A Fracción do Exército Vermello (en alemán, Rote Armee Fraktion, ou RAF), tamén coñecida como a banda Baader-Meinhof (polo apelido dos seus dous compoñentes máis significados), foi unha das organizacións terroristas de extrema esquerda máis activas da República Federal Alemá na posguerra.
A RAF pretendía ser un grupo de resistencia ao estilo das guerrillas urbanas de Suramérica, especialmente dos Tupamaros uruguaios; entendían a guerra de guerrillas como unha loita contra o sistema, o capitalismo e o imperialismo dos Estados Unidos de América nunha contenda internacional de liberación. Operou entre a década dos 70 e 1998, causando grande axitación en Alemaña (especialmente no outono de 1977, que levou a unha crise nacional) e á morte de 34 persoas e 20 membros do grupo debido a diversos atentados.
O 13 de marzo de 2009 estreouse o filme Der Baader Meinhof Komplex (R.A.F. Fracción del Ejército Rojo en España e Brigadas rojas Baader Meinhof en América Latina) do director alemán Uli Edel, baseada no libro de título homónimo do escritor Stefan Aust.
.jpg)
