Aeromonas

Na Galipedia, a Wikipedia en galego.
Aeromonas
Aeromonas hydrophila
Aeromonas hydrophila
Clasificación científica
Dominio: Bacteria
Filo: Proteobacteria
Clase: Gammaproteobacteria[1]
Orde: Aeromonadales
Familia: Aeromonadaceae
Xénero: Aeromonas
Stanier 1943
Especies

A. aquariorum
A. allosaccharophila
A. australiensis
A. bestiarum
A. bivalvium
A. caviae
A. diversa
A. encheleia
A. enteropelogenes
A. eucrenophila
A. fluvialis
A. hydrophila
A. jandaei
A. media
A. molluscorum
A. piscicola
A. popoffii
A. punctata
A. rivuli
A. salmonicida
A. sanarellii
A. schubertii
A. sharmana
A. simiae
A. taiwanensis
A. tecta
A. veronii

Aeromonas é un xénero de bacterias gramnegativas anaerobias facultativas con forma de bacilo, que lembra morfoloxicamente a membros da familia Enterobacteriaceae. Describíronse 14 especies de Aeromonas, a maioría das cales foron asociadas con enfermidades humanas. Os patóxenos máis importantes son A. hydrophila, A. caviae, e A. veronii biovar sobria. Tamén producen enfermidades en peixes e outros animais. Estes organismos son ubicuos en augas doces e salobres.

As Aeromonas agrúpanse coa clase gamma das proteobacterias.[1] Antes clasificábase na familia Vibrionaceae, pero os estudos xenéticos recentes fixeron que se crease para elas a familia Aeromonadaceae.[2][3]

As dúas principais enfermidades asociadas con Aeromonas son a gastroenterite e infeccións en feridas, con ou sen bacteremia. A gastroenterite ocorre normalmente en individuos sans despois da inxestión de auga ou alimentos contaminados, mentres que as infeccións en feridas están causadas pola exposición a auga contaminada. As Aeromonas poden causar enfermidades sistémicas oportunistas en pacientes inmunocomprometidos.

Aínda que se identificaron algúns factores de virulencia potenciais, como endotoxinas, hemolisinas, enterotoxinas, factores de adherencia, o seu papel preciso nas doenzas non se coñece.

Características[editar | editar a fonte]

Son bacilos gramnegativos pequenos de 0,3-1,0 x 1,0-3,5 μm, anaerobios facultativos, xeralmente con flaxelación polar (menos A. salmonicida e A. media), dan positivo nas probas da oxidase e catalase, que reducen o nitrato a nitrito e fermentan a D-glicosa como fonte principal de carbono e enerxía. Poden crecer en medios que conteñen o 3% de NaCl, pero non no 6%. Producen exoencimas como: proteases, DNases, RNases, elastases, lecitinases, amilases, xelatinases e lipases, algunhas consideradas factores de virulencia.[4] A maioría son mesófilas (óptimo 28 °C), pero hai algunhas psicrófilas (22-25 °C).[2]

Gastroenterite[editar | editar a fonte]

A enfermidade gastrointestinal por Aeromonas en nenos é xeralmente aguda e máis grave, mentres que en adultos tende a ser unha diarrea crónica. A gastroenterite grave por Aeromonas lembra á shigellose, e preséntase con sangue e leucocitos nas feces. A enfermidade diarreica aguda é autolimitada, e só están indicados coidados de mantemento nos pacientes afectados.[5]

Terapia antimicrobiana[editar | editar a fonte]

As especies de Aeromonas son resistentes ás penicilinas, á maioría das cefalosporinas, e á eritromicina. A ciprofloxacina é activa contra as cepas de Aeromonas en Europa e Norteamérica, pero informouse de resistencias en Asia.

Etimoloxía[editar | editar a fonte]

O nome Aeromonas deriva do grego aer, aeros (ἀήρ, ἀέρος) e de -monas|monas (μονάς / μονάδα) e significa mónada (produtora) de gas.[6] O nome común que se usa para elas é xeralmente aeromónadas.

Notas[editar | editar a fonte]

  1. 1,0 1,1 Martinez-Murcia AJ, Benlloch S, Collins MD (July 1992). "Phylogenetic interrelationships of members of the genera Aeromonas and Plesiomonas as determined by 16S ribosomal DNA sequencing: lack of congruence with results of DNA-DNA hybridizations". Int. J. Syst. Bacteriol. 42 (3): 412–21. PMID 1380289. doi:10.1099/00207713-42-3-412. 
  2. 2,0 2,1 Graciella Castro-Escarpulli, Ma. Guadalupe Aguilera-Arreola, Silvia Giono Cerezo, César Hugo Hernández-Rodríguez, Matilde Rodríguez Chacón, Lara Soler Fañgás, Gerardo Aparicio Ozores, María José Figueras Salvat. El género Aeromonas. ¿Un patógeno importante en México? Microbiología clínica. Enf. Infec. y Micro. 2002: 22(4): 206-216. [1]
  3. Janda, J. M.; Abbott, S. L. (2010). "The Genus Aeromonas: Taxonomy, Pathogenicity, and Infection". Clinical Microbiology Reviews 23 (1): 35–73. doi:10.1128/CMR.00039-09. PMC 2806660. PMID 20065325.
  4. Altwegg M. Aeromonas and Plesiomonas, in: Murray PR, Baron EJ, Pfaller MA, Tenover FC, eds. Manual of Clinical Microbiology. Washington: ASM press. 1999:507-16.
  5. J. Gómez Campdera, P. Muñoz, F. López Prieto, R. Rodríguez Fernández, M. Robles, M. Rodríguez Creixems, E. Bouza Santiago. Servivio de Pediatría do Hospital Gregorio Marañ´çon (Madrid). Gastroenteritis por Aeromonas en Pediatría [2]
  6. Entrada para Aeromonas na LPSN [Euzéby, J.P. (1997). "List of Bacterial Names with Standing in Nomenclature: a folder available on the Internet". Int J Syst Bacteriol 47 (2): 590–2. doi:10.1099/00207713-47-2-590. ISSN 0020-7713. PMID 9103655.

Véxase tamén[editar | editar a fonte]

Bibliografía[editar | editar a fonte]

Ligazóns externas[editar | editar a fonte]