Felisindo Álvarez Xesteira
| Felisindo Álvarez Xesteira | |
|---|---|
 | |
| Nacemento | 1899 |
| Lugar de nacemento | O Carballiño |
| Falecemento | 1989 |
| Nacionalidade | España |
| Ocupación | político e avogado |
| Pai | Lino Álvarez Álvarez |
| [ editar datos en Wikidata ] | |
Felisindo Álvarez Xesteira, nado no Carballiño en 1899 e finado en 1989, foi un avogado e político galego.
Traxectoria[editar | editar a fonte]
Fillo de Lino Álvarez Álvarez. Na ditadura de Primo de Rivera promoveu o periódico Hermandad en 1928 e fundou un círculo republicano no Carballiño. Militante do Partido Radical Socialista, durante a Segunda República foi alcalde do Carballiño (1931-1934) e deputado provincial. En novembro de 1933, aínda sendo alcalde, pasouse ao Partido Republicano Gallego, integrándose posteriormente en Izquierda Republicana, da que foi elixido vocal do Comité Nacional en abril de 1934. Cesado como alcalde en outubro de 1934, foi reposto en febreiro de 1936, permanecendo no cargo ata o 19 de abril, cando dimitiu para ser presidente da Deputación de Ourense ata o golpe de Estado do 18 de xullo de 1936.
Durante a Guerra civil foi xuíz de Albocácer (Castellón) e Xuíz Especial instrutor do Tribunal Especial de Garda número 1 de Valencia[1]. Despois da guerra foi detido e estivo en prisión. Saíu en liberdade provisional da Prisión Sanatorio de Porta-Coeli (Valencia) en agosto de 1941.[2] Foi promotor do cine Xesteira de Ourense.
| Predecesor: Maximino Prada Pérez |
 Alcalde do Carballiño 1931 - 1934 |
Sucesor: Amancio Paradela Moure |
| Predecesor: Amancio Paradela Moure |
Alcalde do Carballiño 1936 |
Sucesor: Aquilino Sánchez Rodríguez |
| Predecesor: José Rodríguez Bouzo |
 Presidente da deputación de Ourense 1936 |
Sucesor: Manuel Quiroga Macia |
Recoñecementos[editar | editar a fonte]
O Concello do Carballiño concedeulle a insignia de ouro e fíxolle unha homenaxe o 30 de agosto de 1987.[3]
Vida persoal[editar | editar a fonte]
Casou no Carballiño con Rosa Valeiras en febreiro de 1927.[4]
Notas[editar | editar a fonte]
- ↑ Gaceta de la República
- ↑ BOE, 15-8-1941, p. 6269.
- ↑ La Voz de Galicia, 31-8-1987, p. 11.
- ↑ Vida Gallega, 28-2-1927, p. 37.
Véxase tamén[editar | editar a fonte]
Bibliografía[editar | editar a fonte]
- Novelle López, Laura; Prada Rodríguez, Julio (2002). Grupo Marcelo Macías ; Museo Arqueolóxico Provincial de Ourense, ed. "Da axitación republicana á represión franquista. O Carballiño (1930-1942)". Boletín Auriense. XXXII (XXXII): 171–194.
Ligazóns externas[editar | editar a fonte]
Felisindo Álvarez Entrevista, 1 de 2- Felisindo Álvarez Entrevista, 2 de 2
- Os Presidentes da Deputación
