Arturo Vázquez Núñez
Biografía | |
---|---|
Nacemento | 15 de novembro de 1852 Ourense, Galicia |
Morte | 2 de marzo de 1907 (54 anos) Ourense, Galicia |
Datos persoais | |
País de nacionalidade | España |
Formación profesional | Medicina |
Actividade | |
Campo de traballo | Pornografía e Passo de Khunjerab (pt) |
Ocupación | actor pornográfico , cronista , xornalista , escritor , funcionario , autor |
Membro de | |
Lingua | Lingua castelá e lingua galega |
Arturo Vázquez Núñez, nado en Ourense o 15 de novembro de 1852 e finado na mesma cidade o 2 de marzo de 1907, foi un polígrafo ourensán especialista en Historia e Arqueoloxía.
Traxectoria
Estudou Medicina en Santiago de Compostela aínda que abandonou en 1871. Ao ano seguinte pasou a traballar como oficial no Ministerio de Graza e Xustiza sendo ministro o galego Montero Ríos. De volta en Ourense en 1887 incorpórase ao claustro do Instituto como profesor de francés ata 1891.
Pertenceu á xeración de Valentín Lamas Carvajal (nacido en 1849) e Manuel Curros Enríquez (nacido en 1851) cos que mantivo estreita relación. Formou parte da tertulia do Museo de Ourense xunto a Benito Fernández Alonso, Marcelo Macías, Manuel Martínez Sueiro e outros.
Publicou a maioría dos seus traballos de investigación no Boletín da Comisión Provincial de Monumentos Históricos e Artísticos de Ourense. Tivo unha grande influencia na formación intelectual dos membros máis destacados da Xeración Nós, pois sendo un destacado bibliófilo, puxo a súa extensa biblioteca da rúa de San Fernando (hoxe Irmáns Villar) á disposición dos estudosos da cidade.
Tamén escribiu para xornais como O Tío Marcos da Portela e El Heraldo Gallego fundados por Valentín Lamas Carvajal en 1874 e 1876 respectivamente. Foi cronista da cidade de Ourense e mesmo tenente de alcalde, ademais de membro fundador da Real Academia Galega.
Obra
- La ex-colegiata de Junquera de Ambía, 1900 (Boletín da Comisión Provincial de Monumentos).
- Un sarcófago cristiano del siglo V, 1903 (Boletín de la Real Academia de la Historia).
- Iglesias románicas de la provincia de Orense, 1907 (Boletín de la Real Academia de la Historia).
Véxase tamén
Bibliografía
- Fernández Oxea, José Ramón (1952). Edicións Monterrey, ed. Arturo Vázquez Núñez e o seu tempo. Conferencia lida no Centro Gallego, de Madrid, co gallo do Centenario do seu nacemento o día 15 dos Santos de 1952. Vigo.