A marabillosa historia de Henry Sugar (filme)
| A marabillosa historia de Henry Sugar | |
|---|---|
| Ficha técnica | |
| Título orixinal | The Wonderful Story of Henry Sugar |
| Director | Wes Anderson |
| Produtor |
|
| Guión | Wes Anderson |
| Baseado en | "The Wonderful Story of Henry Sugar" de Roald Dahl |
| Intérpretes | |
| Fotografía | Robert Yeoman |
| Montaxe | |
| Estudio |
|
| Distribuidora | Netflix |
| Estrea | Festival de Venecia: 1 de setembro de 2023 20 de setembro de 2023Netflix: 27 de setembro de 2023 |
| Duración | 39 minutos[1] |
| Orixe |  Estados Unidos |
| Xénero | Fantasía |
| Na rede | |
       | |
A marabillosa historia de Henry Sugar (en inglés: Roald Dahl's The Wonderful Story of Henry Sugar, ou sinxelamente The Wonderful Story of Henry Sugar), é unha curtametraxe[2] estadounidense escrita, coproducida e dirixida por Wes Anderson. Baséase na historia de 1977 "The Wonderful Story of Henry Sugar" de Roald Dahl. É a segunda adaptación cinematográfica dunha obra de Dahl por parte de Anderson, logo de Fantastic Mr. Fox (2009).[3] Está protagonizado por Benedict Cumberbatch xunto con Ralph Fiennes, Dev Patel, Ben Kingsley e Richard Ayoade. Conta a historia dun home rico que descobre a existencia dun gurú da clarividencia que podía ver sen usar os seus ollos a través do poder dunha forma particular de ioga, e despois proponse dominar a habilidade para facer trampas nos xogos de azar.
O filme é a primeira dunha serie de catro curtametraxes adaptadas de historia de Dahl, incluíndo "The Swan", "The Rat Catcher" e "Poison".[4] O desenvolvemento do proxecto comezou en xaneiro de 2022. A fotografía principal tivo lugar en Londres ese mes. A marabillosa historia de Henry Sugar foi orixinalmente unha longametraxe ata que Anderson aclarou en xuño de 2023 que sería unha colección de curtametraxes.
A marabillosa historia de Henry Sugar estreouse na 80ª edición do Festival Internacional de Cinema de Venecia o 1 de setembro de 2023, e estreouse de forma limitada en cinemas o 20 de setembro de 2023, seguido da estrea en Netflix o 27 de setembro de 2023,[5] onde conta cunha versión subtitulada en galego. As outras tres curtas de Anderson baseadas en historias de Dahl estreáronse en Netflix os días sucesivos: The Swan o 28 de setembro, The Rat Catcher o 29 de setembro e Poison o 30 de setembro.[6]
Personaxes[editar | editar a fonte]
- Benedict Cumberbatch como Henry Sugar / Max Engelman
- Ralph Fiennes como Roald Dahl / The Policeman
- Dev Patel como Dr. Chatterjee / John Winston
- Ben Kingsley como Imdad Khan / The Dealer
- Richard Ayoade como Dr. Marshall / The Great Yogi
- David Gant como crupier do casino
Notas[editar | editar a fonte]
- ↑ "The Wonderful Story of Henry Sugar". Netflix. 27 de setembro de 2023. Consultado o 27 de setembro de 2023.
- ↑ Bergeson, Samantha (2023-08-24). "Wes Anderson's 'Wonderful Story of Henry Sugar' Sets Netflix Release Date and Shares New Art". IndieWire (en inglés). Consultado o 2023-08-25.
- ↑ Shafer, Ellise (2023-09-01). "Wes Anderson Confirms ‘Henry Sugar’ Short Film Collection Will Include ‘The Swan,’ ‘Poison’ and ‘The Rat Catcher’". Variety. Consultado o 2023-09-01.
- ↑ "Wes Anderson Revisits Roald Dahl in ‘Wonderful Story of Henry Sugar’ Trailer". The Hollywood Reporter. 2023-09-14. Consultado o 2023-09-14.
- ↑ Bergeson, Samantha (2023-08-24). "Wes Anderson's 'Wonderful Story of Henry Sugar' Sets Netflix Release Date and Shares New Art". IndieWire (en inglés). Consultado o 2023-08-24.
- ↑ "You’re Invited to a Week of New Wes Anderson Shorts This September". Netflix Tudum (en inglés). Consultado o 2023-10-05.
