Álex Fernández
| Álex Fernández | |||
|---|---|---|---|
 | |||
| Información persoal | |||
| Nome | Alexandre Fernández Barreiros | ||
| Nacemento | 1988 | ||
| Lugar de nacemento | Ourense | ||
| Altura | 1,78 m. | ||
| Posición | Centrocampista | ||
| Información de club | |||
| Club actual | Arenteiro | ||
| Número | 8 | ||
| Carreira xuvenil | |||
| –2000 | Pabellón | ||
| 2000–2006 | Celta de Vigo | ||
| Carreira sénior | |||
| Anos | Equipos | Aprs | (Gls) |
| 2006–2008 | Celta B | 56 | (0) |
| 2008–2010 | Lorca Deportiva | 6 | (0) |
| 2010 | Cerro de Reyes | 10 | (1) |
| 2011 | Lorca Atlético | 16 | (1) |
| 2011–2014 | Ourense | 99 | (8) |
| 2014–2015 | Coruxo | 34 | (2) |
| 2015–2020 | Pontevedra | 116 | (8) |
| 2020–2024 | Arenteiro | 95 | (7) |
| 2024- | UD Ourense | ||
| Selección nacional | |||
| 2006 | España sub-19 | 3 | (0) |
|
Partidos e goles só en liga doméstica. Club: actualizado a 11 de outubro de 2023. [ editar datos en Wikidata ] | |||
Alexandre Fernández Barreiros, coñecido como Álex Fernández, nado en Ourense o 21 de xuño de 1988, é un futbolista galego, que xoga como centrocampista no Arenteiro, da Primeira División RFEF.[1]
Traxectoria[editar | editar a fonte]
Nacido e criado en Ourense, seguiu os pasos de seu pai, que fora futbolista de varios equipos da cidade como o Pabellón, o Atlético Ourense ou o Ponte Ourense.[2] Comezou a xogar ao fútbol no Pabellón, antes de ingresar con 12 anos na canteira do Celta de Vigo.[2] Aos 17 anos debutou co Celta B na Segunda División B e xogou durante os seguintes tres anos co filial céltico, disputando 61 partidos oficiais. Entre 2008 e 2011 xogou fóra de Galicia, vestindo as camisetas de Lorca Deportiva, Cerro de Reyes e Lorca Atlético (onde sufriu o terremoto de Lorca mentres adestraba),[3] antes de regresar á súa cidade natal e fichar polo Ourense.
Na súa primeira tempada no club vermello e azul conseguiu un ascenso a Segunda B, categoría na que xogou durante os seguintes oito anos, os dous primeiros nas filas do Ourense. Un fixo no centro do campo titular do equipo ourensán, disputou con este un total de 109 partidos, nos que marcou 8 goles. No seu último ano no Ourense conquistou a Copa Federación, despois de vencer na final ao Guadalajara.
Tras pasar unha campaña no Coruxo recalou no 2015 no Pontevedra, onde se reencontrou co seu antigo adestrador no Ourense, Luisito. Militou cinco anos no equipo granate, xogando 120 partidos e gañando unha segunda Copa Federación en 2018.
En 2020 baixou unha división para xogar en Terceira co Arenteiro, proclamándose campión da categoría na súa primeira campaña. Dous anos despois capitaneou o equipo do Carballiño na histórica tempada 2022/23, na que o club se proclamou campión do Grupo I da Segunda División RFEF, logrando así o ascenso á Primeira RFEF, gañou a Copa Federación (a terceira para o xogador) e eliminou ao Almería na Copa do Rei antes de caer eliminado ante o Atlético de Madrid de Simeone.[4] Contribuíu ao éxito do equipo cun total de 38 partidos (37 deles como titular) e 7 goles, e recibiu o Premio Luis Suárez ao mellor xogador galego da categoría.[4] O equipo rescindiulle o contrato en xaneiro de 2024,[5] tras o cal fichou pola UD Ourense.
Selección española[editar | editar a fonte]
Foi internacional coa selección española sub-19, coa que disputou tres partidos amigables en 2006, ante Inglaterra, Italia e Austria.
Palmarés[editar | editar a fonte]
- Ourense
- Terceira División (1): 2011/12.
- Copa Federación (1): 2014.
- Pontevedra
- Copa Federación (1): 2018.
- Arenteiro
- Segunda División RFEF (1): 2022/23.
- Terceira División (1): 2020/21.
- Copa Federación (1): 2022.
Notas[editar | editar a fonte]
- ↑ "Álex Fernández, Alexandre Fernández Barreiros - Futbolista | BDFutbol". Consultado o 2023-06-18.
- ↑ 2,0 2,1 "Álex Fernández: “Formarme como entrenador me ayuda a seguir creciendo como jugador”" (en castelán). 10 de abril de 2021. Consultado o 10 de outubro de 2023.
- ↑ Leis, Iván (13 de maio de 2011). "Álex Fernández Barreiros: "Por diez segundos no se nos cayó encima el túnel de vestuarios"". La Opinión A Coruña (en castelán). Consultado o 11 de outubro de 2023.
- ↑ 4,0 4,1 Rodríguez, Luis M. (10 de xuño de 2023). "Álex Fernández: «En el éxito del Arenteiro primó lo colectivo sobre lo individual»". La Voz de Galicia (en castelán). Consultado o 11 de outubro de 2023.
- ↑ Pepe Garrote (17 de xaneiro de 2024). "El Arenteiro despide a su capitán Álex Fernández: “No me esperaba acabar así”". La Región (en castelán).