Castor Sánchez Martínez

Castor Sánchez Martínez
Nacemento	8 de xaneiro de 1894
Lugar de nacemento	Parada de Amoeiro
Falecemento	25 de agosto de 1936
Lugar de falecemento	Beade
Nacionalidade	España
Ocupación	político e canteiro
[ editar datos en Wikidata ]

Castor Sánchez Martínez, nado en Parada de Amoeiro (Amoeiro) o 8 de xaneiro de 1894 e finado en Beade o 25 de agosto de 1936, foi un agrarista e político galego.

Traxectoria

Canteiro, foi representante dos traballadores nas obras do ferrocarril. Loitador pola abolición dos foros, foi presidente das sociedades agrarias en Parada de Amoeiro. En 1919 marchou a Francia para evitar as represalias pola súa loita como agrarista, retornando en 1921. Fundou en Parada de Amoeiro a UGT e a Agrupación Socialista de Amoeiro, da que foi o seu primeiro secretario. Coa chegada da Segunda República foi elixido alcalde de Amoeiro o 5 de xuño de 1931. O 11 de outubro de 1934 foi cesado e deportado. Regresou a Amoeiro en xaneiro de 1935. O 20 de febreiro de 1936 asumiu novamente a alcaldía de Amoeiro. Co golpe de Estado do 18 de xullo de 1936 foi detido e o 25 de agosto asasinado na estrada Berán-Beade, no cruzamento de Beade. Pouco antes os falanxistas asasinaron a Antonio Pérez Gutiérrez "Pinante", na estrada de Amoeiro a Parada. Ambos foron soterrados no cemiterio de Beade.

Colaborou en La Zarpa, La República e La Lucha, utilizando ás veces o pseudónimo José del Arroyo.

Predecesor: ?	Alcalde de Amoeiro  1931 - 1934	Sucesor: Manuel Vázquez González
Predecesor: José María González González	Alcalde de Amoeiro  1936	Sucesor: ?

Véxase tamén

Bibliografía

• Prada Rodríguez, Xulio (2014). Castor Sánchez Martínez. A conquista da cidadanía. Vigo: Ir Indo. ISBN 978-84-7680-712-5. 

Ligazóns externas

• Castor Sánchez Martínez na páxina web Nomes e Voces.