Action Directe
Action Directe (en galego, Acción Directa) foi un grupo armado francés de extrema esquerda que actuou en Francia durante a década de 1980.
Foi fundado en 1977 a partir da unión dos Grupos de Acción Revolucionaria Internacionalista (GARI) e os Noyaux Armés pour l'Autonomie Populaire (NAPAP) (Grupos armados para a autonomía popular), co fin de lograr a «coordinación político-militar do movemento autónomo». En 1979 transformouse nunha organización de guerrilla urbana e executou ataques en nome do antiimperialismo e da defensa do proletariado. O grupo foi prohibido polo goberno francés en agosto de 1982. En 1984 aliouse á Fracción do Exército Vermello alemá, baixo a estratexia da «unión dos revolucionarios de Europa Occidental».
O grupo foi a expresión en Francia dunha corrente autodefinida como marxista que consideraba a acción armada como un medio lexítimo de combater un réxime considerado opresivo. Durante os chamados «anos de chumbo», numerosos grupos retomaron as ideas anarquistas da propaganda polo feito. Entre eles estaban:
- A Fracción do Exército Vermello (ou banda Baader-Meinhof) na República Federal Alemá
- As Brigadas Vermellas (Brigate Rosse) en Italia
- O Exército Vermello Xaponés (ou Nihon Sekigun)
- A Organización Revolucionaria 17 de Novembro (ou N17) en Grecia
- A Weather Underground nos Estados Unidos
- As Cellules Communistes combattantes en Bélxica
Action Directe foi responsábel de máis de 50 ataques, como o asalto con metralladoras ao edificio da Federación de empresarios o 1 de maio de 1979, amais de ataques a edificios gobernamentais e militares, empresas en complexos industrial-militares e mesmo ao estado de Israel. Tamén levaron a cabo roubos ou «expropiacións proletarias» e asasinatos, entre eles o do enxeñeiro René Audran en 1985 e o de Georges Besse, presidente da empresa Renault, en 1986.
O 21 de febreiro de 1987 os principais membros de Action Directe, Jean-Marc Rouillan, Nathalie Ménigon, Joëlle Aubron e Georges Cipriani, foron arrestados e condenados a cadea perpetua. Régis Schleicher fora arrestado xa en 1984. Joëlle Aubron foi liberada en 2004 por motivos de saúde e morreu pouco despois. A Jean-Marc Rouillan concedéuselle a liberdade condicional en 2007. Nathalie Ménigon foi posta en liberdade o 2 de agosto de 2008, afectada dunha doenza coronaria, tras 21 anos no cárcere. O 1 de abril dese ano os xulgados de París acordaron a semi-liberdade para Cipriani.
Posible reactivación da banda[editar | editar a fonte]
En 2009 Julien Coupat e o grupo responsábel da sabotaxe da catenaria de Tarnac foron considerados como «potenciais herdeiros de Action Directe» pola política Michèle Alliot-Marie. A Ministra de Interior confirmou, así, o retorno do terrorismo de «extrema esquerda».[1] Julien Coupat e o seu círculo máis próximo foron acusados de colocaren ganchos para bloquear a circulación do TGV e de escribiren o libro L’insurrection qui vient («A vindeira insurrección»). Ditos feitos non só non foron probados, senón que as e os especialistas tamén consideran que «Julien Coupat non ten relación con Jean-Marc Rouillan» no referido á ideoloxía.[2]
En febreiro de 2011, seis comisarías do departamento de Altos do Sena recibiron unha carta en que manifestaban «a reactivación de Action Directe». A misiva advertía de accións contra a policía na liña de combate de Jean-Marc Rouillan, Nathalie Ménigon et Joëlle Aubron. Con todo, non ficaba claro se se trataba dunha amenaza real. Aínda así, a xustiza tomouna en serio, e mantivo en alerta á sección antiterrorista da brigada criminal de París nas horas posteriores.[3]
Bibliografía[editar | editar a fonte]
Estudos sobre Action Directe[editar | editar a fonte]
- Aurélien Dubuisson, Action directe, les premières années, París, Libertalia, 2018.
