Beatriz García Turnes
  | |
| Biografía | |
|---|---|
| Nacemento | 1973 (50/51 anos) Santiago de Compostela, España |
| Datos persoais | |
| País de nacionalidade | España |
| Educación | Universidade de Santiago de Compostela |
| Actividade | |
| Ocupación | escritora , filóloga |
| Lingua | Lingua galega |
 | |
Beatriz García Turnes, nada en Santiago de Compostela en 1973, é unha filóloga e escritora galega.
Traxectoria[editar | editar a fonte]
Licenciouse en filoloxía galega na Universidade de Santiago de Compostela, onde se doutorou en 2008 coa tese Ideas sobre o galego e as orixes do portugués na lingüística lusa do século XIX. Xénese e impacto en Galicia da hipótese celtista.[1] Publicou artigos sobre sociolingüística histórica en revistas como Grial, Verba ou a Revista da UNED. Colaborou co Instituto da Lingua Galega nun proxecto de investigación sociolingüística.[2] Especialista en planificación e dinamización da lingua galega e docente de ensino medio é profesora-investigadora no Centro Ramón Piñeiro, onde codirixiu o proxecto Legado de Jürgen Untermann. Tesouro paleogalaico (TPGal).[3]
Como narradora acadou dúas veces o premio Minerva, convocado polo Colexio Manuel Peleteiro, e foi premio Lecturas, promovido pola Asociación Galega do Libro Infantil e Xuvenil, coa súa novela Valdamor (2001).[4] Tamén gañou o Repsol de relato curto e o Camilo José Cela.[5]
En 2018 publicou a súa segunda novela, O ouro das lúas[6], e en 2021 a terceira, Esta noite hei de ir a verte, todas na colección de literatura xuvenil Costa Oeste da Editorial Galaxia. En 2024 deu ao prelo na colección Literaria Ronsel da mesma editora Comando Sintrom, o seu primeiro libro de contos.
Obra[editar | editar a fonte]
Ensaio[editar | editar a fonte]
- Diccionario Gallego-Castellano, Castellano-Gallego (2001). Con María Álvarez de la Granja e Carmen González Bueno. Vigo: Ed. Galaxia. 1000 páxs. ISBN 978-84-8288-464-6.
- A lingua galega entre 1875 e 1916: situación social e consciencia idiomática (2004). Deputación de Pontevedra.
- Ideas sobre o galego e as orixes do portugués na lingüística lusa do século XIX. Xénese e impacto en Galicia da hipótese celtista (2008). Tese de doutoramento.[7]
- Vida e obra de Ramón Piñeiro (2009). Vigo: Ed. Galaxia. 168 páxs. ISBN 978-84-9865-150-8.
- Antero de Quental e Teófilo Braga e a súa relación coas letras galegas (2016). Con Xesús Alonso Montero. Parlamento de Galicia, Xunta de Galicia e Real Academia Galega.
Narrativa[editar | editar a fonte]
- Valdamor (2001). Vigo: Ed. Galaxia, Costa Oeste. 112 páxs. ISBN 978-84-8288-443-1.
- O ouro das lúas (2018)Vigo: Ed. Galaxia. 103 páxs. ISBN 978-84-9151-186-1.
- Esta noite hei de ir a verte (2021). Ed. Galaxia, Costa Oeste. 200 páxs. ISBN 978-84-9151-645-3.
- Comando Sintrom (2024). Vigo: Ed. Galaxia. ISBN: 978-84-1176-191-8
Libros colectivos[editar | editar a fonte]
- O libro dos Reis Magos (2012). Vigo: Galaxia.
Notas[editar | editar a fonte]
- ↑ Tese en Minerva
- ↑ "Beatriz García Turnes". www.aelg.gal. Consultado o 2023-10-17.
- ↑ "Valentín García acompaña a Beatriz G. Turnes na presentación de 'Esta noite hei de ir a verte' - Xunta de Galicia". www.xunta.gal. Consultado o 2023-10-17.
- ↑ Ficha do libro na Editorial Galaxia
- ↑ "García Turnes, Beatriz". Editorial Galaxia. Consultado o 2023-10-17.
- ↑ Ficha do libro na Editorial Galaxia
- ↑ Tese de doutoramento.
