Anthony Johnson

Anthony Johnson
	Axente Libre
Posición	Base
Liga	NBA
Información persoal
Nacemento	2 de outubro de 1974 (50 anos); Charleston, Carolina do Sur
Nacionalidade	Estados Unidos
Altura	1,91 m (6 ft 3 in)
Peso oficial	91 kg (200 lb)
Información da carreira
Instituto	Stall, Charleston
Universidade	College of Charleston
NBA Draft	1997 / Rolda: 2 / Elección: 40; Por Sacramento Kings
Carreira	dende 1997
Historial de equipos
	Sacramento Kings (1997–1998); Atlanta Hawks (1998–2000); Orlando Magic (2000); Atlanta Hawks (2000–2001); Cleveland Cavaliers (2001); New Jersey Nets (2001–2003); Indiana Pacers (2003–2006); Dallas Mavericks (2006–2007); Atlanta Hawks (2007–2008); Sacramento Kings (2008); Orlando Magic (2008-2010)
	Información en nba.com

Anthony Mark Johnson, nado o 2 de outubro de 1974 en Charleston, Carolina do Sur, é un xogador profesional estadounidense actualmente sen equipo, sendo o último no que xogou os Orlando Magic da National Basketball Association (NBA). Cunha altura de 1,91 xoga na posición de base.

Traxectoria

Universidade

Tras liderar ao Instituto Stall de Carolina do Sur ao campionato AA de fútbol americano, Johnson recibiu unha bolsa de baloncesto do College of Charleston, onde o seu irmán máis vello Steven sobresaíu anos antes. No seu ano sénior, foi nomeado xogador do ano na súa conferencia e liderou a Charleston ao torneo da NCAA.

NBA

Johnson foi o primeiro xogador de College of Charleston en ser elixido no Draft da NBA, seleccionado polos Sacramento Kings na 40ª posición da segunda rolda en 1997. Na súa primeira tempada na liga fixo unha media 7.5 puntos en 62 encontros. Nas seguintes campañas xogaría nos Atlanta Hawks, Orlando Magic, Cleveland Cavaliers e New Jersey Nets, sen pasar de ser un xogador das profundidades do banco ou incluso temporal. Na 2003-04 fichou polos Indiana Pacers, onde a súa traxectoria rexurdiu, cunha media de 22 minutos de xogo e 6.5 puntos por partido. Pasou dúas tempadas máis en Indiana, onde acadou máis de 27 minutos e 9 puntos de media.

Nos playoffs de 2006, Johnson realizou o mellor partido da súa traxectoria anotando 40 puntos ante os New Jersey Nets no sexto encontro da primeira rolda.

En verán de 2006, foi traspasado aos Dallas Mavericks a cambio do base Darrell Armstrong, e os aleiros Josh Powell e Rawle Marshall. Durou pouco no equipo, xa que o 22 de febreiro de 2007 enviárono aos Atlanta Hawks por unha elección de segunda rolda do draft, cumprindo a súa terceira etapa nos Hawks da súa traxectoria.

O 16 de febreiro de 2008 foi traspasado aos Sacramento Kings xunto con Shelden Williams, Tyronn Lue, Lorenzen Wright e unha segunda rolda do draft de 2008 a cambio do base Mike Bibby. Tras xogar ata final da tempada nos Kings, Johnson fichou por Orlando Magic por dúas tempadas.

Véxase tamén

Ligazóns externas

Ficha en NBA.com de Anthony Johnson (en inglés)
Estatísticas de Anthony Johnson Arquivado 22 de maio de 2010 en Wayback Machine. (en inglés)