Antón Sobral
| Antón Sobral | |
|---|---|
 | |
| Nacemento | 4 de abril de 1952 |
| Marín | |
| Nacionalidade | España |
| Eido | Pintura |
| [ editar datos en Wikidata ] | |
Antón Sobral Iglesias, nado en Marín o 4 de abril de 1952, é un profesor, escritor e pintor galego.
Traxectoria[editar | editar a fonte]
Fixo o Bacharelato nos Paúles de Marín, estudou tres anos na facultade de Matemáticas e logo licenciouse en Historia da Arte na Universidade de Santiago de Compostela.
Empezou o traballo docente nos Paúles en Marín, despois pasou polos pontevedreses Valle Inclán, Sánchez Cantón, Xunqueira II, Xunqueira I e por Ortigueira. Tamén exerceu a docencia uns 20 anos na Escola de Restauración pontevedresa ata a súa xubilación en 2012 [1].
Empezou a expoñer moi novo, en 1968 en Santiago de Compostela. A súa pintura xa leva percorridas a maioría das cidades de Galicia e tamén se deu a coñecer en Madrid, Francia, Alemaña, Cuba, Italia, Austria e Nova York. En total son máis de duascentas exposicións [2].
Ademais de pintar tamén escribe poesía, fai fotografía, vídeo etc.
O mar é o meu gran tema, eu disfruto moito pintando o mar, o mar me dá moita calma... eu aconsello moito á xente que pasee ao lado do mar e despois tamén me interesa moito a liña do horizonte, o horizonte no mar é fundamental porque diferencia o ceo da terra... Creo que non hai unha fronteira entre a pintura e a poesía, entre a poesía e o teatro, non hai fronteiras, hai unha disolución dos xéneros... crear a partir dunha verba, crear a partir dunha paisaxe que ves pero a interpretas dunha forma distinta[3]... A arte e a vida é a mesma cousa e dentro da vida a mar me dá, me produce tranquilidade, paz interior, acougo, e eu quero transmitir esa sensación ao espectador[4].
En 2017 expuxo no Espazo de Arte Roberto Verino: "Polas teas/Terras de Verin(o)":
O autor recoñece que coa súa obra artística, pintura, fotografía, escrita e instalación tenta rexistrar “o espírito da miña época”. Foxe da representación panfletaria, mais “non do compromiso”. Realiza unha aposta polas formas, as innovación técnicas acordes co século XXI. “Compromiso coa sociedade e sobre todo no campo da cultura en todas as súas dimensións”. O artista decántase por “un labor de resistencia na loita pola miña cultura galega, ininterrompidamente, desde hai corenta anos”. Sen deixar de visitar a cultura universal, o que sucede no mundo. “As inxustizas, as desigualdades, a pobreza, a fame, os refuxiados, as guerras fraticidas onde só morren os humildes”, apunta[5].
Coordinou varios anos o Festival de Poesía Pontepoética xunto a Yolanda Castaño.
En 2016 foi finalista nos premios Cidade de Pontevedra [6].
No outono de 2018 xunto a Carmen Hermo expuxo no Pazo da Cultura de Pontevedra: Na beira do río. Diálogos na pintura, unha reflexión sobre a paisaxe e a natureza[7]. En 2018 tamén viu a luz o seu libro de poemas Baila comigo ata a fin do amor, con textos e debuxos do autor.[8]
Publicacións[editar | editar a fonte]
Poesía
Baila comigo ata a fin do amor. Caderno de notas, 2006 (2018), Loaira
Publicacións de exposicións e proxectos nos que participou [9]:
- Transformaciones; pintura española de los ochenta; Mª Teresa Blanch (et al.) (1983), Pontevedra, Deputación de Pontevedra. Coordinación J. A. Castro e A. Sobral
- Encontros no espacio: escultores galegos dos oitenta, Pontevedra (1984), Pontevedra, Dirección Xeral de Cultura
- Antón Sobral (1993), Santiago de Compostela, Xunta de Galicia, ISBN 84-453-1895-0
- O silencio da mar (1993), Pontevedra, Ateneo Santa Cecilia. Marín, do 2 ó 9 de novembro de 1993, Ateneo Santa Cecilia
- A paisaxe núa; Antón Sobral (1998), Pontevedra, Deputación Provincial de Pontevedra. Texto: Ana Romaní. Conxunto Histórico Soutomaior, do 18 ao 30 de Nadal de 1998.
- Angazo; Akademie der Bildenden Künste München, Mai (1998), Vigo. Textos: Antón Sobral
- Renate Moran: pintura (1999), Pontevedra, R. Morán. Textos: Antón Sobral.
