César López Otero
| Biografía | |
|---|---|
| Nacemento | 1903  Acevedo |
| Morte | 12 de setembro de 1939 (35/36 anos) Meira |
 Gobernador civil da provincia da Coruña | |
| | |
| Datos persoais | |
| Grupo étnico | Pobo galego |
| Actividade | |
| Ocupación | político |
| Familia | |
| Irmáns | Avelino López Otero |
   | |
César López Otero, nado en Acevedo (San Xurxo de Piquín, Ribeira de Piquín; por entón pertencente ao concello de Meira) en 1903 e finado en Meira o 12 de setembro de 1939, foi un avogado, sindicalista e político galego.
Traxectoria
[editar | editar a fonte]
Dende 1923 presidiu a Federación Provincial Agraria (FPA) e a Confederación Rexional de Agricultores Gallegos (CRAG). Integrouse na ORGA en 1930 e despois no Partido Republicano Gallego. En 1930 participou no Pacto de Lestrobe. Foi gobernado civil da Coruña do 12 de xuño de 1931 ata a súa dimisión o 8 de xullo de 1932. Logo foi dirixente de Izquierda Republicana. Xunto co seu irmán Avelino López Otero foi o promotor da constitución do concello da Ribeira de Piquín, constituído o 5 de marzo de 1935. Co golpe de Estado do 18 de xullo de 1936 foi detido o 1 de outubro de 1937, o día 15 foi conducido ao Hospital, e morreu uns meses despois de saír da cadea.
Obras
[editar | editar a fonte]- Abolición de foros, censos y otras rentas de origen señorial, 1934.
Véxase tamén
[editar | editar a fonte]Bibliografía
[editar | editar a fonte]- Serrallonga i Urquidi, Joan (2007). "El aparato provincial durante la Segunda República. Los gobernadores civiles, 1931-1939" (PDF). Hispania Nova (7). Arquivado dende o orixinal (PDF) o 06 de outubro de 2014. Consultado o 19 de agosto de 2013.
