Bob Beamon

Na Galipedia, a Wikipedia en galego.
Saltar ata a navegación Saltar á procura
Bob Beamon
1992 Bob Beamon.JPG
Nacemento29 de agosto de 1946
 Jamaica
NacionalidadeEstados Unidos de América
EtniaAfroamericano
Educado enUniversidade Agrícola e Técnica do Estado da Carolina do Norte
Ocupaciónatleta
editar datos en Wikidata ]
Bob Beamon en 1968.
Cadro de medallas
Atletismo
Xogos Olímpicos
Ouro México 1968 Salto de lonxitude

Robert "Bob" Beamon, nado en Jamaica (Nova York) o 29 de agosto de 1946, é un atleta norteamericano retirado, especialista en salto de lonxitude. É famoso polo seu extraordinario salto nos Xogos Olímpicos de 1968, polo que obtivo a medalla olímpica e o récord do mundo de salto de lonxitude.

Traxectoria[editar | editar a fonte]

Sand pit onde Bob Beamon marcou o récord de 8.90, Cidade de México, México.

Nos Xogos Olímpicos de 1968 estabeleceu un novo récord mundial en Cidade de México cun marabilloso salto de 8,90 m, marca que se mantivo imbatida durante 23 anos, sendo declarado pola revista Sports Illustrated como unha das grandes fazañas deportivas do século XX. O seu salto superaba en 55 cm a mellor marca mundial anterior. Entre os factores que favoreceran un salto tan extraordinario contara sen dúbida a altura elevada a que se sitúa México, pois no mesmo ano, en Lake Tahoe, tamén a considerábel altitude, Beamon atinxira 8,39 m.

A marca atinxida por Beamon foi superada no Campionato mundial de atletismo, celebrado en Tokio no ano 1991, por Carl Lewis (8,91 m) e Mike Powell (8,95 m). Este estabeleceu o novo récord mundial, mais o salto de Bob segue a ser o récord olímpico.

Desenvolvemento persoal[editar | editar a fonte]

As mellores marcas de Beamon por anos foran:

Ano 1962 1963 1964 1965 1966 1967 1968 1969 1970
Lonxitude (m) 7,34 7,31 7,64 7,71 7,80 8,11 8,90 8,20 7,91