- Marea negra (2000), Santiago de Compostela, Galería José Lorenzo. Antón Sobral: pintura; Olga Novo: poesía. Do 3 ao 21 de marzo de 2000, Galería José Lorenzo
- Miguel Pereira, Antón Sobral, Enrique Velasco; oktober-november, 2000, Produzentengalerie Passau (2000), Passau, Produzentengalerie Passau
- Venecia, o vicio da beleza (2000), Pontevedra, Caixa Pontevedra. Antón Sobral: pintura; Yolanda Castaño: poesía. Do 20 ao 31 de xaneiro de 2000, Sala de Arte Caixa de Pontevedra
- Antón Sobral; pintura (2002), Madrid, Casa de Galicia en Madrid. Do 26 de novembro ao 16 de decembro de 2002
- Caderno de bitácora dun mariñeiro sentimental, Antón Sobral (2004), Pontevedra, Deputación Provincial de Pontevedra. Conxunto Histórico Soutomaior, do 30 de xullo ao 13 de agosto de 2004
- Realidades: Andrés Santeiro (2004), Vigo, Club Financeiro Vigo. Textos: Antón Castro, Antón Sobral. Do 8 ao 22 de novembro de 2004, Vigo
- Océano Sobral (2006), Vigo, Fundación Social Caixanova. Texto-fotos: Antón Sobral. Do 8 ao 26 de novembro de 2006, sala de exposicións I Centro Social Caixanova, Vigo
- Irmandiños no Castelo: Otto, Jorge Valenciano, Olga Guimeráns (2007), Pontevedra, Deputación de Pontevedra. Textos: Antón Sobral, María Xosé I. Seaje, Jorge Valenciano. Conxunto Histórico Soutomaior, xullo 2007
- Ausencias (2008), Madrid, Casa de Galicia en Madrid. Textos: Antón Sobral. Do 2 a0 30 de decembro de 2008, Casa de Galicia Madrid; Raquel Blanco.
- Antón Sobral (2010); Pontevedra, Deputación de Pontevedra, ISBN 978-84-8457-332-6. Textos, Rosa Aneiros ... et al.
- En el fin del camino: Detlef Kappeler (2010), Vigo, D. Kappeler, ISBN 978-84-614-0955-6. Textos: X. Antón Castro, Antón Sobral. Comisario, X. Antón Castro. Sala de exposicións I do Centro Social Caixanova de Vigo
- Antón Sobral (2013), Pontevedra, Deputación de Pontevedra. Museo M. Torres
- Nova York, Milan, Viena, Pontevedra: Carmen Hermo, Enrique Velasco, Miguel Pereira, Antón Sobral (2013), Pontevedra, Pazo da Cultura. Textos, Antón Sobral ... et al. Pazo da Cultura de Pontevedra, 18.04.2013/02.06.2013
- Caderno de mar; Antón Sobral, Xaime Toxo (2014), Pontevedra, Deputación de Pontevedra
- Bitácora dun mariñeiro sentimental; Antón Sobral (2015) Ourense, Centro Cultural Marcos Valcárcel. Texto: Xaime Toxo. Centro Cultural Marcos Valcárcel, do 26 de febreiro ao 5 de abril de 2015
- En (re)torno á paisaxe: doce olladas contemporáneas sobre o(s) territorio(s): Carla Andrade, Vari Caramés, Fernando Casás ... et al. (2015), Pontevedra, Museo de Pontevedra. Textos: Paula Cabaleiro Comesaña, Federico López Silvestre, Antón Sobral. Comisaria Paula Cabaleiro Comesaña. Museo de Pontevedra, do xullo ó 30 de agosto de 2015
- Senso sublime: Serxio Portela (2015), Pontevedra, Museo de Pontevedra, ISBN 978-84-95632-75-3. Textos: Patricia Trigo Díaz ... et al. Comisarios, Patricia Trigo Díaz e Antón Sobral Iglesias. Museo de Pontevedra, do 23 de setembro ao 15 de novembro de 2015
Outras publicacións:
- Manuel Torres (1982), Escola Aberta, ISBN 84-85986-01-6 .Textos Xosé Antón Castro e Antón Sobral. Fotografía Roberto Quintero. Arte Galicia; Serie: Pintores
- Torres; X. Antón Castro, Paloma Cabello, Antón Sobral (1991), Pontevedra, Caixa de Pontevedra. Grandes mestres da pintura galega. Cadernos didácticos, 1
- O trazo aberto; poesías e debuxos (2002), Pontevedra, Deputación de Pontevedra, ISBN 84-8457-132-7. Coordinación, Antón Sobral
Notas[editar | editar a fonte]
- ↑ "A partir de los 50 hay que decir la verdad y, sobre todo, hacer lo que te guste". farodevigo.es. Consultado o 07/12/2017.
- ↑ "Sobral Iglesias, Anton". afundacion.es. Consultado o 07/12/2017.
- ↑ "Entrevista a Antón Sobral". Consultado o 10/12/2017.
- ↑ "Antón Sobral. CC Marcos Valcárcel". Consultado o 10/12/2017.
- ↑ "Antón Sobral muestra su obra en el espacio de Roberto Verino". farodevigo.es. Consultado o 07/12/2017.
- ↑ "Antón Sobral, Verísimo Pazos, o Colexio de Avogados e Solidaridad Internacional optan ao Cidade de Pontevedra". Consultado o 08/12/2017.
- ↑ "Diálogo pictórico entre los artistas Sobral y Hermo". La Voz de Galicia. Consultado o 16/10/18.
- ↑ Sobral, Antón (2018). Baila comigo ata a fin do amor. Caderno de notas, 2006. Loaira.
- ↑ "Antón Sobral (1952)". bne.es. Consultado o 07/12/2017.
