Acción (Pontevedra)

Na Galipedia, a Wikipedia en galego.

Acción foi unha revista editada en Pontevedra entre 1928 e 1930.

Historia e características[editar | editar a fonte]

Subtitulada Órgano de la Juventud Católica, apareceu o 15 de abril de 1928. Con periodicidade quincenal, foi fundada por Xosé Sesto López e dirixida por José Muíños González. De carácter relixioso, publicou artigos en galego de Losada Diéguez, Antonio Rey Soto, Juan Bautista Andrade, Jacobo Rey Porto, Gerardo Álvarez Limeses, Manuel Casado Nieto e Herminia Fariña; e tamén poemas de Xosé Manuel Cabada, Casimiro Cubela, M. García García e Xosé Sesto. Tivo inicialmente unha sección crítica titulada "Picotazos", que desapareceu axiña. Cesou a súa publicación o 31 de maio de 1930.