A Nosa Terra (Buenos Aires)

Para outras páxinas con títulos homónimos véxase: A Nosa Terra.

A Nosa Terra foi unha publicación editada en Buenos Aires de 1942 a 1972.

Historia e características

Subtitulado Periódico galego, apareceu o 28 de xuño de 1942, co número 425. Editado pola Irmandade Galega de Buenos Aires. Publicación política nacionalista que retoma o título da publicación do Partido Galeguista, da que se considera continuadora. Tivo unha periodicidade irregular e informaba dos propositos e actividades dos grupos nacionalistas de Buenos Aires e América. Alfonso Daniel Rodríguez Castelao actuou como director e editorialista ata o seu falecemento. Foron despois directores Bieito Cupeiro, Alfonso Fernández Prol e Manuel Pedreira. Entre os seus colaboradores figuraron Eduardo Blanco Amor, Xosé Núñez Búa, Antón Alonso Ríos, Avelino Díaz e José Rodríguez Vázquez. Cesou a súa publicación o 1 de decembro de 1972.

Véxase tamén

Bibliografía

• Monteagudo, Henrique (editor) (1996). De viva voz. Castelao. Conferencias e discursos. Santiago de Compostela: Fundación Castelao. ISBN 84-922417-0-5. OCLC 0431589260. 
• Peña Saavedra, Vicente (dir.) (1998). Repertorio da prensa galega da emigración. Santiago de Compostela: CCG. pp. 163–164. ISBN 84-87172-30-X. 
• Vilavedra, Dolores, ed. (1997). Diccionario da literatura galega. Publicacións Periódicas II. Vigo: Editorial Galaxia. p. 338-339. ISBN 84-8288-137-X. 

Ligazóns externas

• Repertorio da prensa da emigración galega Consello da Cultura Galega.
• "Resistencia cultural e silencio político (1950-1963)" Asociación Socio-Pedagóxica Galega.