Vicente Peña Tarrasa
| Biografía | |
|---|---|
| Nacemento | 1904  Palma, España |
| Morte | 5 de marzo de 1949 (44/45 anos) Paramos, España |
| Datos persoais | |
| Outros nomes | Pedro Borrás |
| País de nacionalidade | España |
| Actividade | |
| Ocupación | membro da resistencia |
| Lingua | Lingua castelá |
| Carreira militar | |
| Conflito | Guerra civil española |
Vicente Peña Tarrasa, coñecido como Pedro Borrás, nado en Palma de Mallorca en 1904 e finado en Val do Dubra o 5 de marzo de 1949, foi un guerrilleiro antifranquista.
Traxectoria[editar | editar a fonte]
Suboficial da Mariña en Ferrol. Co golpe de Estado do 18 de xullo de 1936 permaneceu fiel á Reública, estivo a piques de ser fusilado e foi obrigado a loitar no bando sublevado. A principios dos anos corenta organizou células clandestinas nos cuarteis Dolores de Infantaría de Mariña en Ferrol e grupos da Unión Nacional (UNE) e o PCE. En 1946 pasou á guerrilla onde foi un dos oficiais militares do destacamento Eive-Carbón da IV Agrupación do Exército Guerrilleiro de Galicia. Tamén asumiu a formación teórica a través do periódico Senda Guerrillera. O grupo que comandaba foi o autor do incendio da Casa do Concello de Moeche o 17 de agosto de 1948. O 8 de setembro de 1948 a Garda Civil de Ortigueira cercou unha casa de Ambosores na que se refuxiaba Vicente Peña con Leonardo Gómez Pérez e outros tres guerrilleiros; no tiroteo mataron o propietario Jesús López Bouza e ao seu criado José Durán Souto, logrando fuxir os guerrilleiros. O xulgado militar da Coruña publicou unha requisitoria contra el e Jesús Valeiro Gómez en novembro de 1948 como encartados nas causas 457/48, 458/48 e 482/48 por atraco a man armada.[1] Refuxiados nunha casa de Zas (Negreira), foron descubertos pola Garda Civil, fuxiron e foron abatidos en Paramos (Val do Dubra) o 5 de marzo de 1949. Morreron José María Castelo Mosquera e Manuel Pena Camino, e as enlaces Carmen Temprano e Manuela Teiga.
Vida persoal[editar | editar a fonte]
Casou con María de la Luz Díaz Rascado.[2]
Notas[editar | editar a fonte]
Véxase tamén[editar | editar a fonte]
Bibliografía[editar | editar a fonte]
- Martínez, Lupe (2007). Coa man armada. "Ejercito Guerrillero de Galicia" -IV Agrupación- 1946 - 1948. Vigo: A Nosa Terra. p. 128. ISBN 978-84-8341-166-7.
- Martínez, Lupe (2023). Guerrilleir@s antifranquistas da provincia da Coruña. Vigo: Galaxia. pp. 342–347. ISBN 978-84-1176-172-7.