Bertil af Klercker
| Nome orixinal | Ernst Tagesson af Klercker |
|---|---|
| Biografía | |
| Nacemento | 31 de xaneiro de 1910 Estocolmo. |
| Morte | 21 de abril de 1986 (76 anos) Flen, Södermanland. |
| Datos persoais | |
| País de nacionalidade |  Sueco. |
| Educación | Universidade de Estocolmo. |
| Tese académica | "Equiparación de resultados entre distintos exercicios fiscais na tributación da renda empresarial consonte a lexislación sueca" (1948). |
| Actividade | |
| Ocupación | Avogado e numismático. |
| Membro de | |
Familia | |
| Familia | Af Klercker (en)   |
| Cónxuxe | Inger Emanuelsson. |
| Pais | Tage af Klercker e Märta af Klercker. |
| Irmáns | Stig af Klercker. |
| Premios | |
| 1979: Medalla ao Mérito da SNS. | |
Ernst Bertil Tagesson af Klercker, nado o 31 de xaneiro de 1910 en Estocolmo e finado o 21 de abril de 1986 en Flen, condado de Södermanland, foi un avogado e numismático sueco.
Traxectoria[editar | editar a fonte]
Primeiros anos e formación[editar | editar a fonte]
Bertil af Klercker naceu en 1910 na antiga parroquia militar de Svea Livgarde, fillo de Märta Boheman e do xeneral de división Tage af Klercker.[1] Tivo tres irmáns, chamados Stig Fredrik, Tage e Carl Göran af Klercker.[2]
Carreira profesional[editar | editar a fonte]
Logo da súa licenciatura en Dereito en 1947 na Universidade de Estocolmo, Bertil af Klercker acadou o seu doutoramento en Dereito en 1948,[1] cunha tese titulada "Equiparación de resultados entre distintos exercicios fiscais na tributación da renda empresarial consonte a lexislación sueca".[3][4]
No ámbito militar licenciouse como oficial da reserva en 1930;[3] foi capitán da reserva do rexemento de infantaría de Socorristas de Svea desde 1943 e dirixiu o seu departamento fiscal desde 1946.[1]
Tamén foi membro experto do Comité de Impostos de Distribución entre 1949 e da Investigación Fiscal en 1957.[1]
Numismática[editar | editar a fonte]
Á marxe da súa dedicación profesional, tamén foi un numismático prestixioso no seu país. O seu interese pola numismática naceu na súa infancia, cando comezou a coleccionar moedas de temática relacionada coa natureza, e co tempo foi especializando a súa colección na moeda europea e das colonias posterior a 1500. En 1940 ingresou na Sociedade Numismática Sueca (SNS); pertenceu á súa xunta directiva a partir de 1949 e foi o presidente desta entidade entre 1961 e 1962.[3][5] Tamén foi un asiduo colaborador nas exposicións organizadas pola SNS coa colaboración do Gabinete Real de Moedas de Estocolmo. En 1979 recibiu como agradecemento a Medalla ao Mérito de la SNS. [3]
Outra das súas grandes afeccións foi golf, e Klercker foi un dos fundadores do Rotary Club de Estocolmo.[3]
Vida persoal[editar | editar a fonte]
Bertil af Klercker estivo casado con Inger Emanuelsson (1925-1995).[2]
Finou o 21 de abril de 1986, na parroquia de Vadsbro, condado de Södermanland.[3]
Notas[editar | editar a fonte]
- ↑ 1,0 1,1 1,2 1,3 Harnesk, P. (1962).
- ↑ 2,0 2,1 "Ernst Bertil Tagesson af Klercker". Geni.com
- ↑ 3,0 3,1 3,2 3,3 3,4 3,5 LLt. (1986).
- ↑ Åhman, O. (2012). "Advokaten som rättsvetenskapsmant: Bertil af Klercker (1910-1986)". En Sveriges advokatsamfund 125 år. DanagårdLiTHO AB, Ödeshög. Páxina 366. ISBN 978-91-637-1711-6
- ↑ "SNF:s ordföranden genom tiderna". Svenska Numismatiska Föreningen (Numismatik.es).
Véxase tamén[editar | editar a fonte]
Bibliografía[editar | editar a fonte]
- Harnesk, P. (1962). "af Klercker, E Bertil". En Vem är Vem? / Stor-Stockholm. 1962. Páxina 702.
- LLt. (1986). "Bertil af Klercker 1910-1986". En Svensk M¡Numismatisk Tidskrift. Setembro. Svenska numismatiska föreningen. Páxina 156.