Xoán Bautista Andrade

Na Galipedia, a Wikipedia en galego.
Saltar ata a navegación Saltar á procura
Xoán Bautista Andrade
Xoán Bautista Andrade.jpg
Xoán Bautista Andrade.
Nacemento24 de xullo de 1879
 Lérez
Falecemento3 de setembro de 1930
 Lérez
NacionalidadeEspaña
Ocupaciónpoeta
XénerosPoesía
editar datos en Wikidata ]

Juan Bautista Andrade Tojedo,[1][2] nado en Lérez (Pontevedra) o 24 de xullo de 1879 e finado na mesma parroquia o 3 de setembro de 1930, foi un escritor galego. Foi tío do escritor e economista Valentín Paz-Andrade.

Traxectoria[editar | editar a fonte]

Placa no edificio en que viviu en Lérez.

Fillo de Manuel Andrade Carlín, deuse a coñecer como poeta arredor do 1900, ao gañar o primeiro premio nun certame organizado polo Ateneo León XIII de Compostela. Foi premiado pola composición "Íntima" na celebración do centenario de Rojas Zorrilla en Toledo. En 1910 gañou en Santiago a flor natural polo poema "Las cumbres" e o primeiro accésit por "La casa muerta".

Salienta a súa obra lírica en castelán:

  • Al amor del terruño (1915), libro de corte clásico e inspiración romántica que contén os seus poemas premiados
  • Al desplegarse la rosa (1917), monólogo lírico
  • Diana de gaita (1930), na que mostra unha visión da paisaxe galega de gran sensibilidade. Algunhas investigacións sinalan a influencia deste libro na obra de Luís Amado Carballo e na escola imaxinista.

Andrade tiña máis obras pendentes de publicación, mais non chegaron ao prelo por mor do seu pasamento: Poemas compostelanos, Enfoques (estudos sobre sensibilidade); El Pazo, los cipreses y el mar (ensaios sobre a paisaxe) e a novela La sombra de Fr. Juan.

En lingua galega publicou só tres ou catro poemas, aínda que parece que antes do seu pasamento preparaba a publicación dunha obra lírica en galego, Cantarelas.

Notas[editar | editar a fonte]

  1. Carballo Calero, Ricardo: "Andrade y Tojedo, Juan Bautista" en pp. 701-702 de Historia da literatura galega contemporanea, 1975 (2ª ed.).
  2. Alonso Girgado, Luís; Cochón, Luís e Domínguez Mallo, Lorena (edición) (2011). Cadernos Ramón Piñeiro (XX). Álvaro Cunqueiro. Remuíño de prosas p. 49. ISBN 978-84-453-5028-7: "Juan Bautista Andrade Tojedo (Lérez, Pontevedra 1879-1930). Poeta en castelán distinguido con varios premios..."

Véxase tamén[editar | editar a fonte]

Bibliografía[editar | editar a fonte]

Outros artigos[editar | editar a fonte]