Amadeo López Bello
| Biografía | |
|---|---|
| Nacemento | 13 de decembro de 1903  Carballeda de Avia, España |
| Morte | 29 de agosto de 1936 (32 anos) Ourille, España |
| Causa da morte | paseo, ferida por arma de fogo |
| Actividade | |
| Ocupación | mestre, político |
| Membro de | |
| Familia | |
| Irmáns | Heriberto López Bello Carmen López Bello |
 | |
Amadeo López Bello, nado en Carballeda de Avia o 13 de decembro de 1903[1] e finado en Ourille (Verea) o 29 de agosto de 1936, foi un mestre e político galego.
Traxectoria
[editar | editar a fonte]Fillo de Amadeo López Vázquez e da mestra Amparo Bello Carballo. Mestre en Beiro (Carballeda de Avia). Participación en mitins no rural acompañando a Felisindo Álvarez Xesteira en diferentes intervencións en parroquias do Carballiño. Pertenceu a Asociación de Trabajadores de la Enseñanza de Orense e foi redactor de Escuela de Trabajo. Tamén colaborou na revista Nós onde publicou dúas lendas recollidas por el. En 1933 asistiu a un Congreso internacional contra a guerra e pola paz en Santander. Foi detido en Ourense con motivo da folga xeral revolucionaria de 1934 acusado de presidir un comité comunista.[2]
Co golpe de Estado do 18 de xullo de 1936 foi cesado e destituído como mestre a principios de agosto por ser un dos dirixentes da ATEO.[3] Foi detido e paseado con Julio González Álvarez, Silvio Torres Díaz e Eloy Romero Luis en Poza das Ras, na parroquia de Ourille (Verea) o 29 de agosto de 1936.
A súa biografía serviu de inspiración para o personaxe "Pinguiña" do libro A taberna do Galo de Celso Emilio Ferreiro.
Notas
[editar | editar a fonte]- ↑ Primer escalafón de maestros de escuelas nacionales existentes en 31 de diciembre de 1933. Madrid: Ministerio de Instrucción Pública y Bellas Artes. 1934. p. 54.
- ↑ "Detención de un comité comunista" ABC, 24/10/1934.
- ↑ El Pueblo Gallego, 4-8-1936, p. 7.