- Alain Hamon e Jean-Charles Marchand, Action directe. Du terrorisme français à l'euroterrorisme, Le Seuil 1986
- Roland Jacquard, La longue traque d'Action directe, Albin Michel, 1987
- Michael York Dartnell, Action directe: ultra-left terrorism in France, Londres, 1995
- Loïc Debray, Jean-Pierre Duteuil, Philippe Godard, Henri Lefebvre, Catherine Régulier, Anne Sveva, Jacques Wajnsztejn, Paroles Directes. Légitimité, révolte et révolution: autour d'Action directe, Acratie 1990
- Jean-Pierre Pochon, Les stores rouges, Édition des Équateurs, 2008
- Serge Savoie, La traque d'Action Directe, Nouveau Monde Éditions 2011
- Fanny Bugnon, «"Le sang et les confitures". Les procès d'Action directe dans la presse française». En André Rauch e Myriam Tsikounas (dir.), La justice et les représentations du crime, París, Publications de la Sorbonne, 2012, p. 153-165
- Fanny Bugnon, «La médiatisation. Le cas des femmes d'Action directe». En Coline Cardi e Geneviève Pruvost (dir.), Penser la violence des femmes, París, La Découverte, 2012, p. 361-374
- Fanny Bugnon, Les "amazones de la terreur". Sur la violence politique des femmes, de la Fraction armée rouge à Action directe Arquivado 02 de marzo de 2015 en Wayback Machine., París, Payot, 2015 ISBN 9782228913140.
Literatura[editar | editar a fonte]
- Vanessa Schneider, La Fille de Deauville[4], París, Grasset, 2022, 272 p. A novela céntrase en particular na traxectoria de Joëlle Aubron, membro da banda
Testemuños sobre a traxectoria de Action Directe[editar | editar a fonte]
- Floréal Cuadrado, Comme un chat. Souvenirs turbulents d'un anarchiste, faussaire à ses heures, vers la fin du vingtième siècle, Éditions du Sandre, 2015, ISBN 978-2-35821-105-5
- Collectif éphémère, Retour sur les années de braise. Des groupes autonomes et de l'organisation Action Directe, éditions du CRAS, Toulouse, 2005 https://cras31.info/IMG/pdf/brochure_annees_de_braise_version_texte.pdf
Obras de membros de Action Directe[editar | editar a fonte]
- Action directe, Pour un projet communiste, Docom 1982
- Action directe, Textes de prison, 1992-1997, Jargon libre 1997
- Jean-Marc Rouillan, Nathalie Ménigon, Joëlle Aubron, Régis Schleicher, Le Prolétaire précaire, Acratie 2000
- Jean-Marc Rouillan, Je hais les matins, Denoël 2001
- Jean-Marc Rouillan, Glucksamschlipszig, le roman de gluk, L'esprit frappeur Modelo:Numéro115, 2003, ISBN 978-2-84405-195-0
- Jean-Marc Rouillan, De mémoire (1), Les jours du début: un automne 1970 à Toulouse, Agone, 2007, ISBN 978-2-7489-0069-9
- Régis Schleicher, Clairvaux, instants damnés, L'Éditeur, 2010
- Dix ans d’Action directe. Un témoignage, 1977-1987, éditions Agone, 2018 ISBN 9782748903683
Obra relacionada[editar | editar a fonte]
- Jean-Claude Lutanie, Protestation devant les libertaires du présent et du futur sur les capitulations de 1980, edición descoñecida, 1981, reeditada en 2011 por Éditions Lutanie
Filmografía[editar | editar a fonte]
- A.D. La guerre de l'ombre (Telefilme), 2008.
- La prisonnière du pont aux Dions, Gaël Lépingle, 2005[5]
Documentais emitidos en televisión[editar | editar a fonte]
- Action directe: la révolution à tout prix, de Jean-Charles Deniau, en France 3 - Théophraste, 2001
- «Action directe, l'assassinat de Georges Besse» emitido en France 2 o 6 de febreiro de 2005 no programa Faites entrer l'accusé presentado por Christophe Hondelatte
- Ni vieux, ni traîtres, de Pierre Carles et Georges Minangoy, 2006
- «Action directe, un terrorisme à la française» emitido o 13 de decembro de 2013 no espazo 50 ans de faits divers de 13ème rue e de Planète+Justice de Clémence Badault (2006)
- Histoire secrète d'Action directe, de Romain Icard, 2009, emitido en LCP
Ligazóns externas[editar | editar a fonte]
- Action Directe
- Campaña pola liberación dos detidos
- Entrevista con Joëlle Aubron de Action Directe
- Campaña pola liberación dos detidos (en catalán)
- ↑ https://www.marianne.net/Coupat-in-situ_a180195.html; http://www.rue89.com/2008/12/23/affaire-coupat-la-france-et-ses-epouvantails-gauchistes?page=8#comment-614278
- ↑ Christophe Bourseiller interrogé notamment sur le site les influences.fr : http://www.lesinfluences.fr/Christophe-Bourseiller.html.
- ↑ Leclerc, Jean-Marc (25 de febreiro de 2011). "Nouvelle menace d'Action directe". Le Figaro (en francés). Consultado o 20 de xaneiro de 2023.
- ↑ Modelo:Ouvrage
- ↑ http://eubn.org.free.fr/eubn/article.php3?id_article=890