Krause Publications

Na Galipedia, a Wikipedia en galego.
Saltar ata a navegación Saltar á procura
Krause Publications
TipoEditorial
Fundación1952
LocalizaciónStevens Point.
Flag of Wisconsin.svg Wisconsin
Estados Unidos de América Estados Unidos
FundadorChester L. Krause
IndustriaCultural
ProdutosLibros e revistas.
editar datos en Wikidata ]

Krause Publications é unha compañía editora estadounidense especializada na publicación de libros e revistas sobre hobbies e coleccionismo.

Desde abril de 2018 ten a súa sede en Stevens Point, Wisconsin.[1]

Historia[editar | editar a fonte]

A compañía foi fundada orixinariamente en Iola, Wisconsin, por Chester L. Krause (1923-2016), logo da publicación en outubro de 1952 do primeiro número da revista de actualidade numismática Numismatic News.[2][3]

Na comunidade internacional de coleccionistas de moedas, a editorial é moi coñecida polo seu Standard Catalog of World Coins, unha serie de catálogos de moedas de todo o mundo con informacións, prezos, graos de rareza, fotografías e unha numeración estandarizada de cada modelo (numeración Krause-Mishler –KM–, chamada así polos apelidos do editor e do antigo empregado Clifford Mishler), recoñecida internacionalmente.[4] A primeira edición desta serie publicouse en 1972.[5]

Krause Publications estableceu tamén o Premio Moeda do Ano (Coin of the Year Award) á excelencia no deseño, outorgado por primeira vez en 1984.[6]

Os coleccionistas de billetes válense do catálogo de billetes do mundo Standard Catalog of World Paper Money, publicado desde 1975 e redactado por Albert Pick. Do mesmo xeito que no caso das moedas, o sistema de numeración Pick utilízase internacionalmente para a numeración dos billetes.[7]

En 1997, Krause adquiriu os títulos que publicaba a editora Chilton Company, de Boston, agás os manuais de automoción.[8] En xuño de 2002, Krause foi adquirida por F+W (daquela chamada F&W Publications), que mantivo a marca Krause Publications.[9] Naquel momento, Krause Publications editaba 46 publicacións periódicas e levaba case 750 libros impresos.[10]

En xuño de 2019 vendéronse en poxas concursais os activos de F+W, e os títulos e a propia marca Krause Publications foron adquiridos por Penguin Random House,[11] en tanto que as revistas quedaron dispersas entre varios propietarios.[12] Por exemplo, a revista Numismatic News foi comprada polo grupo Active Interest Media.[13]

Notas[editar | editar a fonte]

  1. Harper, D. (2018). "Give this desk one last going over". En Numismatic News. Marzo. F+W.
  2. Hagerty, J. R. (2016). "Chester Krause Built a Big Hobby Magazine Publisher in a Tiny Wisconsin Town". En Wall Street Journal. ISSN 0099-9660
  3. "Chester L. Krause. Obituary". Voie Funeral Home.
  4. McMorrow-Hernandez, J. (2016). "The Coin Analyst: 2016: Year in Review". En CoinWeek. Decembro: Krause and his longtime colleague Clifford Mishler instituted the use of the now widely used Krause-Mishler numbers, shorthanded as KM numbers, to standardize the cataloging of coin issues
  5. "Krause Publications: A brief history". Krause Publications.
  6. Scarinci, D. (2015). "Introduction". En Coin of the Year: Celebrating Three Decades of the Best in Coin Design and Craftsmanship. Krause Publications. ISBN 978-1-4402-4476-6
  7. Kampmann, U. (2015). "Albert Pick (1922-2015)". En CoinsWeekly. 10 de decembro.
  8. "Krause Publications, Inc. History". Funding Universe.
  9. "Krause Publications sold for $120 milion". ICv2.com. 27 de xuño de 2002.
  10. "Krause Publications: An Overview". Krause Publications.
  11. Milliot, J.; Maher, J. (2019). "PRH Acquires F+W Book Group Assets At Auction". En Publishers Weekly. 7 de xuño.
  12. Dool, G.(2019). "F+W Media Reveals Winning Bidders at Bankruptcy Auction". En Folio. 17 de xuño.
  13. "Active Interest Media Acquires Four F+W Groups Including Numismatics". En Numismatic News. F+W. 19 de xullo de 2019.

Véxase tamén[editar | editar a fonte]

Outros artigos[editar | editar a fonte]