Chuck Yeager

Na Galipedia, a Wikipedia en galego.
Saltar ata a navegación Saltar á procura
Chuck Yeager
Charles Yeager photo portrait head on shoulders left side.jpg
Nome completoCharles Elwood Yeager
Nacemento13 de febreiro de 1923
 Myra
Falecemento7 de decembro de 2020
 Os Ánxeles
NacionalidadeEstados Unidos de América
Alma máterEscola de Piloto de Teste da Força Aérea dos Estados Unidos
Ocupaciónmilitar, aviador e piloto de probas
PremiosDistinguished Flying Cross (Estados Unidos), Estrela de Bronze, Lexionario da Lexión do Mérito, Purple Heart, Medalla Presidencial da Liberdade, Medalla do Aire, Estrela de Prata, Air Force Distinguished Service Medal, Harmon Trophy, Nacional Aviación Hall of Fame, Salón da Fama de California, Horatio Alger Award, Medalha de Vitória da Segunda Guerra Mundial, European-African-Middle Eastern Campaign Medal, Congressional Silver Medal, International Air & Space Hall of Fame, International Space Hall of Fame, Aerospace Walk of Honor, Salón da Fama de California, Commendation Medal, American Campaign Medal, Army of Occupation Medal, National Defense Service Medal, Armed Forces Expeditionary Medal, Vietnam Service Medal, Air Force Longevity Service Award, Marksmanship Ribbon, Vietnam Campaign Medal, Mackay Trophy e Troféu Collier
Chuck Yeager signature.SVG
editar datos en Wikidata ]
Chuck Yeager

Charles Elwood "Chuck" Yeager, nado o 13 de febreiro de 1923 e finado o 7 de decembro de 2020, foi un oficial da Forza Aérea dos Estados Unidos e piloto de probas con varios récords retirado. En 1947 converteuse no primeiro piloto confirmado en superar a velocidade do son nunha aeronave.

A carreira de Yeager comezou na segunda guerra mundial como soldado raso da Forza Aérea. Despois de servir como mecánico de avións, en setembro de 1942 comezou a formarse como piloto e tras graduarse foi promocionado ao rango de oficial de voo converténdose en piloto de caza co North American P-51 Mustang.

Despois da guerra Yeager converteuse en piloto de probas de moitos tipos de avións, incluídos aparellos experimentais impulsados por foguetes. Como primeiro humano en romper oficialmente a barreira do son, o 14 de outubro de 1947, voou o experimental Bell X-1 a Mach 1 a unha altura de 45 000 pés (13 700 m). Aínda que Scott Crossfield foi o primeiro en pasar de Mach 2 en 1953, Yeager pouco despois estableceu un novo récord ao chegar a Mach 2,44.

Yeager posteriormente comandou escuadróns e ás de caza en Alemaña e no Sueste asiático durante a Guerra do Vietnam, e en recoñecemento ás excelentes actuacións das súas unidades foi promocionado a xeneral de brigada. A carreira de voo Yeager abrangue máis de 60 anos e levouno a todos os recunchos do mundo, incluída a Unión Soviética durante o apoxeo da guerra fría.