata a súa morte, o 30 de outubro de 2006. Recibiu un doutoramento honorífico do Bates College no 1980.

Pensamento e obra[editar | editar a fonte]

Na Universidade de Chicago, Geertz converteuse no "campión da antropoloxía simbólica", que pon particular atención ao papel do imaxinario (ou 'símbolos') na sociedade. Os símbolos son o marco da actuación social. A cultura, segundo a define Geertz no seu famoso libro A interpretación das culturas (The Interpretation of Cultures, 1973), é un "sistema de concepcións expresadas en formas simbólicas por medio das cales a xente se comunica, perpetúa e desenvolve o seu coñecemento sobre as actitudes para a vida." A función da cultura é dotar de sentido ao mundo e facelo comprensible. O papel dos antropólogos, polo tanto, é intentar (pois a comprensión total dos feitos sociais non é posible) interpretar os símbolos clave de cada cultura (a isto chámaselle descrición densa).

Geertz sostiña que para estudar a cultura dende un punto de vista antropolóxico, é imposible aplicar unha lei ou unha teoría determinada, a única maneira de estudar as condutas humanas dentro do contexto cultural ao cal pertencen, é a través da experiencia e da observación do investigador, desta maneira as manifestacións de cada cultura, segundo Geertz, deben ser estudadas da mesma maneira que a arqueoloxía estuda o chan, “capa por capa”, dende a máis externa, é dicir dende aquela onde os símbolos culturais maniféstanse de maneira máis clara, ata a capa máis profunda, onde se atopa a matriz destes símbolos aos cales hai que identificarlles o significado, deixando de lado os aspectos ontolóxicos do mesmo.

Geertz conduciu numerosas investigacións etnográficas no Sueste asiático e África do Norte. Ademais realizou importantes achegas á teoría social e cultural, e continúa como unha voz importante no xiro do interese antropológico cara ós marcos simbólicos nos que os pobos viven as súas propias vidas. Traballou en relixión, especialmente no islam, nos bazares comerciais tradicionais, indagou no desenvolvemento económico e na estrutura política; así como na vida aldeá e familiar. Ata o día da súa morte estivo traballando de maneira xeral na cuestión da diversidade étnica e as súas implicacións no mundo moderno.

Véxase tamén[editar | editar a fonte]

Ligazóns externas[editar | editar a fonte]

HyperGeertz@WorldCatalogue Arquivado 21 de abril de 2021 en Wayback Machine. Unha bibliografía e documentacíon das obras de Clifford Geertz en todos os idiomas
Traballa en castelán Arquivado 21 de abril de 2021 en Wayback Machine.
Traballa en catalán Arquivado 23 de xaneiro de 2021 en Wayback Machine.
Entrevista a Clifford Geertz, realizada por Richard Handler e traducida ao español, na revista AIBR
Vídeo dunha entrevista con Geertz
Big Ideas. Big Thinkers Clifford Geertz
Clifford Geertz: A Life of Learning (Charles Homer Haskins Lecture for 1999) Arquivado 02 de xaneiro de 2009 en Wayback Machine.
De Tribunais e apostos. Cliford Geertz diante da crítica de Carlos Reynoso e volta. Por Enrique Anrubia
Xogos e Concursos introductorios sobre a figura descoñecida de Clifford Geertz. Por Enrique Anrubia
Ligazón sobre un libro monográfico e profundo sobre Geertz. La versión de nosotros mismos. Naturaleza, símbolo y cultura en Clifford Geertz Arquivado 23 de marzo de 2020 en Wayback Machine., por Enrique Anrubia. (en castelán)