Artūras Karnišovas

Artūras Karnišovas
	Chicago Bulls
Posición	Ala
Cargo	Vicepresidente executivo
Información persoal
Nacemento	27 de abril de 1971 (52 anos); Klaipėda, Unión Soviética
Nacionalidade	Lituania
Altura	2,04 m (6 ft 8 in)
Peso oficial	103 kg (227 lb)
Información da carreira
Universidade	Seton Hall (1990–1994)
Carreira	1987−2002
Historial de equipos
	Statyba Vilnius (1989–1990); Pitch Cholet (1994–1995); Barcelona Banca Catalana (1995–1997); Olympicos (1997–1998); Fortitudo Bologna (1998–2000); Barcelona Banca Catalana (2000–2002)
Premios e galardóns
	3× Liga ACB (1996, 1997, 2001); 1× Lega Basket Serie A (2000); 1× Copa do Rei (2001)

Artūras Karnišovas, nado o 27 de abril de 1971 en Klaipėda, Unión Soviética (agora Lituania) é un ex xogador profesional de baloncesto lituano. Cunha altura de 2,04 metros xogaba na posición de ala. Destacaba polo seu excelente tiro exterior. Actualmente é vicepresidente executivo de operacións baloncestísticas dos Chicago Bulls da National Basketball Association (NBA).

Traxectoria[editar | editar a fonte]

Conseguiu os seus maiores éxitos deportivos coa Selección lituana de baloncesto, coa que conquistou dúas medallas de bronce nos Xogos Olímpicos de Barcelona 1992 e Atlanta 1996, e a medalla de prata no Eurobasket de 1995.

A nivel de clubs os seus maiores éxitos cultivounos no FC Barcelona, co que gañou tres ligas ACB e unha Copa do Rei, aínda que quedou dúas veces ás portas de gañar a Euroliga xa que disputou dúas veces a final, en 1996 e 1997, perdéndoa en ambas as ocasións. Entre 1998 e 2000 xogou dúas tempadas no Fortitudo Bologna, co que gañou unha liga de baloncesto de Italia e unha Supercopa. Antes de retirarse volveu xogar dúas tempadas máis no FC Barcelona.