Andrej Babiš

Na Galipedia, a Wikipedia en galego.
Saltar ata a navegación Saltar á procura
Andrej Babiš
Andrej Babis.jpg
Nacemento2 de setembro de 1954
 Bratislava
NacionalidadeChecoslovaquia, República Checa e Eslovaquia
EtniaPobo eslovaco
Alma máterUniversity of Economics in Bratislava
Ocupaciónempresario, político e economista
CónxuxeMonika Babišová e Beata Adamovičová
FillosAndrej Babiš jr e Adriana Bobeková
IrmánsAlexander Babiš
Andrej Babiš - signature.png
editar datos en Wikidata ]

Andrej Babiš, nado en Bratislava o 2 de setembro de 1954, é un empresario e político checo de orixe eslovaca. Está considerado o segundo home máis rico da República Checa. É o fundador e propietario do grupo Agrofert, ten o control dos dous principais xornais do país ademais de diversas radios e televisión. En 2011, entrou na escena política checa co seu novo partido ANO. De 2014 a 2017 asumiu o cargo de Viceprimeiro ministro e ministro de Finanzas da República Checa nun goberno de coalición. O 21 outubro de 2017 o seu partido foi o máis votado co 29,6 % dos votos nas eleccións xerais o que lle permitiu optar ao posto de Primeiro Ministro, cargo que ocupa dende o 6 de decembro de 2017.

Traxectoria[editar | editar a fonte]

Primeiros anos e formación[editar | editar a fonte]

Naceu en Bratislava. O seu pai, Štefán Babiš, era un diplomático e executivo dunha empresa do réxime comunista checoslovaco para a exportación e importación de produtos agrarios. Membro do Partido Comunista de Checoslovaquia, representou a Checoslovaquia durante as negociacións co GATT en Xenebra e como consultor na ONU.[1][2] Grazas á situación do seu pai, Andrej pasou parte da súa infancia entre Francia e Suíza. Máis tarde, estudou nun gymnasium en Bratislava e seguindo o mesmo camiño do seu pai formouse en ciencias económicas na Universidade de Ciencias Económicas, onde estudou comercio internacional.[3] Ingresou axiña na Empresa de Comercio Exterior e en 1980 no Partido Comunista de Checoslovaquia.[3] Como delegado da empresa pública exterior estivo destinado en Marrocos de 1985 a 1991.

Traxectoria política[editar | editar a fonte]

En 2011, entrou na escena política checa fundando a iniciativa Acción dos Cidadáns Insatisfeitos, xerme do seu novo partido ANO 2011 (en checo: Akce Nespokojených Občanů 2011, é dicir, Acción de Cidadáns Insatisfeitos 2011, significando "ano" en checo "si"). En 2013, o partido presentouse como unha formación de centro e nas eleccións xerais foi a segunda máis votada con 47 deputados recollendo o desencanto da poboación decepcionada pola xestión do goberno durante a crise económica.[3] O seu partido formou parte dun goberno de coalición co Partido Socialdemócrata e os democratacristiáns e Babiš asumiu en xaneiro de 2014 o posto de Viceprimeiro ministro e Ministro de Finanzas.

En febreiro de 2017 promulgouse a chamada Lex Babiš, unha lei de incompatibilidades que lle impediu compaxinar a súa posición como ministro de Finanzas coa dirección das súas empresas, polo que a súa fortuna áchase nun fondo fiducidario e formalmente xa non esta á fronte de Agrofert.

Foi despedido do goberno en maio de 2017, a petición do Primeiro Ministro Bohuslav Sobotka, despois de moitas controversias sobre el. En particular, acúsaselle de realizar transaccións financeiras dubidosas, fraude fiscal e de estar nunha situación de conflito de interese en varias ocasións.[4]

O 2 de maio de 2017, o Primeiro Ministro Bohuslav Sobotka, presentou a súa dimisión e a do seu Goberno tras varios meses, nos que o propio Babiš foi acusado de fraude fiscal.

En outubro de 2017 concorreu ás eleccións xerais celebradas o 21 de outubro á fronte do partido que preside, ANO converténdose no partido máis votado co 29,64 % dos votos, 11 puntos máis ca en 2013.[5] Por detrás veñen tres partidos con moi pouca diferenza de votos, o ODS Partido Democrático Cívico (dereita, euroescéptico) con 11,3%, o Partido Pirata, con 10,7% fronte ao 2,6 de 2013 e a partido Liberdade e Democracia Directa (Svoboda a přímá demokracie - Tomio Okamura, SPD) (do checo-xaponés Tomio Okamura (extrema dereita), con 10,64%. O partido comunista KSCM logrou o 7,76 % fronte ao 14,9% catro anos atrás. O partido socialdemócrata checo, CSSD do xefe de goberno saínte, Bohuslav Sobotka, rexistrou unha brutal caída pasando do 20,4 de 2013 a 7,2% en 2017.[6][7][8]

Notas[editar | editar a fonte]

  1. "E15.cz: Miliardář Babiš koupil Ringier za čtyři miliardy korun". e15.cz - Finanční noviny (originally ČTK). 24 de junio de 2013. Consultado o 29 de agosto de 2013. 
  2. "Rebríček miliardárov: Babiš je medzi najbohatšími ľuďmi sveta!". Nový čas. 12 de marzo de 2010. Consultado o 29 de agosto de 2013. 
  3. 3,0 3,1 3,2 "ANDREJ BABIŠ, El multimillonario eslovaco que se metió en política". Radio Praga (en castelán). Consultado o 21 de outubro de 2017. 
  4. https://www.lorientlejour.com/article/1053579/fin-de-la-crise-gouvernementale-a-prague-cinq-mois-avant-les-legislatives.html
  5. "Andrej Babis, un millonario bajo sospecha que opta a primer ministro checo". La Vanguardia. Consultado o 21 de outubro de 2017. 
  6. "Andrej Babis gana las elecciones de la República Checa". La Vanguardia. Consultado o 22 de outubro de 2017. 
  7. "Un multimillonario al estilo Trump gana las elecciones en República Checa". EL PAÍS (en castelán). 21 de outubro de 2017. Consultado o 21 de outubro de 2017. 
  8. "TABLE-Czech billionaire's ANO party wins big in election". Reuters. Sat Oct 21 19:35:37 UTC 2017. Consultado o 22 de outubro de 2017.