Manuel Pedreira Rumbo
| Biografía | |
|---|---|
| Nacemento | 1916  Culleredo, España |
| Morte | valor descoñecido Buenos Aires, Arxentina |
| Actividade | |
| Ocupación | xornalista, político |
| Familia | |
| Pai | Manuel Pedreira Pazos |
| Irmáns | Demófilo Pedreira Rumbo |
Manuel Germán Pedreira Rumbo, nado en Culleredo cara a 1916 e finado en Buenos Aires, foi un xornalista e político galego.
Traxectoria
[editar | editar a fonte]Fillo de Manuel Pedreira Pazos que era mestre en Poio. Estudou o bacharelato no Instituto de Pontevedra.[1] Co golpe de Estado do 18 de xullo de 1936 participou na defensa da República que se orquestrou desde o Goberno Civil de Pontevedra ata a súa rendición, o 20 de xullo. Despois logrou fuxir. Reclamado mediante requisitoria polo xuíz militar de Pontevedra o 4 de setembro xunto con Aurelio Torres Lorenzo, Manuel Martínez, Albino Sánchez Leiro e Elvira Lodeiro González.[2] Foi declarado prófugo o 25 de febreiro de 1937 ao non se presentar cando foi movilizado para o Exército. Coa derrota de República pasou a Francia. Exiliouse na República Dominicana, a onde chegou o 23 de febreiro de 1940.[3] A principios de 1941 marchou á Arxentina. Integrouse na Irmandade Galega de Bos Aires. Colaborou en A Fouce e foi director de A Nosa Terra. En 1982 fundou o periódico Pátria Galega.
Notas
[editar | editar a fonte]- ↑ El Pueblo Gallego, 16-5-1933, p. 11.
- ↑ El Diario de Pontevedra, 4-9-1936, p. 2.
- ↑ Lista de exiliados republicanos españoles en la República Dominicana en 1940
Véxase tamén
[editar | editar a fonte]Bibliografía
[editar | editar a fonte]- Pereira Martínez, Carlos (2005). "A represión franquista en Culleredo. Unha aproximación inicial" (PDF). A represión franquista en Galicia. Actas dos traballos presentados ao Congreso da Memoria. Narón, 4 a 7 de decembro de 2003. Asociación Cultural Memoria Histórica Democrática. pp. 485–486. Consultado o 31 de outubro de 2014.