Avo (moeda)

Avo (moeda) †
仙 -sin- en cantonés
10 avos de macau	10 avos de timor
Ámbito:	Timor portugués. Macau portugués. Macau.
Fracción:
Moedas:	Timor: 10, 20 e 50 avos. Macau: 5, 10, 20 e 50 avos.
Billetes:	Timor: 5, 10, 20 e 50 avos. Macau: 1, 2, 5, 10, 20 e 50 avos.
Emisor:	Banco Nacional Ultramarino.

O avo (do sufixo portugués: avo) é a moeda divisionaria da pataca macaense, como unidade monetaria de Macau, e, ata 1959, tamén o foi da pataca timorense, unidade monetaria do Timor portugués. En ambos os sistemas, 100 avos corresponden a unha pataca.

En Macau

Artigo principal: Pataca macaense.

Moedas

Selo macaense co valor en avos

Ata 1952 non se cuñaron moedas específicas para Macau. Para suplir esta necesidade circulaban moedas de 20 centavos da rexión chinesa de Cantón. En 1952 introducíronse as primeiras moedas de bronce de 5 e 10 avos, así como as de 50 avos de cuproníquel, xunto con outras expresadas na unidade principal (a pataca).

O latón substituíu o bronce nas moedas expresadas en avos da seguinte emisión, en 1967. En 1982 introduciuse unha nova serie de moeda divisionaria en latón con valores de 10, 20 e 50 avos. En 1993 as moedas de 20 avos cuñáronse de forma dodecagonal.

Imaxe	Valor facial	Datas	Aliaxe	Peso	Diámetro
	5 avos	1952	Bronce	2,00 g	16,90 mm
		1967	Níquel-latón	2,60 g	17,00 mm
	10 avos	1952	Bronce	4,02 g	20,30 mm
		1967 a 1976	Níquel-latón	3,90 g	22,00 mm
		1982 a 1988	Latón	3,30 g	19,10 mm
		1993 a 2010	Latón	1,38 g	17 mm
	20 avos	1982 a 1985	Latón	5,70 g	21,1 mm
		1993 a 1998	Latón	2,80 g	20 mm
	50 avos	1952	Cuproníquel	3,60 g	20 mm
		1972 1973	Cuproníquel	5,80 g	23 mm
		1978	Cuproníquel	5,90 g	23 mm
		1982 a 1985	Latón	2,75 g	23 mm
		1993	Bronce aluminio	4,59 g	23 mm

Billetes

O Banco Nacional Ultramarino emitiu en febreiro de 1920 os primeiros billetes de 5, 10 e 50 avos, que complementaban as primeiras series emitidas desde 1905 con valores expresados en patacas. En 1942 sumáronselle á serie os valores de 1 e 20 avos. En 1946 levouse a cabo unha terceira emisión de billetes divisionarios, con valores de 5, 10, 20 e 50 avos, e en 1956 proxectouse unha derradeira emisión, cos valores desde 1 a 20 avos (incluíndo o novo de 2 avos), da que se chegaron a imprimir en Londres algúns exemplares de proba, aínda que non chegaron a pórse en circulación.

Valor nominal	Datas	Cor	Medidas	Tipo de emisión	Impresor
1 avo	1942	Marrón agrisado	47x42	.	Hong Kong Printing Press.
	1952		69x42	Proba non posta en circulación.	Londres.
2 avos	1952	Púrpura	80x45	Proba non posta en circulación.	Londres.
5 avos	1920	Marrón	84x46		Hong Kong Printing Press.
	1942	Marrón	84x46		Hong Kong Printing Press.
	1946	Marrón-verde	85x50		Hong Kong Printing Press.
	1952	Marrón	90x50	Proba non posta en circulación.	Londres.
10 avos	1920	Verde	98x64		Hong Kong Printing Press.
	1942	Azul	100x55		Hong Kong Printing Press.
	1946	Vermello-Azul	98x56		Hong Kong Printing Press.
	1952	Verde	100x55	Proba non posta en circulación.	Londres.
20 avos	1942	Marrón	104x60		Hong Kong Printing Press.
	1946	Violeta-vermello	110x58		Hong Kong Printing Press.
	1952	Oliva	110x60	Proba non posta en circulación.	Londres.
50 avos	1920	Negro-laranxa	122x66		Hong Kong Printing Press.
	1942	Púrpura	123x66		Hong Kong Printing Press.
	1946	Azul/violeta	118x60		Hong Kong Printing Press.

En Timor

Artigo principal: Pataca timorense.

Moedas

Selo timorense co valor en avos

En 1945, o Banco Nacional Ultramarino comezou a emitir unha serie de moedas de 10 avos, 20 avos e 50 avos. As súas características metrolóxicas correspondíanse coas das portuguesas de 20 centavos e de 1 e 2½ escudos. Estas emisións detivéronse en 1951.

Imaxe	Valor facial	Datas	Aliaxe	Peso	Diámetro
	10 avos	1945 1958 1951	Bronce	3,00 g	20,00 mm
	20 avos	1945	Alpaca	8,00 g	26,80 mm
	50 avos	1945 1948 1951	Prata	3,5 g	20,00 mm

Billetes

En 1940 introducíronse en Timor billetes fraccionarios de 5, 10 e 50 avos. Algúns destes billetes eran simples reestampaxes sobre billetes de avos macaenses.

Valor nominal	Datas	Cor	Medidas	Tipo de emisión	Impresor
5 avos	1940	Marrón	85x47	Sobreimpresión PAGÁVEL EM TIMOR sobre billete de Macau (s/d).	Hong Kong Printing Press.
5 avos	1940	Vermello	90x55	Emisión específica.	Bradbury, Wilkinson &. Cº Ltd, London.
10 avos	1940	Verde	100x55	Sobreimpresión PAGÁVEL EM TIMOR sobre billete de Macau (s/d).	Hong Kong Printing Press.
10 avos	1940	Verde	105x60	Emisión específica.	Bradbury, Wilkinson &. Cº Ltd, London.
50 avos	1940	Marrón	124x65	Sobreimpresión PAGÁVEL EM TIMOR sobre billete de Macau (s/d).	Kong Printing Press.
50 avos	1940	Púrpura	120x65	Emisión específica.	Baldbury, Wilkinson &. Cº Ltd, London.

Véxase tamén

Outros artigos

• Economía de Timor Leste
• Economía de Macau

Bibliografía

• Correia de Campos, J. A. (1932). A Resolucão do Problema Monetario de Timor. Sociedade Nacional de Tipografia. Lisboa.
• Ferraro Vaz, J. (1964). Moeda de Timor. Banco Nacional Ultramarino. Lisboa.
• Cuhaj G.; Michael T.; Miller H. (2011). Standard Catalog of World Coins 1901-2000. 39 ed. Krause Publications. ISBN 978-1-4402-1172-8
• Pick, A. (1994). Standard Catalog of World Paper Money: General Issues (7th ed.). Krause Publications. ISBN 0-87341-207-9
• Pick, A. (1990). Standard Catalog of World Paper Money: Specialized Issues (6th ed.). Krause Publications. ISBN 0-87341-149-8
• Sáez Salgado J. (1997). O Papel Moeda das antigas Colónias Portuguesas Arquivado 27 de maio de 2020 en Wayback Machine.. Lisboa. Fundação Dr. António Cupertino de Miranda. ISBN 972-96694-3-0

Ligazóns externas

• Catálogo dos billetes de Timor